وشـــــوفــــيهـــا يعنــــــــــي؟؟؟

الضياع · #1 12-12-2008, 08:58 PM

السلام عليكم ورحمة الله وبركاته

حبيت اكولكم شي صارلي اليوم

وانقهرت منه وااااااااااااااااااااااااااااايد

قولولي وشوفيها يعني اذا بنت ساقت دراجه ؟؟؟؟؟؟؟

فيها شي؟؟

هل معناته بان البنت صايعه؟؟؟؟

هل معناته بان البنت مب من عايله محترمه؟؟؟؟؟

قولولي ؟؟؟

قسم اللله مقهووووووووووووره

اليوم طلعت ويا اخوي وخواتي البر وسقنا دراجات برضى الاهل

ويوم رجعنا اخوي العود اتصل وقال نحن عايله محترمه كيف اسوقون دراجه ؟؟؟

ابصراحه انصعقة

لان نحن مب اول مره انسوق دراجه؟؟

الموضوع احسه عادي خاصه باني دايما اروح مع الاهل

بس يا اخواني وخواتي

انا مره شفت وحده مــنـــقــبــه يالسه اسوق دراجه ؟؟؟

هل معناته بانها صايعه؟؟

ولا مب من عايله محترمه؟؟؟؟؟

ودي اعرف رايكم فالموضوع

علشان اعرف اذا كنت صح ولا اخوي صح؟؟؟

__DEFINE_LIKE_SHARE__

ملاك بين البشر · 12-12-2008, 09:10 PM

السلام عليكم

اخــــتي دوم البنــــآآتـــ والاولاد بشكــل عام يحسبون ان هزبات اهلهم لهـــم انه شي محزن

ليش تزعــلين اخوج زعـــل عليج معناته انه يهــمه عرضه وشرفه ومايرضى عليج بشي لو مازعل اسميه معدوم الاحساس

لكــــــــــــن بما انج تروحين بر وتسوين هالشغله اجوفها عاديه ومافيهـــآآآ شي

انتي قوليله المكــآآن ياخويه اللي سقت فيه هب عـــآآآم عشان تهزبني كله بر من طرفه لين طرفه الثاني

يعني ايلسي واتفاهمي وياه بعقليه وقوليله شو سبب هالكلام حد ياب لك طاري عنــآآآ وتكلم ولا من راسك يالس

تحكم والســآآلفه مافيها شي حبــــوبه واخس شي تراه سوء الظن ياوخيتي فوسعي صدرج عليه __DEFINE_LIKE_SHARE__

زهور 2007 · 12-12-2008, 10:28 PM

السلام عليكم ورحمة الله وبركاته

والله يا الغالية انا اشوفهاا عادى .. يعنى وانتى تسوقين فى البر و مع الاهل و بي موافقة الأهل ..واحد ويش يبغاء أكثر .. صراحه فى كل شي مشكلة للبنت.. انا لما اروح البر عادى اسوق الدرجه.. لانى احس انه بنت تقدر تستانس فى البرد براحته ..جدام الأهل و تكون بينهم بس..و اخوان شوي بعض مرة يصيرلهم شي .. لوول ^^ عادى حصل خير .. ما دام انتى ما سويتي شي غلط..و كنت تسوقين بي موافقه الاهل ..خلاص ..لا تزعلين روحج ^^ استانسي

تسلمين حبوبه على الموضوع الحلوو .. ربي يعطيج صحه و العافية __DEFINE_LIKE_SHARE__

الـدانـة · 12-12-2008, 11:55 PM

وعليكم السلام والرحمة

بصراحة أختي أنا بقولج رأيي وأتمنى ما تزعلين منه

من وجهة نظري ما أحبذ فكرة أنه البنت تركب دراجة وأتسوقها حتى لو كان فالبر

حتى لو كان برضا الأهل وبرفقتهم بس بعد ما أحسها حلوة بحق البنت لأنه حتى فالبر في ناس وشباب

و هالشي مب معناته أنه البنت صايعة أو مب محترمة

بس لأنه ركوب الدراجات يناسب الشباب أكثر من البنات

وفي وااايد أشياء البنت تقدر أتسويها أفضل وأحسن من ركوب الدراجات

و الحرمة المنقبة وين تبا أتسوق دراجة ؟؟؟!!

بصراحة أحس أنه هالشي مول مب عدل ومب حلوة في حقها أنها تسوي هالشي

والمفروض تسمعين كلام أخوج وما تزعلين منه

والسموحة __DEFINE_LIKE_SHARE__

السيل · 12-13-2008, 12:04 AM

السلام عليكم ان شاء الله خير

السياقة لدراجة بمرافقة الاهل و في البر الظاهر انه مافيه احد معاك غير الاهل و بس

الظاهر عندى في هذه الحالة الامر عادي

وما اظن انك ترضين انتى بنفسك انك تسوقين الدراجة في مكان يكون فيه الناس

ليس كل فعل تقوم به البنت ينسب الى اهلها انها عائلة غير محترمة هذا خطا يمكن ان يخطا الانسان وهو من عائلة

محترمة او العكس

الشي اللى امرك به اخوك الظاهر عندي ان هذا من شدة غيرته على اهله

هذا يحمد عليه المرء بدل ان يذم

فارجو ان لا تغضبي منه و الاهم من ذلك انا اود منك ان تتنازلين عن سياقة الدراجة ارضاءا لاخيه

لان بذلك تربحين اخوك بدلا من ان تخسرينه ويكون فيه قضاء على الشيطان و وساوسه

لا تخلى دخل لشيطان في افساد اسرتك عليك

واعلم ان لك اخ يعتز به صراحة

قولى انا من عائلة محترمة و افتخري

مشكوووووووووووووووووووووورة

__DEFINE_LIKE_SHARE__