أنواع الشياهين في تونس و ليبيا

محروم.كوم · #1 09-03-2010, 12:00 PM

بسم الله الرحمن الرحيم
السلام عليكم و رحمة الله تعالى و بركاته

هاذي لمحه عن الشواهين الموجوده في الشّقيقتين تونس و ليبيا و ننتضر آراء الإخوه االليبيين في ما ورد سواء بالتعليق أو التصحيح

الشاهين البحري

هو أحسن أنواع الشياهين من ناحية السرعه و القوّه و التحمّل كما أنّه أكثرها شجاعه و مقدره في المعارك الأرضيّه مع الحبارى و هو الأغلى ثمن بين الشواهين و هو طائر مهاجر يمر ب ليبيا و تونس في طريق هجرته كما توجد منع أعداد مستوطنه في تونس خاصّة في محميّة جزيرتي زمبره و زمبرتّه التي تبلغ مساحتهما نحو 11 كلمتر مربّع و يوجد بها حوالي 500 شاهين أي بكثافه تتجاوز 22 عش في الكيلومتر المربّع و تخضع هذه الجزيرتان لحماية الجيش الوطني التّونسي و هو ما ساعد على تكاثر هذه الطيور بها , تميّز البحريّه بسهوله من لون عاتقها الأبيض

البرني أو البريني أو الجبلي

البريني : تسمّى الجبليّه في تونس و ليبيا البريني أو البرني و هي أقل شأن من البحريّه و العراقيّه و هي مش مرغوبه عند الصقّارين لأن حجمها يجي صغير في أكثر الأوقات و هي أقل منها من ناحية الشّجاعه و القوّه و تكون مناسبه للكروان و حجل الرمال الأرنب و هي مقيمه في بلادنا مش مهاجره و للعلم الجبليّه تقدر تصيد لحبارى لكن تبقى هاذي إستثناآت و أخونا أيمن صيّاد ليبيا أضن عنده برينيّه صايده لحبارى , البرينيّه هي فكّاكه من الطراز الأوّل و هاذي الصوره تشهد و تضهر فيها لبرينيّه و هي واقفه على القاع ( من أحد مواضيع الأخ الفرّادي )

لاحض لون الصدر البنّي

شوف رجلها و قول ما شاء الله

الشاهين العراقي

الشاهين العراقي هو فصيله من الشياهين لاهي جبليّه و لاهي بحريّه في ليبيا موجوده خاصّه في المناطق القريبه من البحر و في منطقة الجبل لخضر و في تونس موجوده في الجنوب في جهة قبلّي و مدنين و في شبه جزيرة نابل و الهوّاريّه و في كامل الشّمال التونسي أغلب الموجود يكون مأخوذ من العش قبل ما تطير و للسبب هذا أغلب العراقيّات تكون عندها العيطه أو الصيحه لكن يكون لها قلب أسد , و هي تصيد أي شي , الكروان و الأرنب و الحبارى و تكون أسرع من البريني و أصحّ في الطرد و تقدر تميّزها بسهوله من لونها و على قولة الشاعر علي بن سالم الكعبي صحّ لسانه :
خد(ن) بياضه عجيب مشرب بحمره ___ من مشرق الشمس والمغرب له ألواني
أي أنّها واخذه من بياض عواتق البحريّه و من حمرة عاتق الجبليّه
هاذي تصويره إلها : إعراقيّه مطروحه في تونس :

و الآن يا خويا قارن ألوان الشياهين :

البحريّه : عاتق أبيض

الجبليّه : عاتق أحمر أو بنّي

العراقيّه بين بين

هذا وصلّي اللهم و سلّم و بارك على سيّدنا محمّد
والسلام عليكم و رحمة الله تعالى و بركاته

__DEFINE_LIKE_SHARE__