|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
بسم الله البشارة بآخر الموضوع بعد ما تقرون هالكلمات المتواضعة من واحد من اخوانكم اللي يحبونكم , مثل ما يحبون كل شي بارضنا من بشر وشجر وبر وبحر وطبيعة وصخر.. انا ودي نرجع للمقانيص الأولين ومقانيص هالوقت ونقارنهم ,,ونشوف أيهم الصح في نظر كل واحد منا .. بدايةً 1) كل زمان له رجاله وهذا من المسلمات.. 2) كل زمن ومجتمع وقبيلة فيها من الصالح والطالح ..والأصابع ما تستوي .. 3) الهدف من كلامنا ومنقشتنا المصلحة والفائدة لنا جميعاً تفيدني وافيدك .. 4)اللي عنده طرح او رؤيا في الموضوع الرجاء ان يطرحها بدون تعصب لها نريد ان نرتقي بالمناقشة لنصل للهدف . أخواني ......كان المقناص من اول ابوي وابوك وجدي وجدك لما يطلعون للقنص يزهب عزبته وان كان له ربع(ن) خاصين جداً ويمون عليهم ولا بينهم مخبا ,وسواليفهم ما يردها إلا الردا , وكانت عزبتهم عبارة عن بنادقهم والماء والشاهي والقهوة وزهابهن في خيشة أو كيس الطحين الخام , وكان القنص واجد وقريب للديار ما من بعد ,يعني ما هناك كلفة وخطوط ... وكان الفشق متوفر ولا هنا مشاكل مع الدولة والشرطة والدوريات .. ليش كانوا يخاف كل واحد منهم انه ينقال عنه الشينه, ما كان خوفه من شرطة او غيره ,, كانوا يستحون انهم يرمون حول الناس (حيا) ماهو خوف .. لذلك ما كان لهم خصوم ولا كان هناك شكاوى على القناصة ..لذلك لم يكن هناك تشديد من الدوله (لأن العاقل خصيم نفسه ) . كانوا من الحاجة والعوز, يقدرون العيشه ولا يفسقون بالنعمة وهذا ما زاد نعمة الله عليهم والكبار منكم من يذكر كثرة الطير هاك الوقت . كان الصياد إلا جا للحارة من الصيد تلقاه لافز(ن) صيده يا بخيشة أو كيس وتلقاه يدخل بيته مسرع لأن الصيد ما هو للتوزيع ..صيدهم يشبعهم ويشبع عيالهم واللي له ابو والا ام واللي عنده بالبيت , كم يوم وخلاص . في وقتنا ..إذا طلع الواحد وصاد ..وليس الكلام على الجميع فهنا من اساتذتنا بإحترام الحياة الفطرية من نقف إحترماُ لغيرتهم على كل ماهو جميل في هذا الوطن وما بذلوه لذلك . في وقتنا تلقا الواحد طالع بس من الفضاوة ..ولا دخل مجال البندق والرمي إلا فضاوة وتضييع وقت ,,والا مثل رفيقي فلان !! تلقاهم إلا من جوا أثرهم مخربين (من طلعتهم لرجعتهم) , في الطريق سرعة وتهور وشطف اوادم وتفحيط ونقرة مع اللي يعبي البنزين لهم ..وتلقا مكشاتهم انواع المناديل والقواطي وقوارير الما والأكياس والنعمة ,, ما انت مغصوب تكشت يا خوي اقعد بالبيت والا بالإستراحة إذا كل شغلك عجلة طيرن ويالله بس تراي كشت وقنصت !!! واللي يرمي ما يهمه عند عوايل ولا حول بيوت والا يدخل مزرعة وياطا على الزرع يطرد له ارنب والا حدر !! أذكر قنصنا قيال سنة من السنين ....والله يا شباب ان الشاب يرمون على الأسلاك اللي فوق البيوت لين اشغلوا الناس هناك ..وشكوا على الامارة وهاك يا مطارد ومصادر بنادق ..بسبب ناس للأسف ما تقدر ولا تحترم الآخري وذي ماهي سلوم قناص أبد .. أتمنى انكم قريتوا كلامي ووصل قلوبكم .. واللي عنده إضافة لا يبخل علينا البشارة ان هذا اول موضوع اكتبه في هذا المنتدى تحياتي للجميع القناعة كنز لايفنى
__DEFINE_LIKE_SHARE__
|
مواقع النشر (المفضلة) |
| |