مرت سنين وغيتكـ مآ تتصدق ... لكـن صورتكـ مآ فآرقت عيآلكـ

رشفة وفا · #1 08-29-2010, 12:10 AM

السلام عليكم ورحمة الله وبركاته ~

شحااالكم خواتي واخواني ؟!!
ربكم الا بخيييييييييير ^^

صحيح ان موضوعي اليوم يمكن تكون صوره مكررة بالنسبة لكم
لكن غرضي من الموضوع هب تشوفون الصور
بغيت كل من يشوف الصورة يذكر راعيها ويدعيله بالرحمة
ترا ذكرى وفاته قربت ونحن بهالشهر شهر المغفرة لابد ما ندعي له
وخاااصة بوقت الفطور قبل لا الواحد يأكل تمرته خل يستغفر ربه ويرفع يده للرب ويدعي للغالي من قلبه

يااااارب انك ترحم أبوي الشيخ زايد بن سلطان آل نهيان وتغفر الله وتسكنه فسيح جناتك مع الصالحين من عبادك يا أرحم الراحمين

العين هلت وبلها من حزنها .. والعين معذوره على فقد زايد
كل المكارم في ضميره خزنها .. أنا أشهد إنه بالوفا دوم زايد
العين تبكي والسبايب حزنها .. تقول راح اللي على الناس زايد
أنا أشهد إن النفس فكت رسنها .. في درب حق قد مضى فيه زايد
عليه حزني يرتوي من مزنها .. زايد ويرثي بالحشا فقد زايد
حتى الطفل عاف النهود ولبنها .. سبحان من أوحى له فراق زايد
اللي جمع كل العرب واحتضنها .. زايد على كل العرب كان زايد
الدار عافت كل حي سكنها .. وتجرع مراره عقب فقدان زايد
لو إن عين حجاب يرتج مزنها .. ماأوفت ولا كفت رثا الخير زايد
الروح سهله لو تخليت عنها .. بس الصعيبه قولهم مات زايد
كل القلوب الشيخ زايد سكنها .. واليوم خلاها بالأحزان زايد
والليله اللي كل ارتاع منها .. ليله سمعنا خبر موت زايد
دنيا ضعيفه صدق انا جزت منها .. تخنقني العبره على موت زايد
روح الكرامه تحتضر في وطنها .. جل الكرامه تبكي الشيخ زايد
ارض العرويه غاب عنها وطنها .. والأمه اللي مابكت غير زايد
أي والله ان الناس زايد حزنها .. منهو يعوضها عقب موت زايد
دمع العيون اللي نزل سيل منها .. يالعنبوه ان مانزل لجل زايد
يامن بنيت الداروين انت عنها .. دار تجرالصوت بفراق زايد
لو ان رد الروح يدفع ثمنها .. والله لدفع دم قلبي لزايد
الروح تزهق والمحاجر كفنها .. والحزن في الامه غدا اليوم زايد
خسارة لأمه الآهي محنها ..منهو يعوضها عقب موت زايد
صاح الخليج بعبرة مادفنها .. ياشيخ موتك بالصدر شي زايد
كل العرب تبكي وانا من ضمنها .. مرحوم يا شيخ على الكل زايد
من شامها تبكيه حتى يمنها .. تبكي زعيم الجود والطيب زايد
تنعيه سبع من بناته حضنها .. صارن يتامى من بعد عين زايد

روحك تخلد لو تفارق بدنها .. ياريحة الجنه على تراب زايد
دمعه تغرق شعبها مع وطنها .. وين العزا من بعد ما غاب زايد
اللي قلوب الناس حبه سكنها .. وكل يقول الله يغفر لزايد
والله ورب الكون واللي وزنها .. هالكون بعدك كن مافيه زايد
كثر المصايب للبشر تمتحنها ..واكبر فجيعه موتة الشيخ زايد
مادوله الا الحزن عم بوطنها .. الشعب والقاده على موت زايد
والارض مشموله قراها ومدنها .. تبكي وتتحسر على الشيخ زايد
الروح من هول الحزن من غبنها .. قالت ياليت الموت ماجا لزايد
الحسره اللي ذابت الكبد منها .. عم الاسى والغم في فقد زايد
الروح لو تفدى فدينا ثمنها .. فدوه عن الروح العزيزه زايد
له في سنام المجد دار سكنها .. أي والله إن زايد على الناس زايد
الاوطان تبكي الشيخ واللي سكنها .. حشى تجيب البيض شرواة زايد
أوامر المعبود لابد منها .. ليته بدل ونرجع الشيخ زايد
ما مات حي وكل روح سكنها .. وما ماتت أرواح بها حب زايد
مرت سحايب والكدر في مزنها .. تخالج بنوح البشر مزن زايد
العين لو غابوا هل الأرض عنها .. والله ماتبكي على غير زايد
من شاف عيني مانشد عن ومنها .. يقول أكيد إن الخبر موت زايد
الناس نامت واهجدت في سكنها .. إلا أنا أبكي الشيخ زايد
دنياه محزونه وترثي زمنها ..الله يرحم زايد الخير زايد
بيتي قوافي حزن يبكي وزنها .. تنزف دما عينه عقب موت زايد
هليت دمعي وعبرتي ماخزنها .. ياكبر حزن النفس في فقد زايد
لا تنشدون الروح عن ماشحنها .. ماهز روحي غير تشييع زايد
يا عالم خافي النفوس وعلنها .. بجنتك تدخل لنا الشيخ زايد
استاحشت بعده قلوب سكنها .. ماهز روحي غير تشييع زايد
عذب القوافي لا كتبها وزنها .. في الطيب زايد في المواجيب زايد
الجمله اللي ما استحت نفس منها؟.. وش حال كل الناس من بعد زايد
واهتزت وضلوعي وقلبن سكنها .. ومع همي المبطي غدا الهم زايد
يا جعله الجنه ايتغطى بمزنها .. ياالله ترحم عبدك البار زايد
العين هلت دمعها من مزنها .. ليت الدموع تعيد للكون زايد
مهما تعيش الروح تفقد بدنها .. في موعد ماهو بناقص وزايد
تبكيه أعنات الخيول ورسنها .. دمع عن دموع الجماهير زايد
عن أمته يا كثر ما ذاد عنها .. ما ظن به زايد عطى بعد زايد
محد على الدنيا حياته ضمنها .. واكبر دليل الموت والشيخ زايد
اقلوبنا ها الحزن الحقيقي سكنها .. من يوم ما جانا خبر موت زايد
ليت المنايا يوم تلت رسنها .. صدت يمين..شمال عن راس زايد
حبه قلوب امة محمد رهنها .. لأنه بافعاله عن الناس زايد
شام البلاد أمسى يعزي يمنها .. عسى يعوض بعد زايد بزايد
عد القلوب اللي رحياه غبنها .. الله يرحم زايد الخير زايد
يارب ترحم من حياته وزنها .. برضاك يارب عطى الخير زايد
ياقو قلب اللي بيدينه دفنها .. مايدري انها جثة الشيخ زايد
ماقول مات الشيخ في أتلى زمنها .. اقول مات الطيب في موت زايد
العين غلق دمعها من حزنها .. ماكنها إلا مدة الشيخ زايد
يا ما امور في حياته وزنها .. وياما بنفقد من عقب عين زايد
دنياي ظلمه وابعد النور عنها .. وش لي بدنيا بعد ما مات زايد
والقلب فجر لوعته لو خزنها .. صرخة عروق الدم والقصد زايد
حنا فقدنا من حياته رهنها .. للخير فلتبكين يا عين زايد
عليك تبكي كل عين بوطنها .. عساك في الفردوس يا الشيخ زايد
نفسي جزوعه صابها ما محنها .. والقلب مرتاع على فقد زايد
يا بوي بعدك هالحياه وش ثمنها .. وش هي حياتي من بعد عين زايد
يامنجي يونس بيدينك عدنها .. بالكوثر اغمر صاحب العز زايد
انا اشهد ان الخير ضايع رسنها .. من عقب فرقى الخير والخير زايد
الشايب اللي غرس نخله دفنها .. الله جعل حبه على الخلق زايد
كل العرب تبكي وتظهر حزنها .. عليك يا المرحوم يا الشيخ زايد
والله ثم والله روحي سكنها .. حزني على فرقاك يا الشيخ زايد
ماكل شي ينثر الدمع منها .. الا كلام الله ثم موت زايد
يا ديرة الأجواد واللي قطنها .. لو العمر يهدى هدينه زايد
كتمه وعبره تجتمع مع حزنها .. وهمومنا زادت بعد فقد زايد
اربع جهات الكون واللي سكنها .. خيم عليها الحزن في فقد زايد
غاب الكريم اللي مشيد مدنها .. وتيتمت هالأرض من بعد زايد
بنيت لك دوله ثقيل وزنها .. لين اصبحت تعرف بأسم دار زايد
بالله يا سحب تزايد مزنها .. هلي على قبر حوى الشيخ زايد

الله يرحمك يآ بووووي

دعوااااااتكم له تكفيني
ولا تنسوا الفاتحة
رافقتكم العافية
__DEFINE_LIKE_SHARE__

الغضي الياسي · 08-29-2010, 12:58 AM

كم يسوى هالموضوع يوم انه يطري شيخ الشيوخ زايد ( الله يرحمه )

مادري فـ البدايه اقول صح لسان الشاعر ولا اقول اختيار فكرة الموضوع وطرحه في هالوقت هي فعلن مهمه ,, لانها تحتوي على ذكرى وفاة المغفور له بإذن الله الشيخ زايد بن سلطان آل نهيان ,,

الشيخ زايد لو تكلمنا وقلنا ما وفينا حقه ولو جزء بسيط ,, كل اللي نقدر نقوله الحين الله يرحمك يا زايد ,, ولازم ندعي في صلاتنا بالرحمه والمغفره له ,,

تقبلي مروري

الياسي __DEFINE_LIKE_SHARE__

!!بنت العـــــز!! · 08-29-2010, 01:31 AM

الله يرحمك يا زااايد الخيــــــــر...ويغمد روحك الجنــــــــــــــة ياااارب... __DEFINE_LIKE_SHARE__

نبض روحي · 08-29-2010, 02:09 AM

السلام عليكم ورحمة الله وبركاته
صبآح الورد ..

يالله كم يسوى هالموضوع ..
زآيـــــد وكآن بعطآءه وحبهـ وحنآنهـ زآيــــد ع القريب والبعيد ع المسلم والكآفر
كآن ربي يرحمهـ نبع .. يعطيـ ويخدمـ من دون ملل او تعبـ ..
حتى في آيآمهـ الآخيــــره ربي يغفر لهـ مآ قصــّر
فقدنآ وجوود آب و حآكمـ وشيخ و مؤسس وكــل شي حلو في الامارات ..
بس ذكــرآه وروحهـ بآقيهـ فينآ .. ومآ مآت من خلّف مثــل شيوخنآ عيآل الشيخ زآيد

ربي يرحمهـ ويغفر له ..
وربي يحفظ عيآلهـ وشيوخنآ ..

تسلمين حبوووبه على طرحج الرآئع ..
يعطيييج العآفيه
منورهـ القسم بموضوعج هذآ ..
لآ تحرمينآ من كل مميز

لآ هنتي __DEFINE_LIKE_SHARE__

*نظره مني تسدك* · 08-29-2010, 02:16 AM

"

وعليكم السلام ورحمة الله وبركاته

الله يرحم ابونآ زآيد ويغمد روحه الجنه

صعب الوآحد ينسآه ومستحيل اصلا ينسآه

في شي في قلوبنآ كلنآ..، ونحس لين اليوم فآقدينه><"

بس الحمدالله على كل حآل

الله يحفظ شيوخنآ مآ قصروآ قصيره ابدن..،

تسلمين يا رشفه ع الطرح الطيب

نورتي استرآحه الشيوخ =)

يعطيج الف عافيه..،

عسآج ع القوه..~ __DEFINE_LIKE_SHARE__