#poem_4c78ee9490c23 td {font-family: arial, helvetica, sans-serif;font-size: x-large;font-weight: bold;} لا واهني من يمرح بشرق عبلان بين البصيري لين غرب الحمايين اول معشا في سمار ابن هملان والليله الاخرى جنوب البدارين وامعشا ثالث بالشجر حول ماوان دون المحامه لين غرب الخلا الزين واسيح من بين النفايد وضلعان من قصر ابن راجح لمين الموازين وامدها عقب العصر لين كبشان وازور احامر وانتهي بالقشيعين ثلاثة ايام اضرب فجوج خليان بابلاد اهلنا ما غزيت المعادين فيها المساجد نسمع صدوع الاذان بديار موفين العهود المسلمين باوطان حربن والرشيدي ومطران وكثايره واعتيبه اقصى الضلاعين حبل العقيده رابط قلوب الاخوان ما ينهدم من سور ساسه على الدين ادور باطلاح الاسامر وشعبان ابي القميري عقب نجم الكليبين اشعلت ناري والفجر ليل ما بان والدلة البيضا سواة العراجين وابريق شاهي جاور الجمر خدران عليه تلقيمه ورقها من الصين لين استبان النور بافسوح الاكوان بدا على الاوكار صيح الشياهين والطير غنا في محاديب الاغصان واغراب ينعق رايجن فوق فرقين دليت ادور الدوح باطراف وديان ولقيت حبات القميري تكفين اخذت مقسومي على غير نقصان رزقي على الله رازق الدود بالطين قضيت قيله بين هضبه وكثبان واقفلت راجع للربوع العزيزين