ﻟﯙ ٲﺼﯙﻣﮕ .. ﺿﻨﮙ ٲڶقـﻰ فيـﮏ ﻋﻴد ؟! - الصفحة 11

عيناوية 77 · 12-24-2010, 09:35 PM

sLamcj 5aito0o ahm shy 97tch

yo0om tko0oneen b5er nazle albart __DEFINE_LIKE_SHARE__

الثروة · 12-26-2010, 10:06 AM

ويييييييييييييييييييييييج أختي

؟
؟
؟ __DEFINE_LIKE_SHARE__

ﻣفـﻨﯚدہ · 12-29-2010, 02:44 AM

ودي اغير كلمة اهواك
الكلمه توصف كم انا اغليك
كلمه تفسر اني وياك
عايش وقلبي ميت فيك

يوم الجمعه
كل العوايل كانت متيمعه فبيت بو راشد البنات فصوب والشباب فصوب
نصره : انزين ياخي نبا نظهر
موزه : وين نروح
اليازيه : مول او اي شي ملل
شمـا "وهي يايه وماسكه سعيد " : ياربيه لعوزني .. اقعد اهني ولا تتحرك فاهم
سعيد " شوي وبيصيح " : انزين انا بسير عند ابويه
شما : بابا مشغول تعال اهني
خوله " زاعقت عليه " : ايـــــــه يلا قر مكانك ان تحركت بصفعك ( صاح سعيد )
موزه : تعالي حبيبي سعيد ( وسار سعيد صوبها وتم يصيح فحضنها )
موزه : شما بوديه وبيبه
شما : اوكي
خوله : اففف
اليازيه : عن اذنكم
صوب الشباب
بطي : يلا ياخي نلعب كوره
راشد : انزين اصبر خل سعود واحمد ومانع ايون
بطي : وبعد نبا حد
راشد : ابويه وعمي
بطي : وين بتعلبهم هالشياب مافينا واحد يطيح علينا
راشد : هههه لا افا عليك
وسار راشد واقنعهم والكل اتحمس
الفريق الاول : بو راشد وبطي ومانع
الفريق الثاني : بو احمد راشد احمد
الحكم : سعيد
ميثا يوم شافتهم شهقت
ميثا : اوييه " ويلست حذال سعيد "
ميثا : ثعيـد
سعيد : عيون سعيد
ميثا : ليث ماتلعب
سعيد : انا الحكم
ميثا : يعني ثو
سعيد : يعني انا اقول شو الصح و شو الغلط
ميثا : انذين
شوي وهم يلعبون تعور بطي وطاح وكل الشباب تيمعو عليه
راشد : بطي شو يعورك
بطي : ريولي آآخ
شل راشد بطي وساعده احمد
بو راشد : انا نسيت انه مايستوي يلعب
ام راشد : ياربي زين جذى يعني الحينه
بو راشد : انشاء الله مافيه الا العافيه
وسار بو راشد صوب ولده
بو راشد : ها بطي شو انته الحين
بطي : الحمد الله احسن اميه وينها عيل
بو راشد : هذي برع محتشره
بطي : ههه
" شوي ودخل راشد "
راشد : ها شو هبتك الحينه
بطي : الحمد الله ماشجي باس
بو راشد : يلا عيل راشد
راشد : يلا
وظهرو وعطول دخلت موزه
موزه " وقفت متسانده عالباب ومغمضه عيونها
بطي " ابتسم " : تعالي
وسارت موزه صوبه
موزه "وعيونها تدمع " : فيك شي .. تعورت .. بشو تحس
بطي " مسك ايدينها اللي تتنافض " : مافيني شي
موزه : ..........
بطي " يمسح دموعها " : احبـج
موزه : .........
بطي " يحاول ينش "
موزه : وين رايح
بطي " ابا اسبح ماتشوفين حالتي
موزه : تعال بوصلك وقبضته
بطي : مابتسبحيني
موزه " ابتسمت " : ....... لا
بطي : اوكي بس عقب ماخذج غضبن عنج بتسبحيني

بعد ماوصلته
موزه : تبا شي
بطي : اشر صوب الكبت
موزه صدت وباسها بطي ودخل
موزه : ماعليك يا بطي
بطي " يضحك عليها "
بطي " تنهد " : فديتج انا
وظهرت موزه وسارت صوب البنات تحت
نصره : ها شو حاله
موزه : الحمد الله
نصره : تعالي بقولج شي
موزه : شو
نصره : تعرفين انه هادف اليوم الفليل بيوصل
موزه : حلفي
نصره : والله
موزه : ليش احسهم ماكملو شهر
نصره : ههه الا كملو شهر واسبوع
موزه : صدق
نصره : والله صدق
اليازيه : ايه بلاكن انتن الهنتين
موزه : ماشي
.
.
.
صوب احمد وسعيد
احمد " همس " : بسك لا تشوفها
سعيد : ماروم والله
احمد : اقولك قوم بنظهر
سعيد : وين
احمد : مادري اي مكان
سعيد : لا خلنا يالسيـن
احمد : نش نش
سعيد : وين بيب حد ويانا
احمد : منو
سعيد : اصبر
وسار سعيد داخل وياب ميثا طبعا بعد ماسأذن من عمه
احمد : هه هاتها
ميثا : وين بتثيرون
سعيد : باسكن تبين
ميثا : هي حقي وحق موذه
ابتسم سعيد وشافه احمد وقلبه عوره على اخوه
بعد نص ساعه وصلو باسكن روبنز وخذو حق البنات كلهم
.
.
اما فالبيت
صوب الصاله بطي يالس يشوف تلفزيون وشافته خوله ويلست جريب منه
خوله : شحـالك
بطي : بخير الحمد الله
خوله : مممــ
بطي : وين موزه
خوله : افف ماعرف
بطي : بلاج
خوله : ماشي
شوي ونزلت موزه صدت شافتهم وماقالت شي وقبل لا تظهر زقرها بطي
بطي : مواز
موزه : هلا
بطي : وين سايره
موزه : بروح يلس برع
بطي : تعالي شليني وياج
موزه " ابتسمت " وسارت صوب بطي
خوله : هه مستانسه يا بنت المغربيه خذتيه مني بس ماعليه برد لج اياها وبذكرج
موزه وبطي : !!!!!!!!
خوله : ليش تشوفني جي
مد بطي ايده لموزه عشان تساعده وظهرو برع
بعد مايلسو برع
بطي : زعلانه
موزه : ليـش
بطي : مم ماشي خلاص
تنهدت موزه وصدت الصوب الثاني وقبض ايدها بطي
موزه : فيك شي
بطي : لا
شوي وياهم سعيد ولد راشد ويلس فحضن موزه
بطي : ايه
سعيد : شو
بطي : نش من حضن حرمتي
سعيد : لا لا مالتي هاي
بطي " شهق " : مالتي انا
سعيد " باس موزه " : انا احب عمو موذه لا ماما موذه احثن
بطي : نش يلا
موزه باسته
سعيد : شفت تحبني ماتحبك
موزه : هههه
بطي : وانتي عايبنج
موزه " هزت راسها ب هيه "
بطي " وهو يحاول ينش " : ماعليه
موزه " قبضت ايده " : تعال
بطي : اول خليه ينش
موزه : حبيبي سعيد تعال ايلس اهنى
بطي : هي الحينه اوكي
سعيد : عمو موذه برقد عندج اليوم
بطي : نعم لا لا انا برقد عندها
سعيد : لا لا
بطي : جب
سعيد : جـ ( وحطت موزه ايدها على ثمه )
بطي : !!! شو
سعيد : ماشي آسف
بطي : انزين سير ادخل داخل برد
سعيد : ان شاء الله وباس بطي على خده ودخل داخل
بطي : صدق بيرقد عندج اليوم
موزه : مادري
بطي : ماترقدينه فاهمه
موزه : انشاء الله
بطي : مم مواز يوم باخذج انشاء الله مابتعيشين اهنـا
موزه " عقدت حياتها " : عـيل وين
بطي : فبيتي
موزه : .........
بطي : ليـش سكتي
موزه : شو تباني اقول
بطي : ماشي
موزه : باجر بظهر ويا اليازيه اوكي
بطي : وين
موزه : بسير اخلص اغراضي
بطي : اوكي
موزه : اوديك داخل
بطي : هي

الساعه 2

فالمطـار بعد وصول هادف
راشد : الحمد الله على سلامتكم
هادف & عفرا : الله يسلمك
هادف : حد واعي فالبيت
راشد : يزوي الهبله
هادف : ههه يلا نسير
راشد : يلا
بعد 15 ساعه وصلو البيت
اول مادخل هادف عفدت عليه اليازيه
اليازيه : هااااااااااااااادف
راشد : شششش
هادف عطول حضن اخته واليازيه صاحت وخلاف سارت صوب عفرا
خلاف حدرو يرقدون
يوم السبت

الساعه 10
ام راشد : يلا يا بطي تعال تريق
اليازيه : لحضه حد بي
بو راشد : منو
راشد " ساكت وفهمها "
نصره : منو بي
اليازيه : تعال
شوي وظهر هادف من حجرته والكل نش صوبه هو وحرمته
ام راشد تصيح
هادف : ههه اميه ليـش تصيحين
بطي : وحليلها العيوز متولهه عليك
ام راشد : منو عيوز انا يا مسود الويه تعال
بطي " شرد " : آآسف آسف ههههههههههه
نصره : اميه عيوز اونه فديتها اميه شباب
ام راشد : والله انها شيختكم نصره
نصره : احم احم
اليازيه : اميه تراها تدهن سيرج
ام راشد : شوه
الكل : ههههههههههههههههههههههههههههه
خلاف يلسو ويا بعض
وعالساعه 12
موزه : يلا اليازيه
اليازيه : يلا
وقبل لا يظهرن
بطي : لحضه لحضه
موزه " صدت " : ......... بلاك
بطي " قرب منها وحط صبعه على شفايفها " : شو هذا
موزه " عضت شفايفها " : هذا مال هذا
بطي : عن الاستهبال
موزه : والله ماستهبل
بطي : انزين احبج مره ثانيه لا تسوين هذا
موزه : انشاء الله
وظهرن

صوب هادف وراشد وبطي

راشد : علومك بعد
هادف : والله ماشي حالي الحمد الله
بطي : ها هادف شو احسن العزوبيه ولا
راشد : خلاص بطي ماشي امل
هادف : ههه الا صح متى حددتو العرس
بطي : 10/ 10
هادف : بلاك جي مستعيل
راشد : هه بعد كان يبا قبل بشهر الا ابويه اللي صلبه
بطي : ياخي انتو ماتعرفون شي
راشد : اوكي اوكي
هادف : خخخخ
بطي : قوم نسير برع صوب ابويه
راشد : يلا

هادف : يلا
وظهرو ويلسو ويا ابوهم شوي ويتهم نصره
نصره : ابووووووووويه
بو راشد : عيون ابوها
نصره : ابويه نبا نسير البر ملل ملل ملل
بطي : انزين بلاج معلقه
نصره : مارمستك ها ابويه شو قلت
بو راشد : ماعليه
نصره : اهئ اهئ انزين " وتأشر على اخوانها " واحد منكم يظهر ويايه ملانه انا

بطي : مب متفيقين لج
نصره : والله بصيح تراني
بطي : صيحي
بو راشد : بطي
بطي : ههه خلاص خلاص
هادف : وين عفرا عيل
نصره : يالسه ويا اميـه
راشد : جي ماسرتي ويا موزه واختج
نصره : مادري مادري

يتبع !
__DEFINE_LIKE_SHARE__

ﻣفـﻨﯚدہ · 12-29-2010, 02:50 AM

خير شفيه صوتك خير
حبيبي قول وعلمني
والله لقلب الدنيا
على شانك وزلزلها
احس بنبرتك شي غير
شي يوجع و ذابحني
والله يا حبيب الروح
حياتي فدوه لك خذها
.
.
.
صوب موزه واليازيه
اليازيه لمحت واحد يشوفها
موزه " عاقده حياتها ": بلاه هذا
اليازيه : مادري " ياربيه انا وين شايفتنه هذا "
موزه : يلا نروح
اليازيه " وهي تفكر "
موزه : ششش يزوي
اليازيه : ويت شوي " وردت تفكر
موزه : الحمد الله والشكر
اليازيه " هيي الحينه تذكرت هذا اخو عفااري "
موزه : خلصتي
اليازيه : هي
اليازيه : يلا بس خميتي كل شي اهنا
موزه : ههه كيفي
" شافت موزه لبس يهال وتخبلت "
موزه : يا حياااااتي يجنن
اليازيه :يوم بتيبين واحد بشتريلج اياه
موزه : ههه عن العبط " هاتشوووو "
اليازيه : يـرحمـ " وقبل لا تكمل شهقت !!!!!
موزه " خافت " : بسم الله بلاج
اليازيه : موزه وااايد دم " وتأشر صوب خشمها وربعت اليازيه تدور كلينكس
اليازيه : ارفعي راسج
موزه : يزووي كل الناس تشوفنا
اليازيه : شعلينا من الناس
موزه : jen Take these purposes and put it in the car
ok mum : jen
اليازيه :نسير المستشفى
موزه : مستشفى ليش
اليازيه : عشان هالدم هاي مب اول مره
موزه : ها عادي حتى لو مش اول مره
اليازيه : لا مب عادي
موزه : بليز ماريد اروح بليز
اليازيه : اوكي نرد البيت احسن
موزه : اوكي
اليازيه : يلا
موزه : بس بمر باسكن
اليازيه : البارحه ماكله
موزه : ههه اوكي في خاطري
اليازيه : يلا انزين
مرن صوب باسكن وخلاف ظهرو ..

بعد ماوصلن البيت
بطي " بعصبيه " : تو الناس وانتي يالمدام حارق فونج جي ماتردين
موزه : ......
هادف : لا حرام من الضحى لين الحينه ماتأخرو والله شي وقت بعده
بطي : صح جان كملتن لين 11
هادف : و 2 و3
اليازيه " عصبت " : بسم الله بلاكم انتو
موزه : تصبحون على خير
بطي : بترقدين !!
موزه : هي تعبانه مصدعه
بطي : اوكي سيري وانا بيج
موزه : لا ماله داعي بقفل الباب
بطي " تم يشوفها لين ماختفت "
راشد : بسم الله بلاكم كلتو البنات
عفرا : حرام عليكم
هادف : دواهم مسودات الويه
بطي " تنهد وسار حجرته " شاف كمن مسكول من رقم غريب ورد اتصل
.....: مرحبا
بطي : المرحب لا هان
......: ماعرفتني
بطي : لا والله ماعرفتج
.......: انا اسما
بطي " بصدمه " : اآأ سـ ـ ـما
اسما : شفيك منصدم
بطي : ممـ ـاأآ شـ ـي
اسما : شحالك
بطي : الحمد الله انتي شحالج شو دنياج
اسما " تنهدت " .:.........
بطي : ممم
اسما : بطي ليش سويت فيني جي
بطي : ..........
اسما : موحرام عليك كيف هنت عليك
بطي : شو تبيني اسوي
اسما : آآه ماشي
بطي : انتي وين الحينه
اسما : بالكويت
بطي : اجازه
اسما : اي وبعد اسبوع برجع
بطي : اها
اسما : اخليك الحينه
بطي : اوكي
اسما : مع السلامه
بطي : فمان الله وبند
.
.

عــلى كـــثر الـسـنــين اللــي عرفـــتك مـاعرفـــتك زيــــن
تمـنـــيت إنــي مـا شـفــــتك ولا لحـــظـه ولا شـويـــــه
حسـبــت إنــت وأنـــا نبـقـــى حــبايـــب نبـقـــى أحــــلـى إثنـــين
حسـبــتك تبـقـــى لــي طـــول العــمـــر مخــلـــص وفــــي لـيــــا
وأثـــاري حـبنـــا كـذبـــه نســـيت العـشــــره فـــي يـومــــين
زرعــــت الـشـــوك أنــا بنفــســــي غـرســــت الهــــم بيــديـــا
.
.
.

بطي : أآه يا اسـما وتم منسدح يفكر فيها خلاص تذكر موزه وسار صوبها
بطي : طق طق طق
موزه :...........
بطي : طق طق
موزه راحت فتحت الباب و عطول صدت
بطي : مم شوفيج
موزه : ماشي
بطي : بترقدين
موزه : شو تشوف انته
بطي : انزين بلاج جي ترمسيني
موزه " بكل برود ": كيف يعني
بطي : مادريبج جنه مب عايبنج شي
موزه يلست عالشبريه وتلحفت
موزه : لا ماقلت شي بس ياليت تعدل من اسلوب مره ثانيه يوم بترمس
بطي " عقد حياته " : لا والله يعني انا كم مره حرقت تلفونج وانتي ولا فتكرتي تردين
موزه : بطي انا تعبانه و اريد ارقد ممكن تطلع
بطي "بدى يتنرفز من برودها " : اوكي انا مابطلع شو بتسوين
موزه : غياض يعني
بطي : تقدرين تقولين جي
موزه : ياربيه " هاتشوو "
وربعت صوب الحمام عشان بطي ما يشوفها بعد ماظهرت حست بدوخه وبتطيح
فز بطي وقبضها
بطي " بخوف " : بسم الله عليج شو فيج
موزه "هزت براسها بمعنى ماشي واشرت له عالكلينكس "
موزه " هاتشووو " غطت خشمها بالكلينكس وخاست الكلينكسه دم
بطي "بصدمه": شو ها !!!!!
موزه : مـ ـاآ آ شـ ـي وراحت غسلت ويهها وانسدحت
بطي حط ايده على يبهتها شافها حاره
بطي : متى لحقتي تمرضين
موزه : ....... "بس تشوفه "
بطي : نشي البسي عباتج بوديج المستشفى
موزه : بطي ماريد اروح مكان
بطي : مب عكيفج
موزه : الله يخليك بطي انا تعبانه بس اريد ارقد يوم بنش يصير خير
بطي : ياربي لا تقفلين الباب بيج خلاف " تنهد " ولحفها وباسها وظهر
.
.
.

الساعه 2
فالصاله شما وعفرا وراشد وبطي وهادف واليازيه
هادف : يلا عفرا
عفرا : يلا
هادف : تصبحون على خير
الكل : وانته من اهله
اليازيه : موزو رقدت
بطي : هي
اليازيه : يلا عيل انا بلحقها
بطي : ويت تعالي شوي برمسج
اليازيه : شو
بطي : موزه شو فيها
اليازيه " وهي مرتبكه " : لا لـا مــ ـا فـيهـاآ شـ ـي
بطي : اليازيه انتو خاشين عليه شي
اليازيه : لا والله بس عشان خشمها اليوم وايد نزف وقلت لها نسير المستشفى ماطاعت
بطي " تنهد " : بسير اشوفها قبل لا اظهر دقيتها كانت محمومه
اليازيه : متى مرضت !!!
بطي : مادري والله
اليازيه : مناعتها ضعيفه بسرعه تلقط الامراض .. يلا بخليك انا بسير ارقد
بطي : اوكي
اليازيه : تصبحون على خير
بطي : وانتي من اهله
نشت اليازيه وسار بطي صوب موزه
دخل عليها بطي وسار صوبها تم يشوف الكلينكس اللي طايح عالارض كله دم
يلس حذالها وحط ايده عليها شافها بعدها محمومه ظهر سار تحت ياب لها دوا ورد صوبها
بطي " بصوت هادي ": حبيبي
موزه : .......
بطي : موزه
موزه " كانت تحلم وتهز براسها يمين ويسار " :اميـ ـ ـه
بطي : بسم الله عليج ياربي
موزه : امـ ـ يه لاآأ تـخـ ليـ ـ ني..
بطي : حبيبي
موزه :.........مـمـ
بطي : موزه موزه
نشت موزه وعطول قبضت ايد بطي
بطي : بسم الله عليج حبيبي
موزه " وعيونها تدمع "
بطي : حياتي بلاج
موزه :ممـ ـ ـاشي
بطي : انزين نشي حبيبي بعطيج دوا
موزه : بطـ ي ماريد دوا بليز اريد ارقد
بطي : انزين نشي ايلسي
" موزه نشت واعتدلت فيلستها "
بطي : خذي هالدوا عشان حرارتج تنزل ولا تبين تسيرين المستشفى اختاري واحد
موزه : دواء
بطي : يلا اوكي خذي وها الماي امسكي
موزه : طعمه واع
بطي : -_- ها
موزه : وع وع وع
بطي " نقع عليها من الضحك لانه كان شكلها شرات اليهال
موزه : لا تضحـــك
بطي : انزين يلا ارقدي
موزه : وانته
بطي : انا بتم وياج اهني
موزه : لا روح
بطي : لا " ولحفها " انا بنسدح هني
موزه : انزين بيب لك لحاف
بطي : لا لا لا تنشين وين اللحاف
موزه : هناك " اشرت له "
بطي : اوكي بيبه

يوم الاحد
تحت صوب ام راشد وبو راشد
ام راشد : وين يا راشد
راشد : بمر الشركه عندي كمن شغله
بو راشد : يلا انا ظاهر وياك
راشد : يلا
بعد ماظهرو
نزل هادف هو حرمته
هادف : صباح الخير
ام راشد : صباح النور
هادف : وين بطي عيل
ام راشد : راقد
هادف : اها
شوي ونزلت نصره
نصره : صباااااحوو
هادف : بسم الله الرحمن الرحيم
نصره : هههه هدووف شو شايفني يدامك ينيه
هادف : تقدرين تقولين جي
نصره : شرير
..
ميثا : ثبـاح الخير
ام راشد : صباح العسل يا احلى بنيه فالعالم
ميثا : احم " استحت اونها
الكل : ههههههههه
ميثا : ايييه لا تضحكون اثتـحي
نصره : لا تصدقين عمرج هع

ميثا : ماما مب ثح انا احلى بنت فالعالم
نصره : ههههههههههه
ام راشد : صح ماما انتي احلى بنت فالعالم
ميثا : ثو قاليت لكم
الكل : ههههههههههه
.
.
.

صوب موزه وبطي
موزه فتحت عيونها وتمت تشوف حوالينها
موزه : مم بطي
بطي : مممـ فيج شي
موزه : نش ظهرك بيعورك هني
بطي نش وانسدح عالشبريه وير موزه فحضنه
موزه " احمرت " : بطي
بطي : جب حرمتي كيفي " وحضنها "
موزه : همم بطـي
بطي : عيونه وقلبه
موزه : مم "سكتت " : اذا انا مــت و
بطي : شـــشـــِـشـ بسم الله عليج ياربي لا تقولين جي يعل يومي قبل يومج
موزه : لا انشاء الله يوم انا قبل
بطي : موزه
موزه : لبيـه
بطي : تحبيـني
موزه : هزت راسها ب هيه
بطي : قولي احبك
موزه : .......
بطي : قولي !!
موزه : ا . ح . ب. ك
بطي : مابا جي قولي احبك وخلاص
موزه " زاغت " : احبك وغطت ويهها
بطي : هههههه
موزه : يلا نش خذ شاور وانزل
بطي : اوكي ابا بوسه هني " وأشر على شفايفه
موزه " شهقت " : يالماصخ برع برع برع
بطي : اوكي تعالي بخبرج شي
موزه " مستغربه " شو
بطي : مم تعرفين و" باسها "
موزه : ياربيه
بطي :فديتج انا يلا اشوفج تحت
موزه : اوكي
وظهر عنها بطي ودخلت الحمام " ربي يعزكم "
بعد ما خلصت موزه لبست مخوره سوده وفيها شغل بالذهبي جحلت عيونها وحطت شدو ذهبي فوق عيونها ومسكرت رموشها وبلشر برونز وقلوس شفااف وظهرت

" ترا هالناس بي حست
غيابك غير احوالي
افز من نومي اناديلك
واسولف لك وانا لحالي "

عفرا : مم موزه
موزه صدت وراها وشافت عفرا
موزه : هلا عفره شحالج
عفرا : الحمد الله يسرج حالي
موزه : حالن مديم ياربي
عفرا : وياج ياربي
موزه " ابتسمت لها "
عفرا " ماشاء الله عليها تجنن "
موزه : نازله تحت ؟!
عفرا : هي
موزه : يلا عيل
ونزلن رباعه
وبطي يشوف موزه وهي تسولف ويا عفرا وتضحك
موزه : ههه يحليلج
عفرا : ليش ماكملتي دراستج
موزه : بكمل انشاء الله
عفرا : شو ناويه تدرسين
موزه : مم في خاطري قانون
عفرا : حلو وايد
موزه : وانتي
عفرا : انا خلصت درست بزنس والحينه مديرة بنك
موزه : مـاشاء الله
عفرا : نسير نيلس برع
موزه : يلا
وظهرن برع ويلسن يسولفن
صوب اليازيه يالسه فالميلس وسرحانه شوي انفتح باب الميلس ودخل ويلس ومانتبه على وجود اليازيه

اليازيه : ياربيه راسي بينفجر من التفكير اوف خلني اسير برع
شلت اغراضها اليازيه ولابها وظهرت وانتبهت على وجود نعال " وانتو بكرامه "
اليازيه : محد داخل وهاي سياره منو وها نعال منو
" ردت احدرت داخل وشافت واحد منزل راسه وماسك الفون وشهقت وطاح كل شي فايدها ودموعها تنزل
اليازيه : يا فضيحتج يا يزوي
دخل هادف من الباب الثاني وشافها موجوه بدون وقايه واللاب توب واغراضها طايحه عالارض
هادف " بعصبيه " : اليــــــازيه
ثاني نش صوبه وظهر هادف ورا اخته بسرعه
ربعت اليازيه داخل صوب حجرتها وهي تصيح
هادف ظهر وسار صوبها
هادف : طق طق طق والله ان مافتحتي يا مسودة الويه لاذبحج الحينه
الـيازيه " وهي تصيح " : هااآ أآ دف خلاص سير
هادف : ماعليج وتم يضرب الباب بالقو افتحي يزويي والله بذبحج
بطي : شو هالصوت
ام راشد : اربع بطي شوف شو السالفه
دخل هادف على اليازيه وقبضها من شعرها
هادف : انتي شو كنتي تسوين فالميلس ماتشوفين الريال يالس وحادرتلي جي صدق مب قابضتلج مذهب وانج مب كفو

اليازيه : هـ اأآأ دف
هادف " صفعها " : جب ولا كلمه
دخل بطي وشاف هادف كيف معصب واليازيه عالارض تصيح
هادف ساير صوب اليازيه يبا يقبضها
بطي : هااااااادف
.
.
.
موزه : بسم الله شو هالزعيق
عفرا : خلنا نسير داخل
وربعن صوب مصدر الصوت
بطي : بلاك انته شو مستوي
هادف : شفت اختك مسودة الويه فضحتنا حدرت الميلس ....... لبسها قصير ....... بدون وقايه ..... وثاني يالس داخل
بطي " بصدمه " : شووو !!!! بطي ساير صوب اخته يبا يضربها

موزه راحت وقفت فويه بطي
موزه : تبا تذبحها انته حرام عليكم البنيه بتموت
اليازيه من قوة الضرب اللي ياها اغمى عليها
موزه : اليازيه " وتحركها يمين ويسار
شوي ودخل راشد وشاف اخته طايحه شلها وسدحها فالسياره
موزه وام راشد وشما وعفرا ونصره الكل يصيح
راشد : شما هاتي عباتج بسرعه وتعالي
موزه : شما بي وياج
شما : بسرعه بسرعه
ركبت شما يدام وموزه ورا صوب اليازيه بعد ماوصلو المستشفى عطول دخلوها داخل
دقايق ووصل بو راشد
راشد : ابويه شو السالفه
بو راشد : لا حول ولا قوة الا بالله بروحي مب فاهم شو السالفه خل البنيه تنش
بعد نص ساعه من الانتظار ظهر الدكتور
الدكتور : مم مين اب المريضه
بو راشد : انا طمني يا دكتور

أنـــا شـاللـــي يــصبرنــي عـــلى هـمـــي معــــاك للحـــين
خـــلاص إبعـــد وأنــا ببعــــد ولا تســــأل أبـــد فـــيه
وإذا قـــصدك تـبيـــع وتشــــتري قـــلـبي أنـــا بحـرفــــين
أبمـحــي الحـــب مـن قـــلـبي واعـيشـــك ذكــــرى منـســــيه
أنـانـــي مـثـــل مــا إنـــت ولا يفــــرق معــــاك الـبــــين
وأنــا مــا عـــاد تعــــنـي لــي وخـســـاره فــــيك مـاضـــيه

كــــــــــــــــــــــــــــــــــــــــت
السموحه عالاطاله .. وانشاء الله اشوف توقعاتكم وتفاعلكم
روؤح البداآوه

__DEFINE_LIKE_SHARE__

meawah · 12-29-2010, 08:38 PM

يآآآي رووعه البآآآرت ..

بس خيفآآنـه من خوولووه النحسسسسسسسسه هع هع __DEFINE_LIKE_SHARE__