ﻟﯙ ٲﺼﯙﻣﮕ .. ﺿﻨﮙ ٲڶقـﻰ فيـﮏ ﻋﻴد ؟!

ﻣفـﻨﯚدہ · #1 08-26-2010, 06:49 AM

بسم الله الرحمن الرحيم . .

ثٲني مرﻬ ٲنزڵ قصـه لي فمنٺڍى" استراحات زايد " و ٲن ڜٲ ٲڵڵه ٺنٲٲڵ ﻋڵى ٲﻋڃٲبڪم ۏٲڵقى ٲڵٺڜڃيع ٲڵڵي يڂڵيني ٲڪمڵ ڪٺٲبتي ڵڵقصـﻬ ,,

" ﻟﯙ ٲﺼﯙﻣﮕ .. ﺿﻨﮙ ٲڶقـﻰ فيـﮏ ﻋﻴد ؟! "

*
*
*
*أفٲ يٲ قڵـﭓ ٺڂڍﻋنـﯥ ۏأنٲ سٲقـيك مٲﯥ ﻋينـﯥ
ﻬذٲڪ ٲڵڵـﯥ حبيته حسـبته في يۏم ڜٲريني
ٺڃڕحني ڵيڜ ڜنۏ ذنبي يرضيڪ ٲڵيۏم ٺـﻋذبنــــﯥ
ڪڵ ﻬذٲ ﻋڜٲن إنسٲن أۼڵيٺﻬ في يۏم ۏأڕڂصنـﯥ
*
*
ٲڵڃزء ٲڵٲۏل

موزه : اماآآيه وين رايحه ..
ام موزه : انا بطلع ومابرد
موزه " وخانقتنها العبره " : امااآيه يعني بتخليـني بروحي
ام موزه : خلاص انتي الحينه كبيره ولازم تعتمدين على عمرج
موزه وبدت تصيح : بس اماايه انا مالي غيرج من بعد ابويه لا تروحين عني دخيلج
ام موزه : شلت السويج انا مسافره اليوم الساعه 9 وبعدين انا مابخليج بروحج يدتج عندج
" موزه سارت قبضت امها "
موزه : اميييــ ــ ـه دخيلج لا تخليـ ــ ـني امايه كفـا آآ يه عايشـ ـه بدون ابوؤ يـه حرام عليج والله حرام
ام موزه : يلا ياموزه انا تاخرت
موزه : امااااايه لااااااا
كل هذا مر ف شريط ذكرى موزه وهي يالسه برع على المريحانه ..
موزه تمسح دموعها : الله يسامحج يا اميه خليتيني بروحي ..
تنهدت ودخلت عند يدتها

*
*
*
*

خلني اعرفكم على موزه وعايلتها ..
اليده : وديمه .. من العين وام بو موزه واخوانه عاشت تربي موزه من بعد وفات ابوها .. كانت تحب موزه لانه ملامحها تذكرها فالمروحوم ولدها وبعد رغم
كل ها كانت اوقات جاسيه عليها لانه بعد تذكرها فأمها
..
بو موزه " حمد " ريال معروف وله هيبته بين الناس توفى قبل 6 سنين .. بمرض السرطان اللي اكتشفه قبل مايموت بأيام قليله ..
وهو عايش فـ بوظبي ..
ام موزه .. مغربيه كانت ماتعرف ربها وقاسية وودرت موزه وهي عمرها 17 " قبل سنتين " يعني مثل مايقولون هاجرت وسارت تعيش حياتها
موزه عمرها 19بيضه .. طويله جسمها مخصر " يعني خذت من جسم امها وملامح ابوها " ,, شعرها اسود فحم لين تحت ركبها وعيونها سود ووساع وخشمها شرات حد السيف وشفايفها مورده ..
خلصت موزه دراستها ثالث ثانوي وماكملت عقبها

*
*
*
*
عايلة بو راشد ..
بو راشد " محمد " بعد عايش فبوظبي ويدير شركاته وشركات اخوه المرحوم اللي سجلها باسم موزه قبل لا يتوفى
ام راشد " عليا " حرمه مصليه ومسميه .. تحب عيالها وماترفض لهم طلب .. وعندهم 3 بنات و3 اولاد
راشد 30 معرس وماخذ بنت عمته شما وعنده سعيد وسلامه ويشتغل ويا ابوه فالشركات ..
هادف27 سنه دكتور طب عام .. ابيظاني طويل وعريض ملج على اخت ربيعه ثاني ..
بطي 20 سنه مسافر برع من سنتين يدرس وخقاق اسمرااني وشعره طايح لين فوق جتوفه بشوي
معضل وطوييل وعليه جسم غاوي وخشمه شرات السيف وكل البنات يتخبلن عليه ..
اليازيه 19 سنه فجامعة زايد طولها متوسط بيضه وتاخذ من ملامح هادف الهاديه .. حبوبه وماعليها زود
نصره 16 بتسير ثاني ثانوي .. وتشبة بطي طويله وضعفيه .. وسمرا وشعرها لين اخر ظهرها ..
ميثا سنتين ودلوعه حيل تحب تتبزا على اخوانها .. ودومها تلعب ويا سلامه
بنت اخوها ..

*
*
*
*

فبيت موزه ويدتها
يدتها : ها اميه سو ميلسنج برع
موزه : ماشي امايه يالسه عالمريحانه شفت الجو مغيم وقلت بيلس لي شويه ..
يدتها : انزين الغاليه انا بسير صوب بيت بو راشد شورايج تين ويايه
موزه : مم لا اقصد سيري انتي انا مابسير
يدتها : ليش يابنتي
موزه : يدووه انا ماعرفهم ولا عمري شفتهم واخاف انهم يتضايجون منيه
يدتها : والله اللي يقولج شي غناتي تشوفينها هاي الخيزرانه لمرغه فيه مرااغ لين مابقول بس
موزه : مم
يدتها : يلا فديتج سيري تلبسي
موزه : انشاء الله
وسارت موزه ..
لبست مخوره سوده وعليها شغل بالذهبي ,, لبست مقبض ذهبي .. وجحلت عيونها وحطت بلشر خفيف ولبست عباتها ونزلت
يدتها : ها الغاليه زاهبه ..
موزه : هي
يدتها : يلا عيل سرينا ..
الساعه 7 ونص وصلت موزه ويدتها بيت عمها بوراشد
قبل لا تدخل موزه
يدتها : مابتدخلين
موزه : مم نسيت فوني فالسياره بيبه
يدتها : انزين .. ودخلت داخل
والكل كان موجود الا بطي
دخلت اليده والكل رحببها واستانس
محمد سار صوب امه ..
محمد : اميه مم موزه مايت وياج ..
امه : تصدق نسيتها برع بسير ازقرها
محمد : لا انا بسير لها
امه : بس
محمد : ماعليج انا عمها
وسار محمد " بو راشد " والكل يشوفه ..

نصره : ابويه وين سار
يدتهم : الحينه بيي
وظهر برع وتوها موزه بتدخل
عمها يشوفها وهي تشوفه
موزه : مم عمي
بو راشد عطول حضنها
وموزه تصيح فحضنه ..

بو راشد : كبرتي يا بنتي واستويتي حرمه ..
موزه : ابويه راح ياعمي
بو راشد " نزلت دموعه " الله يرحمه
وبعد شوي هدى الوضع
بوراشد : مم يلا ندخل
موزه : مم اوكي

دخلت موزه وعمها لاوي عليها .. والكل وقف منصدم .. !!
نصره : ابووويه !!!
هادف : ابويه منو هاي ّ!!
بو راشد : ايلسو
ويلست موزه حذاله
بو راشد : هاي موزه بنت عمكم .. حمد الله يرحمه
الكل وقف منصدم
اليازيه : نحن عندنا بنت عم متى وكيف !!
هادف : ابويه انا اعرف انه عندي عم اسمه حمد بس ماعرف انه عند عيال ..
راشد : ابويه شو السالفه ..
وخبرهم ابوهم السالفه من الالف - الياء
وخلاف يلسون يعطون وياخذون ويا موزه " بنت عمهم "
نصره : حي الله موزه ..
موزه : ربي يحيج
هادف : انزين مواز انتي تدرسين
موزه : لا
اليازيه : ها هويدف اشوفها توها موزه والحينه استوت مواز
موزه اكتفت بابتسامه ..
ميثا سارت عند موزه ..
ميثا : موذه انتي
موزه هزت راسها ب هي
ميثا : موذه انتي وايد حلوه . .
موزه : هه حياتي انتي بعد حلوه ..
ميثا : بتنامين عندنا
موزه : لا
ميثا : لييييييييث

موزه : انا بسير بيتنا
ميثا : عند ماماتج
موزه : ....... ممـ وسكتت
شما حرمت راشد حبت تغير الجو
شما : ميـثا تعالي اهنى ..
..

بعدها ردت موزه هي ويدتها البيت ..
وبعد مرور شهـر ...
اليوم موعد وصول بطي ..
واليازيه يالسه ترمس موزه
اليازيه : يلا عاد تعالي والله بزعل منج
موزه : حياتي اليازيه والله ودي بس ماقدر اليوم خليها مره ثانيه ..
اليازيه : انزين ع راحتج بس يوم الجمعه ابويه بيسوي عزيمه بردت بطي بالسلامه وغصبن عنج بتين ..
موزه : هه انشاء الله
اليازيه : وعشان مره وحده تتعرفين على عمج الثاني وعمتج
موزه : عندي عمه وعم غير عمي محمد
اليازيه : هي
موزه : يلا انزين take ur time
اليازيه : اوكي برد ارمسج خلاف
موزه : ان شاء الله
.
.
.
.

وردت موزه عند يدتها ..
موزه : يدوه بلاج
يدتها : ماشي غناتي ..
موزه : الا بغيت ارمسج فموضوع
موزه وقلبها طبول : آمري ..
يدتها : عمج اليوم رمسني انه يلستنا بريحاتنا فالبيت هب عدله .. وقالي تعالو عندي .. وسكتت " تتريا رد من موزه "
موزه عطول دمعت عيونها "
موزه : يدووه دخيلـ ـ ـ ج قوليله مانبا نظهر .. جان بتسيرين انتي برايج يدوه بس انا ماقدر اظهر من هالبيت دخيلج يدوه رمسيه
حضنت يدتها موزه .. وتمت موزه تصيح فحضن يدتها ..
وخلاف نشت موزه وعطت يدتها دواها ودخلتها ترقد وقالت لها انها بتظهر ويا الـ al.bodyGard
.
.
.
.
وسارت موزه المارينا ..
وكل الناس يطالعون موزه بطريقه غريبه
موزه : غيث
غيث واحد من البودي قارد كانو هم اثنينه ..
غيث : آمري طويلة العمر
موزه : مم فيني شي غلط وصدت صوبه
ويلس غيث يضحك
غيث : لا
موزه : اوكي نيلس فستار بوكس
غيث ومايد : اوكي
يلست موزه ويلسو غيث ومايد الطاوله اللي وراها ..
ويلست موزه ترمس ربيعتها مديه فالفون
.
.
موزه : يلا عاد والله اني متملله تعالي وصح بقولج شي بعد
مديه : شو !؟
موزه : شي خطير .. يلا تعالي
مديه : اوكي انا الحينه بظهر
موزه : انزين لا تتأخرين بتلقيني ف ستار بوكس
مديه : اوكي
موزه : فداعه الله
مديه : فداعه الرحمن
وطلبت موزه 3 hot Chocolate
وشوي ويدخلون شلة شباب واشكالهم فضيعه ..
واحد شاف موزه وسار يداها
1..: الشيخه ممكن ايلس وياج ..
وينش له غيث .. ويقبضه من كندورته
غيث : بتنش من اهنى ولا
1: ... وانته منو رمسك
غيث : انقلع لا تشوف شي ماشفته ...
ونشت موزه شافت الولد باحتقار وسارو غيث مايد وراها
2 : ياااويل حااالييي
3 : وبودي قارديه بعد
1: خخخ خيبه
وظهرت موزه شوي ويتها مديه وخمن المول كله ..
" بيت بو راشد "
بعد وصول بطي .. الكل سلم عليه ورحببه ..
هادف وبطي فالصاله
هادف : تعرف عمي حمد
بطي : الله يرحمه
هادف : طلعت عنده بنت اليوم يتنا
بطي منصدم : شووو ومتى
هادف : لا وازيدك من الشعر بيت عمرها 19 ضني كبر يزوي
بطي : بسم الله الرحمن الرحيم .. انته متأكد
هادف : استهبل وياك مثلا
.
.
وسار بطي صوب ابوه عشان يتأكد
بطي : ابويه صدق اللي سمعته
بو راشد : شو اللي سمعته
بطي : عمي حمد الله يرحمه عند بنت
بو راشد : هي وان شاء الله جريب بتي هي ويدتك وبيسكنون عندنا ..
بطي : ابويه انته شو تقول
بو راشد : اللي سمعته وانشاء الله بيون يوم الجمعه وبتشوفها
سار بطي حجرته وهو يفكر فالسالفه
بطي يفكر : الحينه عقب كل هالسنين تظهر لنا بنت عم وينها وليش نحن مانعرف وينها عنه طول هالسنين
تم يفكر لين مارقد ..
اليوم اللي بعد مر عادي شرات باجي الايام
يوم الجمعه ..
بيت بو راشد ..
الشباب كلهم متزهبين تحت الا بطي ..
بو راشد : هادف وين بطي
هادف : بسير ازقره ..
بو راشد : يلا يا بويه بنتأخر على الصلاه ..
وظهرو هادف وبوراشد و بطي وراشد ..
واليازيه ترمس موزه..
اليازيه : ها وينكم
موزه : بعدنا فالبيت
اليازيه : ليش ماظهرتو ترا عمج زايد وعمتج اهنى
موزه : انزين بتلبس وبنظهر
اليازيه : اوكيك حياتي باي
موزه : باي ..
وسارت موزه ظهرت لها مخوره حمره وفيها شغل سلفر ..
وحطت بلشر خفيف وجحلت عيونها ومسكرتهن وقلوس شفاف ولبس عباتها ونزلت لقت يدتها تترياها ..
يدتها : تبارك الرحمن شو هالزين .. ماشاء الله
وسارت عند يدتها وتمت تقرا عليها ..
وظهرو خلاف ..
بيت بو راشد عالساعه 1
كان مزدحم .. حيل .. !
الشباب فالميلس والحريم داخل ..
دخلت اليده وديمه .. وياها موزه
اليده وديمه : سلاامن عليكم ..
ونش الكل يداها .. وعمتها عرفت انه اللي وياها موزه .. وطبعا هالعمه ماكانت تداني موزه .. لانه ماكانت موافقه على زواج اخوها من مغربيه ..
ونش الكل يرحب بموزه الا عيال عمتها طبعا مستغربين
وسارت اليازيه صوب موزه ..
اليازيه : مواز هايل عيال عمتي ..
وعيال عمتي هاي بنت خالكم حمد الله يرحمه ..
شما " : هلا موزه
خوله وهي مب عايبنها وغيرانه من موزه ..
خوله : احم اهلا
موزه وماارتاحت لها .. : المهلي لا هان ..
وسارت خلاف ويلست ويا اليازيه فحجرتها ..
موزه : يزوي مم
اليازيه : هلا .. شي فخاطرج
موزه : لا بس تعرفين انه عمي اللي هو ابوج قال حق يدوه شاوري موزه وتعالو اسكنو عندنا اونه مب حلوه نحن حريم وبريحاتنا
اليازيه : والله صح دخيلج الله يخليج
موزه : اليازيه انا طول عمري عايشه فبيت ابويه وماتخيل اني اعيش فبيت ثاني
اليازيه : ترا والله ابويه مابيخليكم كيفج
موزه : آآه مادري وعقت وقايتها
اليازيه : شعرج لين وين
موزه : قصير
اليازيه فجي بشوفه
موزه فتحت شعرها وانفتح تدريجيا لين تحت ركبها
اليازيه " بصدمه " : ماشاء الله ..
موزه استحت
شوي وانفتح الباب بطريقة دفشه ..
بطي : يزوووووووي وانتبه على وجود وحده وشافت شعرها وموزه ربعت انخشت ورا الباب ..
اليازيه : انته ماتستحي مافيك مذهب وشعنه ماتدق الباب ..
بطي : ممـ مـ منو هاي " بهمس "
اليازيه : انقلع برع لا اييك كف
بطي ظهر ويراليازيه ويايه
بطي : منو هااااي آآآه يا ويل حالي على ذاك الشعر ..
اليازيه : اففف بنت عمي حمد موزه
بطي : الحين هاي بنت عمي انزين ازقريها بسلم عليها وخلينا ع راحتنا
اليازيه : ويت
دخلت اليازيه عند موزه ..
موزه : منو هذا اللي حدر
اليازيه : سوري هذا اخويه بطي ..
موزه " وهي تلف شعرها " : اها
اليازيه : يبا يسلم عليج
موزه : ممم ويت بلف شعري ..
اليازيه : مم اوكي بدخل الحمام شوي
موزه : اوكي ..
ولبست وقايتها وظهرت ..
بطي : مم مرحبا
موزه : المرحب لا هان ..
بطي : السموحه مادريت انج داخل
موزه : لا عادي حصل خير
بطي وهو متخبل على موزه
بطي : وشحالج عساج الا بخير ..
موزه : يسرك حالي ومن يداك ..
وسرح بطي
وموزه عاقده حياتها .. وتمرر ايدينها من يدام عيونه ..
يا هادف ... وشافهم واقفين
موزه : هادف بلاه اخوك ..
هادف صرخ : بطي !!
بطي : فز من مكانه ..
موزه : مم هادف يدوه وينها
هادف : تحت صوب اميه ..
موزه : عيل انا استأذن
ونزلت موزه وهي عقلها عند بطي ..
هادف : بطي بلاك بغيت تاكل البنيه بعيونك ..
بطي : ياخوك اعذرني حد يشوف هالملاك يدامه وماتباه يسرح ..
هادف تنهد وشل اخوه ونزلو تحت ..
بعد ما االكل تيمع فالصاله ....
يا عمهم زايد وسار وتوايه ويا بنت اخوه
بواحمد : زايد .. ساكن فالعين ..
وحرمته من هل العين .. " مريم "
عندهم 3 اولاد
ااحمد ويشتغل فالاتصالات عمره 24 ومانع 20 يدرس باكلريوس وسعيد 19 ثاني سنه فالتقنيه
بو احمد " زايد " : موزه
موزه : هلا عمي ..
بو احمد : تعالي اهني
وسارت موزه حذا عمها ..
بواحمد : احمد مانع وسعيد هاي بنت عمكم حمد موزه ..
وطبعا الكل توقع رده فعلهم " الصدمه "..
مانع : هلا موزه
بطي لاحظ نظرات مانع وغيض منه
وشوي وياهم بو راشد ..
بو راشد : عندي موضوع ثاني .. ايلسو .. وموزه تقرر
بو راشد : بما انه موزه واميه بروحهم فالبيت انا اقترحت عليهم انه ايون ويسكنون عندنا
موزه وقفت : لااا
وكل العيون صوبها !!

*
*
*

*مڜيٺ بصٲفﯥ نيٲٺﯥ ۏﻋڍ ني ينسينﯥ آﻬٲٺـﯥ
ڂڍﻋني بڪڵمٺين ٲصۼٲڕ ﻋﻂيٺه ڪڵ مٲأمڵڪ في حيٲٺﯥ
ڕﻬنٺ ﻋمڕي ۏٲۼڵيٺﻬ مڪٲن ٲڵقڵب ڂڵيٺﻬ
ٺڕڪني يأۏڵ ٲڵمڜۏٲڕ ﻬڍم حڵمي ٲڵي ﭓـنيٺـﻬ
فﻬمني ڵيڜ علي ٺقسى ۏأنٲ ڪنٺ ڵڪ ڜٲﻂﯥ ۏمڕسىي
ڪڵ ﻬذٲ ﻋڜٲن أنسٲن أۼڵيـٺﻬ في يۏم ۏأڕڂصني

*

كــــت رايكم وتوقعاتكم ..
روؤح البداآوه ..!

__DEFINE_LIKE_SHARE__

ﻣفـﻨﯚدہ · 08-27-2010, 08:35 AM

تغيب تسهر عيوني اراقب ساعتي واللــــــــيل
الين الشمس ماتشرق اقول العذر للغايــــــــب
غشى صمت الكلام اشفاه منهو يعشقك بالحيل
عزمت جروحك بصدري وطيفك بالسهر نايـــم

*
*
*
*

موزه " شويه وبتصيح " : انا مابظهر من بيت ابويه ..
خوله بنت عمتها بتدخل : ليش ترا ابوج توفا وامج ودرتج شو ايلسج بروحج هناك ولا
بطي"عصب " : خوووووله
خوله : هذا الواقع .. " وسارت شما يرت اختها واحدرن داخل ..
وسارت موزه تربع فوق ودموعها على خدها ..
ودخلو عليها عمومتها زايد ومحمد ..
وحضنها عمها محمد وتمت تصيح فحضنه ..
عمها زايد : ماعليج غناتي منها هاي الا ياهل ..
موزه : عمـ ـي انا مابا اظهر من بيت ابويه دخيلك عمي
عمها محمد : تعالي غناتي عندي ..
عمها محمد : حبيبتي القرار لج بس انا ماباج اتمين بروحج ويدتج الحينه قامت تتعب زود وتبا من يهتم فيها ونحن اهنى عيالها كلنا حولها
موزه : بس انا ماقصرت ويا يدوه الدوا واعطيها اياه فوقته ..
عمها محمد : ادري غناتي بس اهنى البنات بيلسن وياج ,, هناك الا بتملين .. واذا يدوه يلست اهنا بترومين تسكنين هناك بروحج
موزه سكتت
عمها محمد : ها يابنتي شو قلتي
موزه : هزت راسها بمعنى موافقه ..
عمها محمد : وهذا الشور العدل ..
وظهر عمهم محمد وبلغهم انه موزه بتستقر عندهم ..
اليازيه : يس يس يس بتبااتين عندنا .. تعالي عيل برويج حجرتج ترا مزهبينها من البارحه ..
موزه : ههه مم بس انا مب يايبه اغرااضي ..
اليازيه : عادي انسير نيبهم الحينه والباجي باجر
موزه : انزين
اليازيه : بسير اشاور ابويه
موزه : اوكي اترياج

نزلت اليازيه وشافت ابوها وامها وبطي حاط راسه عريول امه ..
اليازيه : ابويه بسير انا وموزه بيتهم ويا الدريول تبا اغراضها ..
بطي نش : لحضه اي دريول انتي بعد ف نصايف الليل .. جان تبن تزهبن انا بوديكن ..
اليازيه : اوك يلا
" وسارن تزهبن ونزلن تحت يترين بطي ..
بطي : يلا
موزه فخاطرها : افف بلا هذا وايد شايف نفسه
ركبت اليازيه يدام وتمت موزه ورا ..
ودلته على المكان ..
ونزلت موزه .. ويابت شنطه وحطت فيها اغراضها الضروريه ..
ونزلت تحت وحطت اغراض ليدتها وادويتها
موزه : ياربي هالشنط ثقال ..
موزه : غيـث غيث
غيث كان بيحدر بس بطي قاله يتم وانه هو بيسير لها ..
وموزه تشل باجي الاغراض وعاطتنه ظهرها ..
موزه : غيث الله يخليك شل هالشنطه .. ثقيله كسرت لي ايديه .. وحطها فالسياره ..
بطي وهو متساند عالباب ومربع ايدينه
بطي : ان شاء الله اي اوامر ثانيه
موزه " طاح الفون من ايدينها " : مم انا قلت غيث هب ممم بطي ..
بطي : شل الشنطه وظهر . .
وموزه " حاولت تشل شنطتها الثانيه ..
بطي : ودريها انا بشلها
موزه : لا ماعليه
بطي : سحب منها الشنطه و ايدها لمست ايده وكلن حس برعشة تسري به .. !

" رفعت موزه راسها وتلاقن عيونها فعيون بطي ..
وبسرعه ظهرت برع ..
بطي :افف ماعليه وراج والزمن طويل ..
بعد ماظهرو من البيت .. فالسياره ..
رن فون بطي .. وشاف الرقم مارد ..
اليازيه : ماتسمعه يرن
بطي رد ..
بطي : مرحبا
وحده من اللي كان يرمسهن فبريطانيا .. " كويتيه "
اسما : حبيبي وينك قاعده اتصل عليك و ماترد عليه ..
بطي : مم انا بوصل البيت وبرمسكم ..
موزه " فخاطرها " هه ارمسكم .. مالت على ويهه من شيفته يبين انه راعي بنات .. افف
بعد ماوصلو نزلت اليازيه ودخلت اما موزه اللي كانت سرحانه .. ولا تدري بعمرها انه وصلو ..
بطي دق الجامه وهي بعدها سرحانه .. خلاف فتح بطي الباب وانتبهت له موزه
بطي : مابتنزلين ..
موزه " نزلت بدون ماترد عليه "
بطي فخاطره : بلاها هاي ماترمس .. ماعليه ..
وخلاف نزل الشنط وشلهن وحده وطاها فحجرة يدته والثانيه فحجرة موزه ..
نزلت موزه صوب حجره يدتها وفرزت الثياب .. ووعت يدتها وعطتها الدوا ..
وخلاف سارت حجرتها و تمت ترتب اغراضها ..
على الساعه 2ونص خلصت اغراضها ..
سارت صوب اليازيه لقتها راقده ..
ردت حجرتها ماعرفت شو تسوي .. فتحت المصحف وتمت تقرا منه ... لين مااذن الفير سارت تصلي وخلاف سارت توعي اليازيه ونصره حق الصلاه " ولبست وقايتها الطويله ونزلت تحت صوب المطبخ وصبت لها ماي وسمعت صوت وراها بس ماصدت
وهي توها بتسير فوق شافت عمها وهادف وراشد وبطي ياين من المسيد ..
عمها : موزه
موزه :لبية
بطي تخبل ..
عمها :ليش واعية يابنتي .. لين الحين ؟!
موزه : نشيت اصلي ووعيت البنات
عمها : بارك الله فيج
موزه : ابتسمت وسارت حجرتها ..
.. تمت تتذكر امها .. وخلاف يا عبالها بطي وتمت تتذكر حركاته وابتسمت ورقدت

السبت الساعه 9
نشت موزه تسبحت ولبست مخوره ونزلت تحت
شافت يدتها وحرمت عمها فالصاله ..
موزه : صبااح الخير
يدتها وحرمت عمها ...: صبح النور ..
يدتها : تعالي موزه الغاليه حذالي
" سارت موزه حذال يدتها ..
يدتها : شحالج غناتي عساج الا بخير ومرتاحه ..
موزه : الحمدالله ماشجي باس .. مم بسير اسويلكم عصير على ذوقي ..
حرمت عمها استانست من موزه ..
وسار موزه يدى المطبخ ..
وشوي نزل بطي

امه : بطي
بطي : عيونه ..
امه : جي ناش من وقت الغالي
بطي : ماشي بس جي .. المهم وين ريوقكم يوعان ..
امه : الحينه بنش وبخليهم يزهبونه ..
وشوي وحدرت عليهم موزه ..
موزه : يدوه تفضلي ..
يدتها : لا يابنتي مافيه على السكر وغيره
موزه : لا يدوه لا تخافين .. ها مافيه سكر وايد .. اشربيه انتي بس
وعطت ام راشد " حرمت عمها واحد " وبقى واحد ..
وبطي يطالعها ..
موزه : مم تفضل ..
بطي : لا هذا مالج
موزه : لا عادي بسويلي غيره ..
وخذه بطي عنها .. وردت موزه سوت لها كوب وظهرت برع يلست ..
شوي ويتها ميثا
ميثا : موذه ..
موزه : عيون موزه ..
ميثا : انتي موب بردانه
موزه : شوي
ميثا : انذين انا بردانه ..
موزه يلست ميثا فحضنها ودفتها ..
موزه : الحينه بردانه
ميثا : لا الحينه وايد حلو ..
شوي وبدا يطيح نفاف
وجان ميثا تربع ..
ميثا : الله الله مطر وايد حلو
موزه : ميثا يا ميثا
ميثا : تعالي موذه وايد حلو مطر هي هي
موزه : تعالي ميثاني بتمرضين .. وسارت يابتها وشوي شوي بدى يزيد ..
وظهر بطي .. وشفهن بثنتيناتهن خرسانات ماي .. وموزه تزقر ميثا .. وميثا تشرد عنها ..
بطي عصب : ميييييييثا
ميثا زاغت وربع صوب موزه وتمت تصيح ..
بطي : شو هذا تبين تمرضين يلا داخل يلا ..
موزه بعصبيه : انته بلاك يالس تزاعق على البنيه روعتها
بطي " عقد حياتها " : انتي مايخصج .. يوم ارمس اختيه ..
موزه : روح عني زين يالسه يزاعق على البنيه .. ويباني ااسكت .. وشلت ميثا وحدرت داخل ..
..
اليده " وديمه " : امييه موزه شو بلاج خرسانه ماي ..
موزه : مم كنا يالسين برع وطاح علينا مطر ..
وشلت ميثا وسارن فوق ..
سبحت ميثا ب ماي دافي .. ولبستها وعطرتها وسارت تتسبح
نزلت شافت بطي جان تقول
ميثا : مولت الحينه بخبر على باباتي يالثرير ..
بطي : جب جب احسن خبريه ..
وسارت ميثا خبرت ابوها
بو راشد : بطي يا بطيي
بطي : هلا ابويه ..
بو راشد : تعال اهني
بطي : هههههه انشاء الله
بو راشد : واشعنه تزاعق على اختك وتصيحها ..
بطي : ابويه يالسه تربع خاري فالمطر وتزقرها موزه وهي هب طايعه تي .. شو تباني اقولها ..
ميثا : هي بعد ذاعق على موذه وقالها انتي مايخصخ وقالها كلامات وايد
بو راشد : اسمعني يا بطي بنت عمك يتيمه ومالنا غيرها والمرحوم اخويه موصني عليها .. جذى نجازيها ..
بطي : السموحه ابويه
بو راشد : سير ياولدي .. بارك الله فيك ..
السـاعه 2 .. الغدا
الكل تيمع تحت .. الا موزه وبطي ..
بو راشد : هادف
هادف : لبيه
بو راشد : سير ازقر بنت عمك واخوك
هادف : انشاء الله ..
وسار هادف اول شي صوب بطي ..
هادف : طق طق طق ..
بطي " كان يرمس بالفون " : منو
هادف : انا هادف .. ابويه يباك يلا نترياك ترا على الغدا
بطي : لحضة .. ورد يرمس بالفون ..
بطي : حبيبي بخليج اانا الحينه .. ابويه يباني ..
اسما : اوكي قلبي take ur time
بطي : باي حبيبي
اسما : باي ..
.
.
.
هادف : عنبو سنه .. يلا انزل ..
" بطي شاف هادف ساير صوب حجرة موزه .. وجان يسحبه ..
بطي : على وين
هادف : لا اله الا الله بسير ازقر موزه
بطي : سير انته وانا بزقرها ..
هادف : اوكيك ..
..
..
..
سار بطي يدى موزه ..
بطي : طق طق طق ..
موزه " لبست وقايتها " : تفضل
بطي : مم موزه ترا يتريونج على الغدا ..
موزه : "هاتشووو" الحمدالله .. انشاء الله يايه .. انته انزل وانا بيي الحينه
بطي : اوكيك .. وظهر وذهنه عند موزه ..
بطي : السلام عليكم ..
الكل : وعليكم السلام ..
ميثا : وين موذه
بطي يقلدها : " وين موذه " جب جب انتي مارمسج انا ..
ميثا برطمت اونها ..
ميثا : ثرير ..
" شوي وحدرت عليهم موزه "
موزه : السلام عليكم
الكل : وعليكم السلام .. ورحمه الله
ميثا عطول سارت حضنت موزه ..

موزه " ابتسمت " : يا حيااتي ..
ميثا : انا بيلث حذاج
موزه : اوكي ..
ويلسو ياكلون .. " وشوي ونشت عنهم موزه "
موزه : االحمد الله
بو راشد : وين يابنتي ماكلتي .. ؟!
موزه : الحمد الله شبعت .. بسير ازهب دوا يدوه ..
موزه وهي ظاهره .. سمعت بطي يقول .. "
بطي : ابويه ترا اليوم نحن وعيال عمتي بنسير راس الخيمه .. 3 ايام ..
ام راشد : يابويه وين بتظهرون فهالبرد وهالمطر ..
بطي : راشد بتي
راشد : هي نعم بي
بطي : عيل تزهبو لانه على الساعه .. 4 بنظهر ..
راشد : خير انشاء الله ..
..
..
..

فالصاله ..
نصره : موااز ..
موزه : هلا نصره ..
نصره : ملانه ..
موزه : لا عادي ..
نصره : اوكيك
موزه : اي صف رايحه
نصره : ثاني ثانوي ..
موزه : بالتوفيج ..
نصره : وياج .. مم احسج وايد هاديه
موزه " اكتفت بابتسامه " ..
نصره : مم شو تحبين اي افلام ..
موزه : ههه افلام هنديه ..
نصره : ياااااااي شراااتي ..
موزه : ههه
نصره : عيل الفليل بنسهر على فلم ..
موزه : اوكيك ..
يتهم ميثا ويايبه مشط باربي وشباصاتها ..
ميثا : موذه تعالي بثوي لج تثريحة باربي ..
موزه : لا حياتي سوي حق نصره انا شعري لين ما الفه ساعه ويتعبني ..
ميثا " اونها زعلت " : مابا نثوور مب حلو شعرها
موزه : ياربي انزين تعالي .. ويلست ميثا حذالها .. وفتحت شعرها
ميثا ونصره من شافن شعر موزه انبهرن ..
نصره : ماشاااء الله تبارك الرحمن
ميثا : الله وايد حلو ثعرج بثوي له وايد ثباصات
موزه : هه اوكي ..
ميثا : يلا
موزه : يلا
ويلست ميثا تسحي موزه لين ما ايدها عورتها
ميثا : اوف تعبيت موذه اوقفي ثوي
نصره : ايي انتي وايد ماخذه راحتج .. مواز لا تسوين لها سالفه ..
موزه : لاعادي ..
شوي دخلن اليازيه وامها ..
وام راشد من شافت موزه
ام راشد : كللللللللوووووووووووش
موزه احمرت من الخاطر
ويلست موزه تلف شعرها ..
موزه : مم شو رايكم نيلس برع ..
اليازيه : فوقه ..
موزه : يلا انا بسير اييب يدوه ..
ام راشد : لا يدوه بتمرض
موزه : لا ماعليج خالتيه بعطيها شي دافي ...
خطفو بطي وراشد وهادف
بطي " بصوت مرتفع " : خااالتيه بعد ياااااااويل حالي ..
امه : بطي عيب عليك
بطي : اآأآه ياامييه ..
شوي ويت موزه ويايبه العيوز ..
موزه : ها امايه شو رايج فالجو
يدتها : لا ماعليه كلام .. الا نتو وين مويهين ..
بطي : يدوه نحن سايرين البر 3 ايام ..
يدتها : والعثره تعثر العدو اشو بعد 3 ايام .. الليله انتو اهنا فالبيت ..
بطي : هي ماعليه ان شاء الله
يدته " نشت له بالعصا "
يدته : تتحسبني ماعرفك يالمهروم انك تسايرني .. انا قلت جلمتي " كلمتي " ومابعيدها واللي مابيبات الليله اهنا مالي جلامن " كلامن " وياه
راشد : خير ان شاء الله
بطي : يلا
هادف : يلا ..
وبعد ماظهرو ..
نزل بو راشد ويلس وياهم وكانت يلستهم ماشي احلى منها ..
ودخلت موزه داخل يابت القهوه والجاي ..
بو راشد : اشهد انج راعية بيت وواجب
يدتها : هي نعم هذي مواز شيخه الحريم ..

وشوي وحدرت عمتهم ويا بنتها خوله

اليده : مرحبا مرحبا .. اقربن ..
وسارت عمتي سملت على بنتها ..
وخلاف يت وسلمت عليه ..
خوله : هلا يا هه موزه
اليازيه بعصبيه : خوووله
خوله : شو ماسويت شي
موزه سارت صوب عمها ..
موزه : مم عمي
عمي : لبية الغاليه ..
موزه : مم عادي اروح شويه بيتنا بيب باجي اغراضي واغراض يدووه ..
عمتها : لا ياخويه منقود تسير بروحها ..
موزه " عقدت حياتها : انا هب رايحه بروحي غيث بيروح ويايه ومم بشل نصره من بعد اذنك عمي
عمها : ماعليه يا بنتي مرخوصه ..
وسارت موزه وقالت حق نصره .. وربعت نصره ماصدقت انها بتظهر من البيت ..
نصره : يزووي خوالي يلا جاو ..
خوله : تعالي تعالي على وين
بنصره : بروح ويا مواز بيتهم
خوله : هه امحق
.. خطفت موزه وسمعتها وعطتها نضره تحررق ..
اليازيه : ههههههههههههههههههههههههههه
خوله : ايي انتي بلاج تضحكين ,, ضحكتي بليا ضروس ..
اليازيه : واككك قطعتج الصراحه ..
خوله : انا ماعرف شو شايفين فيها هاي الموزه
اليازيه " عقدت حياتها " : بصراحه جمال ومال واخلاق وادب ,, كامل والكامل الله
خوله : هه مالت على ويهها
اليازيه : اييي انتي وايد ماخذه راحتج ولا نسيتي انها بنت خالج وبنت عمي
.
.
.
.
عند موزه ونصره ..
نصره : بيتكم بعيد
موزه : لا 10 دقايق ونوصل ..
نصره : انزين بعد مانظهر بنمر باسكن
موزه : اوكيك ..
و 10 دقايق ووصلن البيت
نصره : واااو بيتكم يجنن
موزه " اكتفت بابتسامه ..
نصره : اول شي بنشل اغراض يدوه
موزه : اوكيك
ودخلن حجره
موزه : نصره حياتي هاتي هاي الشنطه ..
" وبعد مايابتها .. تمن يفرز اغرااض يدتهن ..
موزه : آأه ظهري انكسر
نصره : هههه
موزه : بسير ازقر غيث يحط الشنطه فالسياره ..
نصره : اوكيك
.. وخلاف سارن حجرة موزه ..
نصره " انبهرت من اثاث الحجره " ..
موزه : آآه تولهت عليها وعفدت عالشبريه ..
نصره : ههه يا حليلج
موزه : شكلي برقد اهنا ..
نصره : لا لا لا
موزه : عادي ارقدي ويايه ..
نصره : هههه لا مستحيل
موزه " عقدت حياتها " : مستحيل !!! ليش
نصره : اخاف الصراحه
موزه : لا لاتخافين
نصره : اصلا ابويه مابيطيع ..
موزه : مم انا برمسه .. عادي لو ماتبين ترقدين برقد بروحي ..
نصره : لا
موزه : لا حياتي عادي والله
واتصلت موزه حق عمها وقالت له ووافق عمها بعد ما موزه تمت تحن عليه
موزه : يسسسس
نصره : هههه
موزه : اوصلج الحينه ولا
نصره : لا بيلس شويه وياج
موزه : اوكيك شو تحبينا نسوي ..
نصره : انسوي sweets
موزه : اوكيك بس ببدل بلبس لي شي مريح
نصره : هي احسن ..
موزه : عيل اوكيك انتي انزلي تحت المطبخ وانا ببدل وبييج ..
نصره : اوكي ..
وسارت موزه بدلت ولبست شي مناسب
نصره : هههه عليج جسم طرر
موزه : ههه
وسارن وظهرن اغراض السويتس والكب كيك
.
.
.
بيت بو راشد
خوله : انزين وهي كم عمرها
يزوي : 19 كبري

خوله : هيي يعني انا اكبر منها
يزوي : لا تستانسين واايد ههه
خوله : افف احسها تقهرني
اليازيه " متضايجه من بنت عمتها " : ليش تكرهينها البنت حبوبه وطيبه وماسوت لج شي
خوله : هه هي غسلت لكم مخكم بنت المغربية
اليازيه : استغفر الله
.
.
.
صوب الشباب - راس الخيمه
مانع : الا شحال بنت عمي وياكم
بطي " عقد حياتها "
هادف : الحمد الله يسرك حالها ..
مانع : هيي ياحيها
بطي " نش عنهم مره وحده "
مانع : شو بلاه بطي !
هادف " عرف انه غيض من مانع ..
راشد : شباب ترا انا عن نفسي ماببات اللليله
هادف : هههههههههه
سعيد : ليش ؟!
هادف : العيوز حالفه علينا
احمد : ههه وحليلها الا شحالها
هادف : ماتشجي باس
.
.
.
صوب بطي اللي انعزل عنهم ..
بطي " انا ليش غيضت يوم سمعت مانع يرمس عنها اففف يالهموزه اللي عفس حالي .. شوي ورن فونه " اسما "
بطي " بهدوء " : الوو
اسما : حبيبي وينك
بطي : موجود
اسما : حبيبي وينك في
بطي : طالع ويا عيال عمي واخواني
اسما : قلبي اشتقت لك مو ناوي ترجع المانيا
بطي : امبلا حبيبي جريب
اسما : متى قلبي
بطي : يعني اسبوعين 3
.
.
.
وتم بطي يرمس اسما اللي نسته موزه ..

*
*
*
*

اشب النار لجل ادفى واحطم الحطب واشيــــل
واقلب في التراب اللي يسلي حسرة الخايــــب
حسبت العشق دنيا ضوتها شمعة وقنـــــــــديل
اثاري ناس بالظلمه تحب وحظها صـــــــــايب

*
*

كــت توقعاتكم ورايكم
روؤح البداآوه

__DEFINE_LIKE_SHARE__