السلام عليكم ورحمة الله وبركاته ..

جهازي الآن nokia E51 وله سنتين معي .. وقبله n gage .. وقبلهن ب6 سنوات تقريبا كان معي سامسونج الفضي الصغير اللي له باب ينفتح مش سلايد ..

كان معجبني السامسونج وحابه اعيد تجربتي معهم خصوصا بأجهزتها الذكية ..

والجوال معي يكرف وأحب استقر بجوال واحد لين اطفش منه خلاص مهما عانيت من عيوبه .. لأني ما اشتريه الا بعد قناعه ودراسه وسؤال وتحري واستخاره ..


ولكن احترت جدا عندما اعجبني جهازين بنفس الفتره ..

كنت قد بحثت قبل شهرين عن samsung bada وجدته أفضل مما أردت ..
وتعلقت فيه جداً وبحثت عنه بالرياض في اربع مجمعات للإتصالات ولم أجده فقط دميته وصوره التي تزيد من شوقي .. واذا اردته لابد ان اطلبه خلال نصف ساعه يصل للمحل وأشتريه .. ولم أطلبه لأني لم أرغب بالإنتظار وكنت أأمل ان اجده مباشره اجربه بيدي ومن ثم اشتريه ..

وجدته جهاز متطور وذكي ومناسب لميزانيتي ..
يملك نظام جديد وقوي رغم حداثته ..
وتصويره رائع .. وفيه ميزة التركيز الآلي اثناء التصوير ..
والألعاب والشاشه
وكل ميزاته عجبتني ..
وراضيه بعيب التصفح العربي ..


ولكن خلال بحثي عن الويف اصادف كثيراً الجالاكسي ..
وكل الخمس ايام اللي راحت وانا ابحث عنه .. والصراحه هز قناعتي بالويف وكأنه صار أقل بعيني .. فا ما ودي اشتريه وانا بنفسي عايفته لو 1 % ولو اصادف اي عيب او مشكله علقته بأني وجدت افضل منه ولكني استعجلت بشراء الويف .. واتحسر واضرب كف بكف ..

والصراحه احتاج رأي أصحاب التجارب .. على أن يكون رأي عدل :shy:.. لا تحيز ولا عنصريه ..
لأن الجوال يقعد معي عمر .. فا أبيه يكون مواكب للتطور وسهل التحديث وأقل عيوب .. واستفيد منه لسنه قدام على الأقل .. وابي خلال الوقت اللي هو معي يكون مالي عيني .. ما أبصبص على غيره ولو شفت عيوبه او احد عابه ما يهز قناعاتي بل العكس ..


اللي عجبني بجهاز الجالاكسي اس وسبب ترددي عن الويف :



النظام وحجم الشاشه ..

- انه بنظام الأندرويد .. وهو نظام مشهور وقوي ومجرب ومتجره يحوي آلاف التطبيقات ومعه تشعر بالحريه والتجديد وتعدد الخيارات بدون تقييد لأنه مصدر مفتوح وليس محكور .. بعكس البادا ذو البرامج المعدوده وبطئ التحديث من الشركة وعدم الإهتمام الكامل والدعم للمستخدم .. ( صحيح ان بالي طويل وعادي ممكن اقبل بالويف مع بطئ التحديث ولكن نحن في زمن تزاحم المعلومات والسرعه والآب ديت في التقنيه والبرامج وكل شئ فا مو معقوله مع كل جديد بشتري جهاز جديد )

- والشاشه اكبر بمقدار 7، انش ( وهي تعطي حريه اكثر وأريح عند التصفح واللعب ومشاهدة الفيديو )

___________________________________________

وبالنسبه لي .. اشوف الجوالين فيهن نفس الميزات تقريبا .. سوا بعض الفروقات ..

- يعني مثلا كلهن الشاشه سوبر اومليد وتضاهي الآي فون بالوضوح .. ( و يتميز الجالاكسي انه ملتي تتش وما تأكدت من وجوده بالويف ) بس ما تهمني هالميزه ..
- والتصوير قوي وواضح حتى بالليلي بالرغم من عدم وجود فلاش لكل الجوالين ..
- يشغلن معظم صيغ الفيديو والصوت ..
- كلهن يجي معرب رسمي ( في حال شرائه من السعوديه والخليج عموماً )..
- كلاً من الجالاكسي والويف شكلها الخارجي رائع وكيووت ورفيع وخفيف ، ولو أن كل واحد منهن مصنوع من ماده تختلف عن الأخرى .. لكن رهيبات ومقاومات للخدش والسقوط ( ان شاء الله )
- الذاكره الداخليه المتوفره حالياً .. الجالاكسي اعلى من الويف .. 8 جيجا في الجالاكسي و 2 جيجا في الويف .. بس برضو مش مهمه لأن اصلاً 2 اشوفها عاليه غير الذاكره الخارجيه متاحه حتى 32 جيجا في كل الجوالين ..


وعيوبهن برضو متشابهه :

لا يوجد فلاش للكاميرا بكل الموديلين ..
حرارة الجهاز عند الإستخدام ..

__________________________________________________

واللي مخليني اتردد بالجالاكسي كم حاجه :

# عيب بالجالاكسي ما حبيته ابداً وهو لازم انت تثبت الكاميرا عند التصوير .. وبالويف التركيز آلي ..
# في حال طلبته من بريطانيا مثلاً :
* سعره بيكون اغلى بأكثر من 700 ريال عن الويف.. مع ان عيوبه اللي قريت عنه اكثر ( بنظري ) .. والميزات تتشابه ..
* مشكلة التعريب والحوسه اللي بتصير مع فك وركب وزين لا تزين ، والاحظ انها تنفع مع أحد و أحد حسب الحظوظ وانا حظي بائس والحمدلله ..
# غير واحد في المنتديات العربيه أفاد انه بطئ الإستجابه اثناء فتح التطبيقات بس برضو حلها بفك وركب وزين ولا تزين :anger1: ..


أرجو طرح خبراتكم ووجهات نظركم وتعليقاتكم ربما تفتحون لي آفاق كنت غافله عنها وأجزم على أحد الجوالين ، أدوشني البحث عن الجوالين ..

ولو أني أشعر وانا اكتب هذا الموضوع كأني أميل قليلاً للويف ..!!

ولكن لدي اسئلة ارجو من عنده فكره يعلمني ..

1) هل الويف يشغل تطبيقات ipa ( الآي فون ) ؟؟ لأنه قال لي البائع قبل شهر بهايبر بنده ان البادا تعني المحيط ويقبل كل برامج السمبيان والجافا والآي فون وكل شئ ؟؟

2) هل الويف يقبل برامج الأندرويد ؟؟

3) هل الجالاكسي اذا ركبت عليه اي روم يلغي الضمان فعلا سواء اشتريته دولي او داخلي ؟؟

4) وش معنى كلمة الفرويو الخاصه بالجالاكسي ؟؟

5) الجالاكسي الآن مش موجود بكل الخليج ولو نزل الفتره القادمه اتوقع بيصير سعره اغلى ب 1000 ريال عن الويف ( الويف الآن 1500 ) وغير كذا ما فيه خبر اكيد متى بالضبط ينزل وما ابي انتظر ..
هل اذا شريته ( من بريطانيا ارخص عن هنا واسرع) لازم احوس فيه زي الناس اللي بالمنتديات روم وطبخات وروت وخطوط واب ديت وتعريب .. وفك وضغط ملفات .. ورسمي وغير رسمي ، وغيرها لتطبيقات مهمه لي كمستخدم عربي مسلم .؟؟؟ ما أحب الخنبقه والتجارب على جهاز غالي ..( وإلا لأنها جت كل المصطلحات دفعه وحده ونظريه فقط بدون تطبيق مني حسيت انها كثيره وحوسه وصعبه )

وللي يعرف بهالمصطلحات وش معنى هالكلمات :
روم
روت
خط

والله يجزاه خير كل من حاول يفيد المسلمين باللي عنده من معلومات .. والله يحرم يدينه عن النار ويبارك له بوقته وعمره يا حي يا قيوم ..
ويعلم الله اني فتحت هذا الموضوع ورتبت النقاط الأساسيه لأستفيد انا وغيري من معلومات وتجارب الأخوان والأخوات ..
وعشان محد يصرف 1000 او 2000 او حتى 4000 الا على شئ فعلاً يحتاجه .. لأن الكل مسؤول عن ماله ( من أين أكتسبه ؟ وفيما صرفه ؟ )