سولفيليـ .. الشاعر عبيد راشد اليليلي .. لاتطوفكم ..~

مــ اكون ــن · #1 08-14-2010, 01:41 AM

السلام عليكم ورحمة الله وبركاته

TELL ME وشلونكم ؟؟

اموووت فهالقصيده وحبيت تشاركوني فيها .. وفي آرائكم ..~

سولفيلي عن غلاي وعن هوا ذيك الليال ذكريني بالمحبه يوم لي قدر وغلا

علميني منهو اللي فاز بعدي بالوصال ومنهو اللي فوق عرش القلب بعدي اعتلا

صارحيني من ضميرك كان باقي له مجال ولاّ حتى ذا ضميرك مع هوايه انجلا ؟!

كيف خنتي من يحبك ؟ كيف تنسين الدلال ؟ وآنا ياللي بعت لجلك تالي عمري وأوّلا

كنتي وحدك في عيوني مثل شخص(ن) من خيال كل ما حاولت أعيبك قال قلبي لا ولا

كل ماجيت آتلفت من يمين(ن) أو شمال كنت أشوفك مثل طيف(ن) تعكسه وجوه الملا

كنتي عندي بس وحدك من تعديتي الكمال كنّ ربي خص شخصك كل وصف(ن) من حلا

كل شيّ(ن) كان ممكن في سبيل الاحتمال الا غدرك ما طرالي كيف يطرالي بلا ؟!

انتي بغدرك فتحتي للغدر باب(ن) حلال كيف ماتخون الأوادم والملك خان وسلا !!!

كنت أبنيلك قصور(ن) ما دريت انها رمال جار مد الغدر فيها وانهدم صرح الغلا

كيف أبسلى وانتي كنتي للوفا طبع ومثال ؟ كيف يبرا جرح قلب(ن) صار لطعونك فلا ؟

لو أبا زلزل كيانك كان هديت الجبال كان علمته فؤادك كيف ينرد البلا

كان سويت فحياتك شي ما يخطر عبال بس ماهي من طباعي وعنك جوري اعتلا

هذا لي آخر سؤال(ن) لو يحقّلّي السؤال ليه رجعتي من غرامه ولاّ هو مزنه انجلا ؟

ليه رجعتي بعد غدرك ليه عاودتي الوصال ؟ اسمحيلي ما بقالك عندي لو ذرّة غلا

انتي سويتي فحياتي شي ما يطرا ويقال انتي قسيتي طباعي بعد ماهي مسهلا

راجعتلي بعد غدره تشتكين امن الليال وانتي اللي لجل عينه خنتي حبي والولا !

انتي بغدرك فتحتي للغدر باب(ن) حلال كيف ما اتخون الأوادم والملك خان وسلا ؟!

شاعرنااااااااا المبدع .. عبيد اليليلي ..

اسمحولي صاار خلل فالصوتيه ..~انشاء الله باجر بنزلها الكم ..~ بس ابغي ارائكم فالكلام قبل ما تسمعونها ..اترياااكم لاتبطوون عاد فالرد لاهنتواا
__DEFINE_LIKE_SHARE__