|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته وكل عام وانتم بخير ومبروك عليكم الشهر الفضيل أهديكم هذه القصيده للشاعر والصقار /جابر ابن ثفنان الهاجري بمناسبة قرب طلوع نجم سهيل اللي يحسب له الصقار والبدوي الف احساب لان البراد والصيد والمطر والخير يجي بعد دخول وقته ومثل ماقالوا الاولين ((إذا طلع سهيل لا تآمن السيل)) وكلي أمل أن تحوز علىرضاكم متى يقال الطير قرب هداده ومتى يقال سهيل بين علينا ومتى يقال القيظ قفا شداده وجانا البراد اللي من الغرب زينا والليل ياخذ من نهاره زياده وقفت ليالي القيظ مابين بينا يامرحبا بسهيل لقبل براده شرق الجنوب ويمته له رعينا وكل نقل طيره بعزم وجلاده نبي نشوف افعول طيرٍ شرينا شلنا وشفنا الموس طوف عقاده شلنا وفي المدعى نقلنا ودعينا وكلٍ ركب بالقول صهوة جواده كلٍ مدح طيره ويسرد علينا هذي فعول الطير وهذي شهاده وهذا الذي سواه فعل اليمينا يشهد لي الصمان ويشهدحماده ويشهد لي الشملول وحدر البطينا ياااالله عسى الصقار يآصل امراده يارب لحقنا على اللي نوينا ياماحلا المقناص بعقل وركاده في صحصح خالي من الحاسدينا لامن ضربنا القاع نبغي الافاده طعس حمر بأطراف حيد وطينا وتفاقعن ثنتين بليا هياده علن وخرن عند ذاك الدفينا وجينا وعزلنا الخرب نبغي انحياده قام أتقى الثاني يظنا سلينا وشلنا عن القرناس وأطلق اقياده وخالف مطير الخرب وانكف يبينا ويومٍ غدا في الجو مثل الجراده قالوا ياأبن ثفنان روووح علينا زهمت أنا طيري وأنا أعرف مراده اثره يبي يماديه ويرصد كمينا ثم استدار وراااح عنا إنتقاده علا إلين أخفته عنا عنينا قلت أقضبوا السكان وحثوا القياده سوقوا ورى الخرب المقفي ويجينا خمس الدقايق ماعليهن زياده حول عليه وجاه يااااالله تعينا حول مثل برق تراكم أرعاده برق نشا في الغيم وأنشا علينا ثم دق راسه ناوياً له الاباده بمخلبٍ فولاذ حده سنينا طر النحر والخرب كمل إعناده حول ملاويحٍ يسار ويمينا عود عليه وتل باقي هماده تله وحول به بجوٍ طمينا وجينا وعزلنا الطير وغدي فواده والخرب في العلقه كبير وسمينا شلناه والنيه على أول مصاده نبي نشوف الثاني اللي قفينا وجيته وهو مخمر أتظنه جماده والطير بالتكيه يبي اللي بغينا وجيته وحركته وجاته بلاده عيا إيتحرك ثم نزلنا بدينا قام وتحرك بس والله قراااده الطير شافه ثم سمعنا الونينا حول عليه وحط ريشه اوساده وباقي اللحم خلاه مثل العجينا يااااماحلا عقبه لابهر قناده في وسط رسلان وطلبهن ثمينا هذي طرات الروح وهذي السعاده والحمد لله دعوت الله دعينا وسلامتكم
__DEFINE_LIKE_SHARE__
|
مواقع النشر (المفضلة) |
| |