الصقاره فن وذوق وادب ((تراث ابائنا واجدادنا)) ارجوا من يدخ الموضوع يثريه بمشاركه

محروم.كوم · #1 08-03-2010, 01:00 AM

السلام عليكم ورحمة الله وبركاته

صبحكم بالخير الله يازوار واعضاء ومشرفين هذا المنتدى الشامخ

في موضوعي هذا ابي اتكلم على فن الصقاره واحكامها

ماهو كل من ينقل طير قال انا صقار

ويجونك بعض الناس مايعرفون البرقع من الدس

ويتفاخرون بل ويتعالون على صقاقير لهم بصمة في فن الصقاره

ويغلطون كلامهم وهو صحيح مئه بالمئه ويدعي انه افهم منك

بالصقاره ويغلط كلامك ويصحح كلامه بالعافيه وهو مايعرف الله يكرمكم

التيس من العنز

ماهو عيب اذا الواحد يتعلم اذا دخل في مجال ليس عنده خلفيه فيه

بل يسأل ويتعلم من الصقاقير ولا احد بيبخل عليه بشي

يأ اخوان الواحد ما يطلع من بطن امه متعلم

سوف اضرب امثله على بعض الصقاقير المتمكنين

في الصقاره ومضى لهم حين من الدهر في مجال الصقاره
مثل عبدالله بن نايف بن عون العتيبي من هواة الطيور

ومن اشهر صقاقير الخليج المعروفين

وله قصيده يقول فيها

ياخشف ريمن ذار واوحى شوابيش

بدون طلوع الشمس ذاره وغشها

والعين عين الي جسر عقب توحيش

امير بيتي الحرار ووحشـــــها

طرح الشبك ماقلبوه الطواويش

ولاقرنسوه اهل العشش في عششها

وحش وجاي من بعيد المناطيش

عوق الخريش الي طياره خرشها

لياقام ياخذ من طرف ريشها ريش

وليا قضى لعبه عليها لكشها

وهذا مثال من امثله كثيره

وبعدين الصقاره يبيلها واحد فاهم ومتمكن

فيه صقار يصقر له طير لكن صقارته تعبانه

تفرق عن صقارة واحد ثاني

وبعدين الواحد لو عنده علم في الصقاره

لايبخل على الناس اذا سأله واحد يجاوب عن سؤاله

ابائنا واجدادنا توارثوها ونحن نتوارثها منهم

فل نسموا بمستقبل الصيد الى الاعلى

والسلام عليكم ورحمة الله وبركاته

اخوكم قناص الهمله

ارجوا من من شاهد الموضوع ان يثريه بمشاركه ولو كانت بسيطه
__DEFINE_LIKE_SHARE__