قصه ابو نايف واخوياه في اول المقانيص (حقيقيه ) 5 @@@@@@@

محروم.كوم · #1 07-15-2010, 03:10 PM

ا لسلام عليكم ورحمة الله وبركاته
اخواني المشرفين والاعضاء والزوار
اسعد الله اوقاتكم بكل خير
اليوم جايب لكم قصه بحريه ؟؟؟ لحضه لـحـضه لاتهجون ياهل البر ... تراها مقناص طيور ..:good2: كملو القصه واحكموا!!!!!
في سنه من السنين كنا قانصين للحباري بالشرقيه يم (الخرسانيه) وحنا سيارتين ..انا وخويي ابو محمد وهو احد صقاقير المنطقه الشرقيه ,,,,,ولا ابي اوضح اكثر

وتعرفونه؟؟ (المخرج يبي كذا)
المهم .. قنصنا وعندنا جره قديمه والارض محيوسه من الغنم وقطعنا لها ولاكن ما استجد شي ؟؟ وانا معي شاهين اسمها (تماني) وهي راكده وتونا معلمينها على حبارا
وبعد العصر وانا طالع مع زباره (عدامه) تشرف على البحر .. وإلا الطير يوم تزين وتل واطالع جهت طلعه ماشفت شي ؟؟ واراسل ابو محمد واعلمه واثناء المحادثه وهي تكفخ وانا اعطيها اسبوقها وهي ترتفع ارتفاع الى بعـيـيـد
وانا ارفع المايك "" يابو محمد تراني هديت ""قال سبر سبر وانا جايك من شرق ""ونلحق وراها وهي متجه للبحر شمال لين حدنا البحر ووقفنا ندربل واخر ماشفناها تطرد طير ماقطعنا عليه داخل البحر؟؟
وبعد المشاورات ,, رحنا على جهتها من ورا البحر ونشغل الجهاز قال قدام ونتلها 5كيلو لين جينا مركز سلاح الحدود(الصدوي)من غرب للشمال , ونشيك على الجهاز ولينه يعطينا شمال شرق وهذه جهه الزور ونسحب قبل الليل
للزور ونشغل الجهاز والاشاره ضعيفه جهة الجنوب في جزر داخل البحر واخيرا نحدد موقعها في جزيره مانقدر نجيها الا على قارب وتسمى جزيرة (جنه) .. هذه والله المشكله ,,والليل امسانا والاخلاق رايحه وطي ؟؟
وش الحيله وش الدبره ؟؟ قال الذيب ابو محمد الحل عندي !! كيف "" قال رجعنا للدمام واعلمك بالحل"" قلت توكل على الله""ووصلنا الديره .. وكحيلان يستنفر كل طاقته بالاتصالات:type: والواسطات ولا نام الا بعد ماضبط كل شي جزاه الله خير
واخر الليل نحرك للخرسانيه على سياره وحده؟:redcar: ونصلي الفجر قبل مانجي مركز الحدود الي جنوب من (جنه)ويسمى (مركز النقوريه) وبعد الصلاه نشغل الجهاز ونفره على جهة الجزيره ولاكن مافيه اشاره ؟وشرق مافيه؟وجنوب مافيه؟وغرب مافيه؟
وقررنا ان ندورها بالجهاز وبالملواح في الاماكن القريبه من البحر !!وبعد ساعه ونصف من الفرفره مالقينا شي قلنا يمكن طرحت الريشه؟؟اونزلت في الماء وخربت الريشه؟؟او الحجر فاضى؟؟ الوكاد رجعنا للمركز واعطيناهم علومنا وقالوا عندنا امر بالسماح بدخولكم من البارح والان ادخلوا وعند الخروج من الجزيره بلغونا ,, قلنا ان شاء الله
وحنا نروح للسيف وننزل اللنج المطاطي ويطبقه القبطان ابو محمد انا ماعرف شي بس عرفت بعدين ان القبطان ما يستغني عن المساعد مثلي!!!ههههههه..
المهم نفخناه بإسطوانة اكسجين ونركب عليه المكينه الى مايشيلها الا اثنين والبانزين والعده كلها وندف اللنج ونحاول مافيه فايده ..اثاريه يحك بالارض بعد ماحملناه والمويه باديه بالثبر هاذا كلام النوخذه !! الوكاد نزلنا الثقيل من اغراضنا ..المكينه والاسطوانه ..ونشيل القارب ونوديه
حول 500مترفي مويه لابأس بها ونربطه في طابوقه ونرجع ونجيب المكينه والاسطوانه ونركبها ونشغل ! يااااسسلام .:good:. ولاكن اذا ركبنا حك في الارض ؟ وانجبرنا ندفه حتى وصلنا الغويط وبعدها اقلعنا بحفظ الله ورعايته بقيادة الكبتن ابو محمد ؟
وهنا جاء دور المساعد ,,,, يقولي الكبتن خلك راكب على رأس الزورق عشان مايرتفع وننقلب ,,, اثاري المساعد ماهو بسيط ,,,المهم لفينا نص دائره على الجزيره لين وصلنا محل فيه حصا ونعقل ذلولنا فيه ,..وناخذ معنا الجهاز والدس والبرقع وحمامه ..ونمشي حوالي كيلو رايحين للبيوت الى في الجزيره ،،وقبل ناصل وإذ به جرة ؟؟ ولاصدقنا الا .:no:
بعد شوي تأكدنا انها جرة ارانب ؟من وين وكيف.،،،،،،، وقربنا للبيوت ونشوف اوادم ونجيهم ،، وإذا بعمال يبنون بيت ،،سلام’’وعليكم السلام’’تفضلوا اقلطوا بالمجلس ’’وحنا ماصدقنا خبر من صبح مشي بر وبحر وتعبانين ,, :looney:والامور مصلحه,, الله المستعان ,,

والا هو باكستاني جييييد وجيده من معازيبه ؟؟الله يعزهم بالطاعه,,ويقهوينا ويسقينا وياخذ علومنا وكان مستغرب منين جايين؟؟ويعلمنا عن الجزيره انها (للمجدل) من الخوالد الله يجزاهم خير وهي قديمه من وقت جدان جدانهم ,,ولهم مقبره قديمه مسوره بحصاء !! والمجدل لهم بيوت بالجبيل ويجون للجزيره كل نهاية اسبوع ...وبعد ماريحنا اعطيناه
ورقه لمعزبه فيها ارقام تليفوناتنا وسبب دخولنا للجزيره ؟؟ علما ان المجدل اتصل في ودايم يعزم الله يجزاه بالخيروكان متواصل معي لين ضاع رقمه ..... واستأذنا من الباكستاني ورفض:no2: الا بعد الغداء وحاولنا معه ويا لله سمح لنا؟؟ ونروح ندور للطيره بالجهاز وبالحمامه وكل مشراف نعدي فيه ولاكن يعقلها الله ,,,,,
واخيرا .. نجعلها تمشيه وتفرجه في هالارض النظيفه الى فيها انواع الشمع والعشب القديم والجديد والنخل والغنم .. ولاكن مساحة الجزيره واسعه تقريبا 4×2كيلو
واثناء رجعتنا للزورق عيونا في الارض نتوقع جرة حباري ومنسجمين ..وإلا بخرفشة الارنب من تحتنا وحنا نصيح بصوت واحد ’يـح ..يــح ..وركض وراها؟ من غير شعور؟؟ ونطالع في وجيه بعض ونضحك شوي؟؟ ونكمل مسيرنا ونركب زورقنا وناصل سيارتنا بعد الظهر وحملنا اغراضنا بعد مشقه ..وناصل المركز ونتقهوا ونوافق عندهم محاضره دينيه ونستمع لها
جزاهم الله .. وانا ماذكر منها شي لاني كنت افكر في تماني ؟؟هههه ونحرك من عندهم للدمام بعد العصر وكل ماجينا محل مرتفع شغلنا الجهاز ولاكن غير موجوده في الخدمه مؤقتا؟؟ والامل بالله موجود ثم فيها حجل به رقم الجوال..
المهم قربنا للدمام وكان الوقت عصير والا يجيني رساله بالجوال من رقم غريب وبعد قرائتها ؟ الحمد لله ما كنت اسوق؟؟
جتني حاله مثل حالات شوفة الحبارا ...:j وهي كا لآتي,,,,
1)رجف قلبي:heart: مثل رجف المكينه المخبطه؟؟؟........
2)تصافقت ركبي مثل خراب مساعد الدركسون؟؟؟
3)ارتعدت براطمي مثل السياره في البطناج؟؟؟....
4) ولساني لصق في جماي ؟؟؟؟؟؟؟؟؟؟........
واخيرا ’نطقت ,,,,وقف وقف يابو محمد ابشر بتماني؟؟ قال بعدي وين ,,قلت شف الرساله ,, والنص يقول(ياراعي الطير القظا به قبل البشاره)ونفرح :good2:نستانس ويتخللها حب اخشوم ونتحمد الله ,, وندق عليه والا هو في الجبيل!!! ونجيه بعد المغرب واحسن مانشوف تماني ولاكن بدون ريشه ولا حجل وفيها ريش مكسر ؟؟
ونتقهوا عنده جزاه الله خير وهو حربي شغال في بحرية الجبيل ... قلنا اعطنا اعلوم الطيره.. قال الطيره جتنا البارح بعد العشاء وحنا في موقع للتدريب عند البحر وحصلوها زملانا موقعه على سياره :redcar:ومسكوها وتهاوشوا عليها عشان بيعها وجاني الخبر ورحت لهم وشفت الطيره واخذت الحجل ,,وعلمتهم بان هاذا رقم واسم راعيها
ولا يجوز بيعها وبعد محاولات وتدخلات من الافراد الضابط ....هداهم الله واخذتها زي ماهي الان وبدون ريشه ونهنيكم بالعقلان !!!!!!!!
قلنا بيض الله وجهك يالذيب والله يكثر من امثالك ,,,,,واعطيناه المقسوم ورجعنا صايدين وغانمين؛؛؛؛؛؛؛؛؛؛؛؛؛
ْْ وســـــــــــــــــــلا مــــــــــــتــكــم ْْْ
واعذروني على الإطاله والتقصير
وارجو ان تنال استحسانكم ورضاكم
وتقبلوا تحيات اخوكم ابو نــايــــف
__DEFINE_LIKE_SHARE__