صور لمحتويات شنطة العدة في سيارتي

محروم.كوم · #1 07-09-2010, 04:40 PM

بسم الله الرحمن الرحيم

السلام عليكم

اخواني الاعضاء

بعرض لكم شنطة العدة اللي عندي هذة تقريبا دائما عندي في حلى وترحالي والحمدلله انقذتني عدة مرات
براويكم الشنطة والعدة

في اشياء ماصورتها مثل
دبة ماء 20 جالون
عزبة القهوة والشاي
حصير
فراش
رواق عن الهوا والغبار

نبدأ بسم الله

صورة للعدة الموزعة داخل السيارة وتلاحظ قدام الشنطة اللي فيها العدة

بنفل الشنطة فل وبنفصل كل شي لكم ..حاضرين

العدة هذة هب لازمة للكل فية اشياء مهمة للمارس وفية اشياء مهمة للكل
بلون المهم بلون اخر
عشان يسهل عليكم الاختيار

1-كرسي خفيف مع مسند ظهر يطوى
2-رشاش ماء يوفر الماء وممتاز للوضوء والاغتسال اجلكم الله
3-منفاخ هواء كمبريسر
4-علم قطعتين مهم للبر عشان يشوفونك من ورا العراقيب
5-جهاز لاسلكي قصير المدى 3-4كلم
6-ولاعة
7-مصباح ضوئي led
8-سكين فرنسية اوبنال
9-قياس هواء+ ابر هواء اضافية +غطاء ابر اضافي
10-عدة تنسيم فتح الابر
11-gps
12-شريط لاصق عجيب تقدر تصنع منة واشرات وحتى سير مكينة ؟؟
13-شريط لاصق كهربائي عادي
14-شالكة
15-شفرة -مووس
16-عدة بنشر مثاقب +رقع تواير
17-كماشات عدة انواع
18-قفاز ثقيل
19-مصباح كهربائي على الولاعة يثبت بالمغناطيس
20-DW 40 مزيل الصدأ
21-قلص 3 طن +حبل صغير للحزم
22-عدة عبارة عن مطرقة +مبرد+سكاريب +ويل بانة عادية وX
23-قاذف لهب
24-شريط رابط كيبل تاي
25-فوزاو هوزاو بربيش بالبناني
26-حبل ربط او شد قوي جدا غير قابل للارتخاء
27-جاروف او شيول صغير +عندي غيرة وسط في الدبة
28-قطعة خشب مهمة للتوسيد في رفع الرافعة او الجيك

صورة للقلص
القياس 3 انش والطول 10 متر
يتحمل وزن 3 طن
طبعا اذا كان دبل يتحمل 6 طن

حاضر لأي سؤال
اريد كل واحد منكم يقول لي شوعندة من عدة وشو ناقصنة وانا مستعد اكون معاك الشنطة المناسبة لك
ياجماعة الخير انت في الرملة ماعندك حد الا رب العالمين ولازم تكون متسلح بالعدة المناسبة

في النهاية اريد منكم الدعاء لوالدي الكرام الله يرحمهم
__DEFINE_LIKE_SHARE__