بقدرة قادر أصبحت إستاذ في طرح الصقور,,,،،،,,,،،،,,,،،،,,,،،،,,,

محروم.كوم · #1 07-02-2010, 07:21 AM

بسم الله الرحمن الرحيم
البارحه كنت جالس عند مقيض طيوري اللي في البيت وحاط قدامي الرطب والقهوه وطبعا الكمبيوتر , و منها اتصفح في مواقع الطيور الاجنبيه وأقلب في منتدانا الغالي:type: , وكل شوي رطبتين وكم فنجال قهو ه , وفجأه جتني فكره , فقلت بدل هالجلسه والطيور كل شوي يتنقلن على الوكور العاليه , خلني ادخل غرفة الطيور واتفحصها ومنها أشوف المكيف إذا يبي تنظيف (مع انه قبلها بيوم متفحص الغرفه والمكيف (لقافه), المهم إستقت على الطيور ودخلت وسكرت الباب وراي من غير ما اقفل الباب, ومع تمشياتي في الشبك عند الطيور , كفخ واحد من الطيور والله قدرة على الباب وفتحه:alarm: , طبعا انا ما انتبهت لفتح الباب , ودخلت الغرفه وهي كم دقيقه وطلعت من الغرفه إلى شبك الطلق , وكلها ثواني الا الطير ظاهر من الباب(يالله سترك), يالربع ونيت ونه ماتنكتب ولالها حروف,واستعجل واقفل الباب قبل لاأجيب العيد ههههههههه, المهم الطير حام الجدار وتوكل فالليل المظلم , جيت بنط الجدار وماقدر:j على الاقل اشوف وجهته ,, واستوالي ياليل مطولك,

وعند مابانت الشيفه طلعت في السياره والف على البيوت اللي حولي :redcar: , نسيت أقولكم اني طلعت فوق البيت أخبر حمام يعشش عندي , والله رزقني بصوص توه مكتمل ريشه ولايطير (ياطواريح ركزوا على صوص الحمام) تراه مغناطيس للطيور هههههههه,
المهم شلته ونزلت من على السطوح وحطيته في كرتون , جلست افكر الصوص موجود ولكن الشبكه ويييييييين؟؟؟؟ وأروح للمخزن وأقلب صناديق مالي عد بهن , علّا وعسى احصل شي , ولله الحمد حصلت الشبكه, أأأهاااا الصوص موجود والشبكه موجوده (الطاروح وين)؟؟ قلت مالي الا السنافي اللي جامع كل سنافي (:s ) وأقلب في الصفحات الين الله هداني على الطريقه ,, نرجع الحين للبحث عن الطير , وأخذلي كم لفه الا والله الشيفه اللي تسر الخاطر , هذا الطير فوق بيت واحد من الجماعه , وقفت وإبتديت اركب الشبكه هههههههههه الحمدلله يوم ماحد معي يشوف ,,, وأربط خيط طوله مترين في الشبكه والوزن نعولي وانتم بكرامه , أول مارميتها الشبكه لحال والصوص لحال , كيف ؟؟ مادري ,, وارجع واركبها ثاني مره , وارميها وتنقلب الشبكه تحت الصوص ويتشربك فيها (لاحول ولاقوة الا بالله), وارجع وافكك الصوص من هالشربكه وأزينها مره ثانيه, فقلت ماني براميها بحطها حط بشويش وبروح عنها , المهم حطيت الصوص مع شبكته على الارض ومشيت ,, وبعد عشر دقايق استدار الطير بإتجاه الصوص (يالله ياكريم), وشوي الا هو هاوي ويمسح مسحه بسيطه ويوقع بجنب الصوص , ويقبض شوي ويفكه , وعلى هالمنوال تقريبا 3 دقايق, وفجأه فك الصوص ومشى هالفروج هههههه والطير مكانه , أفا مامشت الخطه , قلت خلني انزل واعدل الشبكه ثاني مره , والطير ماهو رايح , وساعة مانزلت يكفخ الطير الا والله الشبكه في رجوله والصوص ماعليه شي , وأستوت خطواتي كل خوه من خطوه عشره مت:hot: ر وأقبض الطير وأجيب المقص واقصص الخيوط اللي شابكه فيه والحمدلله على العقلان ,, بس يالربع شي دار في خاطري ولازم أقوله لكم ,, اللحظه اللي دخلت في راسي فكرة الشبك تمنيت( المعتزل) ولافي باقي أخواني إقصور,, وهذي سالفتي فالليله اللي مضت وصباح هذا اليوم المبروك ,,,
وهذا يا اخواني درس لي ولغيري,,

أتمني إني وفقت في طرح قصتي

والسلام خير الختام

تحياتي
__DEFINE_LIKE_SHARE__