أخيراً بعد نسيانك ذكرت إني جروح اقدامْ
جروحٍ ما غفت فيها عيون الذكرى والآلامْ

صحيت مْن الوهمْ نادم ضميرك يشعر بتأنـيـــب
صحى قلبك وانا جرحي بقلبي لا صحى ولا نامْ

****

أخيراً جيتني تسأل إذا قلبي نسى حبك؟!
إذا قلبي تخلّى عن غرامك وانتهى قلبك

خساره جيت متأخر بعد ما مات في دربك
رجايا والأمل ظامي بعد ما ماتت الأحلامْ


****

أخيراً انتبه قلبك وإحساسك وتــفـكــيرك
وجيت تبرر الغلطه وتشكي لي معاذيرك

تريد انسى جروحي وابتدي ثاني مشاويرك
تريد ويا كثر ما تريد كفاني من هواك اوهامْ

****

توقع وش يكون الرد من قلبٍ هديته جروح؟
يهلي بك وينسى الجرح·· يقولك يا غلا مسموح؟


تخيل عيش مأساتي تصور إنك المجروح
بتعرف بعدها ردي·· معاناتي مع الأيــــامْ