قصة اغنية ميحد لوّل معي زايد غلاكم

عامريه ما تنصاد · #1 06-03-2010, 05:58 PM

السلام عليكم

قصة أغنية ..لول معي زايد غلاكم للفنان ميحد حمد

هذه سالفتها يا جماعه الخير .. شله شباب .. يجتمعون في احد المجالس ..

يسوولفوون ويضحكون كل ليله ..

وكان راعي هالقصه .. وياهم دوم ايي ويسولف ويضحك ..
وفي يوم من الايام بعد

ما طلع من عندهم .. تمو الشباب يحشون فيه ويضحكون عليه ..

واحد من اللي ما يرضون عليه من ربعه .. خبره بالسالفه ...
وقاله تراهم يرمسون

ويحشون فيك من وراك ..

باليوم الي عقبه سار لهم في نفس الميلس .. ويلس في زااويه بعيده
.. وكان عنده ورقه

وقلم .. وكتب كلمات الاغنيه ..

لول معي زايد غلاكـــم ** افدي بروحي واشتريكــم

احرق واشني من شناكم ** ما ارتضي بالشين فيكم

وانتو تجافونا اصدقاكم ** من دون زلات تجيكــــــــــم

كدرتو الخاطر تراكــم ** واعرفت قاصي اولـــيكـــم

واليوم مالي في معناكم ** حشا وكلا ما عنيكــــــــم

امشو وسير في هواكم ** وانا عليه مبتليكــــــــــــــم

ضاع الربع في ملتقاكم ** من حين جافيتو خويكـــــم

لو كان باغي الشد عواكم ** ان جان بشاور وليكـــم

لكن هذه من جداكم ** امسامحه مني اليكـــــــــــــــم

واقول لاني في ثراكم ** الله يهديني ويهديكــــــــم

والقلب حاله انعاف ماكم ** يوم املحت شربت طويكـــم

وبعد ما كتب هالكلمات .. سار وعلق الورقه عالباب .
. ورووح ..

وفي الطريج سوا حاادث وتوفا

الشاعر هو (ماجد بن علي النعيمي) نشاء وترعرع في عجمان
.سافر في بداية شبابه الىالمملكة العربية السعودية..
حتى بلغ العشرين من عمره .
عاد الى الامارات وبتحديد الى عجمان منشأه...
له كثير من القصايد الجميله اشهرها "لول معي زايد غلاكم"
وقصيدته المشهوره التي تغنى بها المطرب الكبير
علي بروغه وهي قصيده من كلماته ومن كلمات الشاعر الكبير
راشد الخضر وهي "يا حبيب القلب عذبت الحشى"...

توفي رحمه الله في السبعينات في ريعان شبابه حيث كان عمره
عند وفاته 22 سن
__DEFINE_LIKE_SHARE__

~» مـآ غرنـﮱ مْــزيِـــﯛטּ ™, · 06-03-2010, 06:19 PM

مرحبآآآآ السآآآآع .. اشحآلج ربج بخيييير و سهآآله ..

حيهآآآآآآآآآآ السآآآآآآع والله ..

قصصه رووووووووووعه وربــٍي ومأثــره .. واحينه الاغنيه من اروع الاغآآني ف ذمتيه .. وكلمآتهآ رووعه ..

الله يرحمـٍه ..

يعطيج ألف عآآفيه و قوآآج االله ... ف ذمتيييييييه ابدعتـِـي ف طررحج ..

ولا تحرمينآ من يديدج دووم ..

ربي يحفظج .. ^^ __DEFINE_LIKE_SHARE__