مسلسل { أبلة نورة }~ - الصفحة 3

غرور طفله · 09-17-2008, 11:18 PM

وآللهـ موضوع صدق يستحق النقاش..

انا ما بزود من الرمسه الي قالوها اخواني..

لاكن الي بقولهـ ..

هذا اي مسلسل يعرضوونه الي فيهـ الممثلات على الاخر..

يعني يسوون اي شي مثل موقف فاطمه الحوسني ويا العامري..؟؟

واي ابله هذي الي بترمس واحد ؟؟؟

والله اشياء تصير خيااليه ..

يعطيج العافيه خيتوو __DEFINE_LIKE_SHARE__

القناص007 · 09-17-2008, 11:25 PM

سبقتيني في تنزيل الموضوع

كنت اكتب موضوع بعنوان

ابله نورة بين المياعة والثقافة

كيف يصور المسلسل البنات ههن بحصص الرياضة

صحيح ان المسلسل يلقي الضوء على عدة شرايح من المجتمع

ويناقش مواضيع عدة حول الحياة المدرسية

بس المشكلة ان معظم المشاهد ضمن الحياة المدرسية

واحنا انعيش في مجتمع تحكمه عاداته وتقاليده

احنا مب عايشين في مجتمع غربي __DEFINE_LIKE_SHARE__

لمسة إحتراف · 09-18-2008, 12:53 AM

1- هل هذآ مسلسل وآقعٌ نعيشه ولكن خفي علينآ..؟

انا بنظري ان هالمسلسل يحكي وااقع فعي لما نعيشه فالمدارس

2- وإين الدور الـإيجآبي للمعلمآت..؟

احين الدور الايجابي للمعلمات طااار فالسماء
واذكر مرة اختي جالتللي ان عينو معهم مدرسة صايعه تغازل الشباب وترمسهم جدام البنات عيل بذمتكم هذي مربية اجيال ؟؟

3- وإين النظآم..؟

ماكو نظااام فالعصر هذا

النظام هو الخط والهدف اللي كل واحد يرسمه عشان يعيش حياته __DEFINE_LIKE_SHARE__

بلۈشيـۂ ™ · 09-18-2008, 03:51 PM

المشاركة الأصلية كتبت بواسطة ظبياني عكس القانون

وواقع × وااقع × ووااقع + مبـالغه شويه

أي وآقع أخويه ظبيآني أنتوآ يمكن مآشفتوآ مدآرس البنآت لنه في نظآم وفي وزآرة وفي إدآرة محترمة.."

وايد مدرسات اطباعهن خايسه وكل شايفات عمارهن وفي المسلسل عرضو الزين والشين

أوكي صح خآيسة بس والله معآملتهم للطآلبآت أوكي لنهن يعرفن هن ين يدرسن هب لعب وهن بينسؤلون جدآم الله والوزآرة.."

امـا عن المكيفات والتبرع انا عن نفسي ماحبيت هالشي .. صح عندنا مدارس تحتاي ترميم وصيانه شرا اللي في الشمال لكن هب لدرجه ان واحد يتبرع وان اتبرع مايتمنن وعيال الوزره احيدهم فمدارس خاصه هب حكوومه ومليونيره لوول

وعن المدرسات ترى في المسلسل هب امبين انها اتعرف ريل مدرسه عندهم .. لكن وايد اتصير مدرسات يرمسن شباب صح انهن مربيات لكن هب معصومات عن الخطأ .. اما عن تسرب الامتحانات فهالشي موجود عندنا
اما عن الكشخه .. ختيه مدرسه .. ودوم تتشكى من الطالبات الا ميك اب في شنطهم الا مشوط الا راسمه عيونها واملونه ظفورها .. يعني يسوون بلاوي .. انا يوم انزل ختيه المدرسه اشووف البلاوي .. عباه مخصره ورافعتنها وتارسه الويه بودر .. يعني موجودين هالبنات وبكثره ويمكن في المسلسل نوع من المبالغه

لــآ عن الريل ومآسوآلف شبآب أوكي خل المدرسة ترمس لكن جدآم البنآت متى هآ أستوى هن يمنعن البنآت آخر المدرسآت خيآس وين عيل هييل بيعلمن أجيآل وبعدين الوزآرة لازم تشوف أخلاق المدرآسآت قبل لأأيوضفونهم
وبعدين عن سآلفة الميكب أنآ ويآك إنه البنآت يحطن وجيه لكن الادآرة تتحرهآ بتسكت لاه لكن فالمسلسل عىآآدي

المسلسلات يعرضوون مشااكل في واقعنا لكن هب بصوووره واضحه او صحيحه فيها مبالغه

أنآ أشووف هب وآقع صدقي فمدآرسنآ <<< رأيي الشخص

ويآمرحبآ بك نورت فذمتيه وردك ع عيني ورآسي

واشكرج عالطرح

المشاركة الأصلية كتبت بواسطة !,وجدان,!

يسلمو على الطرح وعلى ردودكم الغاوي
الحقيقه
كل الي بلمسلسل عبارا عن
{تجميييييييييييييع لكل شي مب زين..~
الحقيقه انا عندي رد

{الي بلمسلسل مو نموذج للي بلامارات بس لكل الخليج}

{..واذا جت على المو بيل
او حركات البويه..~
اوالكره الي بين المعلمات..~
او خيانت الزوج لضروفه الخاصه..~
اوالابله الي تغشش .. الخ~

فهاذي حقيقه لا تنكر

انا اعرف معلما
{..لها بنات بنفس المدرسه بنفسها
قبل الكل بصبح حلت كل سوال كان حلا غلط لهم
على الاختبارات في اخر السنه هاذا الكلام صار بعد الاختبار ..~
{الحمد الله انكشفت و صار لها الي صار}

*

اما عدم احترام المعلمات لبعض
اقولكم شي صار قدامي كان يا مكان
كانت انوبا على معلمتين اخر ادوام
وحدا مارضت وتبي تروح ووحدا تقول ما ابي ارقب وحدي
ليش انا اشتغل ونتي لا؟!!
يا تسدي مكانك ولا تجلسي حالك حالي
شو عندك بيت وانا لا عندك غداء وزوج وانا لا؟؟!!!
كلام فاضي والله وترد عليها وصوت يعلى على صوت و يد تطول ويد تحوش
وانا انضرهم وضحك وقول بقلبي يارب استر
{هاذيلا يعلمو وهم يبي لهم من يعلمهم}

*
ازيدك من الشعر بيت
طالع شي جديد قصص غرام بين طالبات ومعلماتهم
انا اعرف بنت تقولي كان يا مكان
كلفتها معلمتها بنشاط سنه كاملا
وكل يوم البنت تروح وترد على المعلما
وهاذي المعلما تموت بلبنت ذي والبنت ما تدري
المهم صار الي صار ان العمل تم وتسلم للمعلما والحمد الله
كان رد المعلما على الطالبه تعالي اخر ادوام انا ابيك طيب
قالت البنت طيب
المهم راحت لها
وكان بها ان المعلما تبكي ليش ايش فيك ايش صارلك يا ابله؟!!!
قالت انا بسألك سوال ممكن؟
قالت البنت ممكن !!
قالت انتي تحبيني رد البنت كان طبيعي انتي ابلتي اكيد ايه
وحب الابله غير الحب المفروض بينها وبين طالبه
ومثلكم عارف

*

وزيدكم ولا اقول بلاش
ههههههههههههههههههههههههههه

واسفه اذا غثكم
او طال ردي
لا املك غير قول شكرا" لكم على الطرح الطيب
لا عدمناكم

تقبلو مروري
مع تحياتي
وجدان

ختيه وجدآن مشكورة ع ردج أنآ بقولج هآاللي يعرضونه فآلمسلسل كله سلبي والله مافي شي إيجابي

وبعدين صح بنآت أييبون فونآت وميكب وحشرة { بس الادارة يوم تزخهم تسويلهم سآلفة تنبيهآت وأوليآء أمور ووزآرة }.."

لكن في المسلسل عآآآدي ولا جنه شي صآر وبعدين من متى المدرسآت يقلن أدبهن ع البنآت بدون سبب ويقلن أدبهن ع المديرة والله جذب × جذب.."

وبعدين إنزين خلهم يعآلجون مشآكل الاعجاب لكن نحن مآشفنآ شي خلهم يعآلجون مشآكل البويآت نحن مآشفنآ شي.."

وبعدين من متى بنية يوم المدرسة توصل لهم صورها يسكتون يآآآآخي وين أستوى هذآ..؟!!

المشاركة الأصلية كتبت بواسطة ضـَيّ الـحُــروفـْــ ..*~

الـأسئلة..؟

1- هل هذآ مسلسل وآقعٌ نعيشه ولكن خفي علينآ..؟

بالعكس خيتي .. واقع نعيشه .. و ممكن يكون خفي و ممكن يكون واضح للعيان .. شي معلمات جي و بنات جي .. لنه الاداره مش لاعبه دورها بالشكل المطلوب .!!

2- وإين الدور الـإيجآبي للمعلمآت..؟

الحينه شي اسمه اتقان .. انعدم للأسف .. المديره روحها يبالها حد يقومها ..!!

3- وإين النظآم..؟

شي مدارس نظامها جي .. فري يعني ..!!

(( يمكن أنآ مآعرف لنه طول عمريه فمدآرس بوظبي لكن مآتوقع فمدآرس الدولة بكبرهآ جيه الـإدآرية

أوكي من متى بتمشي مدرسة إدآريتهآ جذآ أكيد إذآ إنعدم الـأسآس خلـآص مستحيل يكمل البنآء.. ))

تحوطي في مدارس الدوله و احكمي بنفسج .. وروحج قلتيها بلسانج .. (( يمكن أنآ مآعرف لنه طول عمريه فمدآرس بوظبي )) .. لا تحكمين ع اساس محيطج المدرسي الخاص بج روحه .. توسعي .. و بتفهمين من أي منطلق هالمسلسل ظهروه ..!!

لكن أعتقد بانج كتبتي موضوعج .. بدافع الحرى و اقتناعج بانه ماشي مدارس تمشي على هالنظام .. و انا وياج في هالنقطه .. إداره زفته = انتاج 0 .. لكن بعد بقولج ان شي مدارس جي ^^

أنآ بقولج أني مش معآج مستحيل الوزآرة توظف مديرة هب متقنة حبيبتي الموجهين والمديرآت مستحيل يتوظفن إلأ إذآ درسوآ كم من سنة وشآفوآ عملهم وكل شي إنتوآ ليش مآتبون تبرزون الدور الايجابي

وبعدين متى الوزآرة تخلي مدرسة فري حبيبتي الوزارة تحوط فالمدارس وتشووف الاشيا هب غافلة

وبعدين إذا المدرسة مالها نظااااام صدقيني مستحيل بنت اوكي تظهر فالمدرسة اصلن اولياء الامور كانوا بيشتكون.."

لكن نحن نشووووف اشيا غافلة عن الادارة مثل الميكب لنه البنات هن الاساس اللي يسوون هالشي ..الادارة تعرف دورها

المشاركة الأصلية كتبت بواسطة دنيـ! غريبـه

{ . . آحـم آحـم

يعـطيـج العـآفـية ختـيه ع المـوضـوع

وآنـآ رآي من رآي ضبيـآنـي ووجـدآن

هالآشيـآء وآيـد تستـوي فالمـدآرس ونحـن الشبـآب دوم نسمـع علـوم البنـآت وشـو يسـون

وآعتقـد بعـد هـآ شـويه لـي هـم يمثـلونـة فالمسـلسـل

لان صـدق فـي بـويـآت وفـي نـآس ادوخ ونـآس بتلـفونـآت
ونـآس الله يستـر عليـهـآآ

فـي اشيـآء وآيـد تصـير ونـآس وآيـد مــآتـدري عنـهـآآ

نحـن بعينـآ نشـوف يـوم نسيـر نيب حـد من لاهـل من المدرسـة

آو نكـون خـآطفيـن من صوب المدرسـة وقـت طلعت البنـآت

تشـوف اشيـآء يشيـب رآسـكم منـهـآآ

لـدرجـة آن مـره وحـده مـوقـفـة وآحـد فالـشآرع والله سلـم مـآدعمـهـآ وقـفت جدآمة وتقـولة كـم رقمـك

عـآد تبون الصـدق حـد من النـآس مـآيعرف المستحـى والمذهـب والله يعيـن آهليهن عليهن

والله يستـر ع العبـآد

وبخصـوص سـآلفـة المكيفـآت تستـوي

يعنـي وآيد من الآهـآلـي لـي الله رآزقنـهم وآيـد يسـآعدون فالمـدآرس

مثـلآ بمكيـف يدفـعـون عـن دريشـة مكسـوره يصبغـون الصـف

ايبـون زرآعـة وغيييييره

بصـرآحـة مـآدري لييش انتـو منصدميـن من هالآشيـآء لـي فالمسلسل

لآنهـآ اشياء تستـوي عندنـآ وبكثـره بعـد . .

يمكـن تقـولـون من وين يبـت هالعلـوم كلـهـآآ

تبـون الصـدق دوم اسمع الآهـل يتشكـون

وآنـآ عـآد اتفيـزر وآحـط ع المدرسة خخخخخخ لاتلـوموونـي من كرهـي لهـآآ

والله يصـلح حـال اليمييييييع ويهـديهـم ويهـدينـآ يـآرب . . } ~

دنيآ غريبة..!!

أنآ بقولك عن سوآلف البنآت عقب المدرسة المدرسة مالها خص لنه خلاص هم مايكونون ع مسؤوليتهم { ها معروف }

يعني البنت برايها ع كيفها لكن دام هي فالمدرسة ودوامها المدرسة تتصرف.."

وبعدين صح عن سوالف يتبرعون هيه اقولك اياها ها من نفسهم الاهالي حبن للمدرسة وبعدين مايطالبون بها

وهب عشان انه ينجحون عيالهم ولانحن حيه سوينا وبعدين عن صبغ الصف هاكل المدارس عادي تصبغ والمعلمات يساعدون

نحن رمسنا صفنا كااااااااااامل وانا وبنات خالاتيه اللي هب معانا فالمدرسة وماقلنا شي وبالعكس تأخرنآ ودفعنا وكل شي

بس والله آخر شي مجهودنا ماراح جذه كرمتنا الادارة وودوتنا رحلة وبنات خالاتيه اللي هب معانا يوو عادي من الوزىرة تكريم لهم

يعني مستحيل هالسوالف تطري او تستوي اذا كانت الادارة معلوم بها

المشاركة الأصلية كتبت بواسطة زهور 2007

السلام عليكم ورحمة الله وبركاته..

يا هلا و مرحبا بي الغاليــه..منــــــــــــــــــــوره قسمنــااا ^,^

1- هل هذآ مسلسل وآقعٌ نعيشه ولكن خفي علينآ..؟
والله يا الغاليــه تـرا فى منــهم شي وااقــع صــراحه..بس طبعا كا مسلسل فا مباالغــه موجوده فيــه شوي ...بس صـراحه حاال البناات الله يستــر و يهديــهم ان شاءالله يا رب....مسوين مكيااج و حركااات و بلااوي صــراحه...و حتى فى المنتدي كم من بناات تكبوو انه نحنا بس نحط " كحــــــــل "..و راافعين خشمهم ع معلمااات. و الحين "fan" أحب بنت الفلاان و انا معجبه بي بنت فلاان..و بناات يغيرون صفهم بي سبب بي بنت ثاانــي..و تحدي بين البناات...لا يحترموونهم ولا شـــي.لا حول ولا قوة الا بالله حتـى الادارة ما يحلوون مشااكلااات مثلماا مطلووب منهم...يعنـى فى ادراة كذا و فى كذاا..و فى مدارس جي و فى مدارس جي..ما شي كاامل...

2- وإين الدور الـإيجآبي للمعلمآت..؟
تبين صــراحه فى ملعمااات همهم أكبـر فقط رااتـب و بس..لا يدرسوون مثل نااس ولا شــي..ما انه هذى مسوءلية كبيـرة جدا ع معلماات...و عااد مديرة حد منهم يوم تحضــر و اسبووع ما تحضر..لوووول..

3- وإين النظآم..؟
صــراحه كلاام تجي ع الادارة ..اذا ادارة قويه و فى نظاام قوي و تمشــى ع الجميــع...فا ما شي أحسن منه..بس هالايااام وين ..؟!! ..

تسلميــــــــــــــــــــــن حبــوبه ع الموضــوع الحساااس جدأ...لاهنتــــــــــى

منـــــــــوره ....ربــي يعطيج صحـه و العاافيـــــه

وعليج السلام هلا والله حبيبتي منورة ××××××××××××××..^^

مشكورة ع ردج الصراحه انا اشوفها مبالغة لكن انتوا يمكن بس تشوفون هالصوب الواحد هب من الصوبيين

ليش ماعرف لكن ماقول غير الله يهدي اليميع

وحيآكم نورتوآ لاموضوع بردودكم.."

وطبعن رآيكم ع عيني ورآسي __DEFINE_LIKE_SHARE__

ثاني بن ثاني · 09-19-2008, 02:45 AM

السلام عليكم اول شي حبيت اقول رايي ان مسلسل ابلة نورة من افضل المسلسلات واكثرها واقعية ونا بجاوب على الاسئلة من خلال وجهت نظري.

- بعدهن مآيعرفن المديرة ومآشآفوهآ { يكرهونهآ من متى جيه }...؟

في ناس عندهم هذا المرض اللي يسمى بمرض الكبر والغيرة وحب النفس وني انا قدلي سنين في هذا المكان كيف اي شخص جديد ويفرض راية علي.

2- من متى فآلمدآرس الحكوميه أوليآء أمور الطآلبآت يتبرعن بآلمكيفآت { وينه دور الحكومة }..؟

نعم وهذا الشي موجود ان ماكان عندنا موجود في دول خليجية ثانية والمسلسل يتكلم عن هذي المشاكل بشكل عام (((( يعم مايخص))) هب لنة المسلسل تم تمثيلة في الامارات يعني كل هالاخطاء والسلبيات عندنا ونشاللة فهمتو قصدي؟؟

3- من متى أحين أبلة عليهآ حركآت وسوآلف تحب ريل زميلتهآ شو هآ نحن وين..؟

اولا اللي متابع المسلسل بيعرف ان المدرسة ماتعرف ان اللي اتكلمة زووووج زميلتها ولا هو يعرف انها زميلت زوجته
يعني كل شي صدفة

4- وبعدين من متى البنآت جيه يكشخن فآلمدآرس ومبآيلـآت والمديرة صآخة عنهن.."

نعم الحينة يكشخن وهذا الشي جفتة ابام عيني مش ابعيني وبس

1- الأبو الغني على قولتهم واللي متبرع للمدرسة بالمكيفات وذالنهم عليهم

أحب أقول أنه عيال الأغنياء والشخصيات المهمة ما إيدخلون عيالهم مدارس حكومية

و كلهم يدرسون في مدارس خاصة .. ولا أنتو شو رايكم ؟؟

لا واللة انتي غلطانة في ناس فلوسهم فوقهم وتحتهم ودرست وياهم وعلى فكرة وواحد منهم تبرع بمكيفات

والثاني كمبيوترات خخخخخخ

2- البنت المعرسة واللي تدرس وياهم الصبح وفي نفس الصف كيف هاي بالله تستوي ؟؟!!

نعم كلامج صحيح امية بالامية والدليل ان لين الحين محد يدري بزواجها لا صديقاتها ولا الادارة

3- البنت اللي تدخن سجاير والمدرسات والمديره ما شالله عليهم يدرون وجايفينها وساكتين .. حلوة هاي !!

أصلا هالشي من أكبر الممنوعات فالمدارس

نعم هذا الشي ممنوع ونا ماظن ريت حلقة من الحلقات المدرسات شافو البنات يدوخن وسكتن بالعكس يحاولن يصلحن الامور بطريقة صحيحة وخاصة ابلة نورة

4- لاحظت أنه في بنات ايسيرون المدرسة بسيايرهم الخاصة

في لو اني ولد وهذا صاير في نفس المدرسة اللي تم التمثيل فيها

الـأسئلة..؟

1- هل هذآ مسلسل وآقعٌ نعيشه ولكن خفي علينآ..؟

نعم وااااااااااااقع

2- وإين الدور الـإيجآبي للمعلمآت..؟

في مدرسات في المسلسل دورهن ايجابي وفي مدرسات دورهن سلبي

وهذا الشي واقع لا مفر ايدج لن المدرسات بشر والبشر منهم اللي يخطي ومنهم لي يصيب

3- وإين النظآم..؟

والنظاااااااااااااام موجود في المسلسل.

وسلامتكم. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحلقة السابعه والعشرون من مسلسل أبلة نورة	محروم	مسلسل ابله نوره	66	06-13-2010 04:48 PM
صور من مسلسل أبلة نورة الحلقة 12	+[ ملاك الحسن ]+	مسلسل ابله نوره	50	06-04-2010 06:31 PM
الحلقة السادسه والعشرون من مسلسل أبلة نورة	محروم	مسلسل ابله نوره	55	06-04-2010 06:22 PM
حصريا الحلقة السادسه من مسلسل أبلة نورة	محروم	مسلسل ابله نوره	80	06-04-2010 06:21 PM
حصريا الحلقة السابعه عشر من مسلسل أبلة نورة	محروم	مسلسل ابله نوره	572	06-04-2010 05:54 PM