س/ ليه تطير الفلوس بسرعة ..؟

ابو البندري · #1 09-16-2008, 06:33 AM

السلام عليكم ورحمة الله وبركاته

كل شيء في الحياة تقريبا عرفته وحكرته وضبته

الا الفلوووووووس

ماني عارف ليه تطير بسرررررررعـــــه ........!!!

25 من الشهر قبضنا المعلوم

وفي 27 الرصيد 70 ريال غير قابله للسحب ولكن استهلكناها عن طريق السوبرماركت بواسطة الشبكه

امس قبضنا الاوفر تايم

واليوم ما باقي منه الا 40 ريال حق البنزين لحد يوم 25 القادم

لمذا قروووشنا تروح بسرعه وعلى ايش يا ربي تروح ..؟؟

عملت كثير من عمليات القعاطه والتجلد والتصحر والتقشف

لكن مافيه امل

ما اذكر الراتب صار حررررررر في احد الاشهر ، لابد يكون فيه ديانه على طووووول

مدحورين طول الشهر طول السنه طول العمر الى ان يأخذ الله امانته وبعدها يتشتت الابناء والبنات وقبلهم امهم تروح في خبر كان يا عزتي لها ما راح يمشي لها من التقعاد الا خمام الفلوووس الفين ولا اقل كمان يادوب تدفع بها الاجار حق البيت

وحاب اناقش الموضوع معكم
رواتبنا مافي بركه ليش
ماهي اسبابه وماهي طرق علاجه
وشكرالكم __DEFINE_LIKE_SHARE__

مغازلجي مسجون · 09-16-2008, 10:57 AM

ههههههههههههه

الموضوع حلو وغريب

الكل يشتكي ليش الفلوس تتطير بسرعه

معنا رواتبنا خياليه بس

أنا أعتقد إنها فلوس حرااام مافيها بركه

معنا مامقصرين نتصدق ونطلع زكاة .......... ألخ

وتلقى آخر أو وسط الشهر فلس واحد في جيبنا ماشيء

نتسلف من فلان ومن علان وأنا بروحي السبب أجهله

ماهي اسبابه

أمكن غلاء المعيشه أو حد ضاربنا بعين ههههه محد يقول ماشاء الله
بس يقولون خيبه تخيبه

وماهي طرق علاجه
طرق العلاج سير عند المطوع أمكن حد مسوي لك عمل ههههه
والله ما أدري

أنا بروحي بترياااا ردود الأعضاء فيني فضول أبغي أعرف الفلوس وين تروح
تلقى ماشرينا شيء يستاهل تخلص بسرعه

والسموووحه ع المغثه
أخوك :: مغازلجي :: بوناصر
__DEFINE_LIKE_SHARE__

άĻ3ōd.έḻмαчḻї · 09-16-2008, 01:39 PM

الموضوع واااايد حلوو

الفلوس اتطير بسرعة يمكن لأنها عندها أجنحة.. هع

ادري باااايخة ..

بس على ما أظن إن السبب الرئيسي هو الغلا اللي صار منتشر فكل الدول تقريبا..

والصراحة ان الواحد ييمع فلوس ليوم الأسود أحسه صار فهالزمن مستحيل.

أنا بصراحة لين الحين ما أحاتي سالفة الفلوس وكيف اطير..بس الله يعين كل أبو على طلبات بنات وأولاده ..

تقبل مروري ودمت بود __DEFINE_LIKE_SHARE__

وزيرة الحب · 09-16-2008, 02:01 PM

السلام عليكم ورحمة الله وبركاته

والله موضووع عجيييب

والله لفلوس صارت ما فيهن بركة موليه...منيه ينزل الراتب ومناكي يطير.....ما يدري الواحد غير رصيده آخر الشهر كم ميه بس...

اعتقد الفلوس ما فيهن بركة....الواحد ياخذ راتب وهو هب تعبان فيه.....وهب من عرق جبينه....الواحد يسير يداوم...ولا يسوي شغله ع اكمل وجه...( هالشيء لا يعمم...ولكن فيه هالفئة)

من غير انه تعلب عوامل آخرى....الغلا ما كلنا آكل.....الواحد ما يروم يتنصخ من الملتلزمات والاحتياجات اليوميه...نسير السوبر ماركت ..نأخذ كم شغله تنعد ع الاصاابع...ما يطلع دون 500 درهم...

ومن غير انه صرنا ما نتصدق ولا نزكي.....

كم واحد فينا اول ما ينزل الراتب... ويسير يسحب و اول ما يمسك الفلوس من الصرافه...يقول{ الحمدالله ع هالنعمة...اللهم ادمها من نعمة واحفضها من الزوال}

نادر صح.....

كثرة الشكر تديم النعم....وقلت الحمد يزيل البركة

والله الله يعينا ع هالراتب......ويخفف عنا هالغلا اللي ضارب الدوله

تمن الرواتب وإلا زادن ما شيء فاايده

ما يكفي انه الراتب يطير بسرعه...بعد الغلا يسحب منه

يبوكم هذا راتب هب بنك يمول...

الله يبارك لنا في شغلنا ورواتبنا

تقبل مروري
__DEFINE_LIKE_SHARE__

♥دمعه الشوقـ♥ · 09-16-2008, 02:42 PM

يب يب انـــــــــآآآ مع اليميع بهالشي

مافيها بركــــــــــــه لان اغلبـــ البنوك ربويــــــه والعياذ بالله

البنك اللي تحط فيه بيزاتك وفيه ربــــــــــــآآآ <---طول عمرك عيش ولاتعيش

نقطه ثانيه البـــــــــــــر بالاهالي حتى العروقـــ البعيدهـ هذا كله ياثر على احلال البركه فيه اولا وباهل بيته ثانيا

ونقطه اخيرهـ نوعيه العمل اللي تشتغل فيه حسب في شغل على كثر ماهو متعب بس تجني ثمارهو

وعلى كثر ماهو مريح مافيه شي

هاللي عنـــــــــدي اتمنى ضفت شي مفيد __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بتراب الفلوس	محروم.كوم	منتدى أخبار المواقع والمنتديات العربية والأجنبية	0	06-08-2010 02:21 AM
بسرعة تكفوووون يا جماعة ..أبي كم مكان أتمشى فيه بكرة الإربعاء .. بسرعة بسرعة !!	محروم.كوم	منتدى أخبار المواقع والمنتديات العربية والأجنبية	0	05-11-2010 08:10 PM
مطاوب القبض علية عاجلا غير اجل (الفلوس بطير )	محروم.كوم	منتدى أخبار المواقع والمنتديات العربية والأجنبية	0	02-16-2010 02:00 PM
اخر ماوصل اليه من سحب الفلوس بالمواقع	محروم.كوم	منتدى أخبار المواقع والمنتديات العربية والأجنبية	0	10-13-2009 09:50 AM
طريقة كسب الفلوس بالمتجر في المنتدى	ولــ الدوادمي ــد	برامج انترنت , برامج مسنجر , العاب , تطوير المواقع	15	04-30-2008 07:55 AM