عرقوب مدمن كرك .. رضاؤكم هو املنا ..

مدمن كرك · #1 05-13-2010, 03:09 PM

سلاااااااام مربع .. ومركووووز عليه علــم الامارات ..

صباحكم برتقال .. ومساكم توت بالجزر << أموت في الكوكتيل أنا يا جماعه ،،

،×ٌ،[÷ٍ،[ـٍ/[:ٍ؛ِ÷ٌ،,[.:>> عرقوب مدمن كرك <<:/،×ٌ،[÷ٍ،[ـٍ/[:ٍ؛ِ÷ٌ،,[

الأسم .. مدمنوووه خخخخخخخخخخ

موديـل :

4-7-1989 << حشى موتر هع

اللون :

حنطي او اسمر او ابيض محترق شوي هع

المستوى الدراسي :

على وشك اني آخذ دبلوم HR بعد عناااااااااااء طويل وصرااع مع الأوراق خخخخ ...

اللغات اللي اتحدث بها :

عربي طبعن .. وشويت هندي هع اما الانقليزي "ما يحتاي " .. والدليل اني كل سنه اييب فيه دور ثاني ..

تحدث عن نفسك :

انا انسان . اتنفس ولي عينين وخشم واذنين وحلج .. والحمد لله .. الله عطاني رجلين امشي فيهن . وعطاني اللي حرمه من غيري .. حتى لو حرمني من اشيا ثانيه . الحمد لله رب العالمين<< سويت لكم قصة حزن هع محد يصيييح

ندخل شوي فالمضمون ..

انا مو من عادتي امدح نفسي .. واقول المميزات اللي فيني .. وعسبت جيه بقولكم السلبيات اللي فيني. : المشكله العظمى " وعلى قولة السودانيين " عويصه هع " هي اني اذا حبيت حد .. مت فيه .. وهالشي قتل واهلك المتحدث إليكم مدمنووه . وخلاه يلزم الصمت في مواقف هو بالعاده موب ساكت فيها .. وعشان جيه اقولكم .

ابعدوا عن الحب وطوايفه .. فإنه مهلكه للجسم والعقل ".

ثاني شي سلبي فيني . احب احل المشاكل اللي تمر علي نفسي بنفسي .. مهما كانت قوة المشكله .. وصعوبة السيطرةعليها وحلهاا . وهالشي موب زين لا لي ولا لكم .

لازم نتشارك فيما بيننا .. لنرقى بأنفسنا
<< حكمت اليوم هع هع

عالعموم ما بطول عليكم .. والقادم احسن واحسن .. بس اتمنى انكم تمرون علينا واتطلون كل يوم ..

ترقبوا كل ما هو جديد وممتع ..

اخوكم ..

__DEFINE_LIKE_SHARE__

مدمن كرك · 05-15-2010, 02:56 AM

مساكم عصير كوكتيل .. وصباحكم كرك يقنّد راااااااسكم ويطير عنكم التسطيله

المهم حبايبي

اسمي جمـالووه من مواليد القرن التاسع عشر على اخره سنة 89

<<< حاس كني اتكلم عن قائــ~ــد ثوره

::

خلوني اتكلم عن الاسره شوي

::

طبعاً انا مش اكبر اخواني يعني ((مش القدوه )) ، بس القدوة بأفعالي (( قول غير هالكلام خخخخخ ))

عندي 4 اخو اثنين اخت <<< كفالتك على مين

الكبير هذا سلمكم الله بالجامعه يكره شي اسمه (( حـــب ))

مجنون شعر بشكل موب طبيعي .. طبعن الشعر غير الرومنســي << هيك شباب ولا فلا

والصغير يحب المنتديات .. بس مش بهالمنتدى بعده ثاني اعدادي بس

ردوده اكبر منه <<<<<< على اخوه طالع

بس فيه مشكله .. أنه مشكلجي شوي (( ما طلع علي بهذي ))

يعني لو يشوف واحد ينتحر قال انا اعرف انتحر احسن عنه .. ويمكن يثبت لك عملي بعد ههههههههههههه

وعندي اخت صغيره بثاني ابتدائي تحب ترسم .. عقبال ما تصير رسامه وأبيع لوحاتها ونسوي ( بزنزس) علشان مصلحتها طبعاً

لـــــي عــــودة .. << لا تذهبـوا بعيدا ً __DEFINE_LIKE_SHARE__

مدمن كرك · 05-16-2010, 03:54 PM

بتكلم عن الماضي شوي ويازينه ويا زين ايامه

اول يوم دخلت فـيه مدرسه لين الحين ما نسيته ..

طبعاً دخلت تمهيدي ( روضة ) وكانت مختلطه خخخخخخ بس للأسف والحزن الشديدين ..

كنـــّــا أطفال وكانت البراءة ساكنه فينا ..ولاّ لو ردّت صفحة الماضي شوي .. كان " أفعل ما شئت يا واد"

المهم ..

كان اللي يدرسونا حريم .. ابتسامه وتعامل مافي أحسن منّه ..

طبعاً نظام الدراسه كان " ملاهي"

بس انا ما كنت أفطر .. لانه في شي يسبب لي الرعب ..

كان معنا " الله يسلّمكم " بنت ما تدخل مع الباب .. وكانت تاكل بشراهه " مش شايفة خيـر هالبنت " وما تفطر الا ((همبرغر)) ،، وكنت اقول لامي اخاف تاكلني

<<< طبعاً للحين اذكرها .. وأفطس عليها ضحك

لا .. ومن زين طبايعها .. اسمها عذاري لو مسمينها دبابه احسن ..

وفي نفس الفصل كان معاي ولد خالي .. وكنا قالبين الفصل بيت شعر

اللي يجي متأخر الثاني يفز له لو بنص الحصه ويسلم عليه

والمدرسه " المس" تشرح .. والحياه سعيده

قرروا يقضون على هذه الظاهره

فقلعوا كل واحد منا لفصل.. وجا لولد خالي الاكتئاب والشيق الشديدين علشاني

<<<<<< عين الحسود فيها عـود .. بس أنا واحليلي مو داري عنّه

خلصت سنين التمهيدي وانطوت صفحاتها الحلوه

ودخلت اولى ابتدائي وكانت الصدمه ..

المدرسه ما فـيها نواعم

واذكر اول يوم عمي جا عندنا البيت ..

ففاتني الباص .. وجان أصحيه من النوم (( طبعن قام من دون نفس ولعن اليوم اللي فكّر يزورنا فيه ))

واقرب باص .. فرّني فـيه .. وارجع كمل نومتك يا ولد .. ومن حسن حظّي اني طلعت فالمكان الصحيح ..والباص الصحيح .. ههههههههههه

مشت الامور بشكل طبيعي الى ان دخلت ثالث ابتدائي وسجل معاي

اخوي ((المتنبي)) ،،

وبدت المشاكل كان يضارب بمعدل مرتين يومياً

وكلها علشان ليش تناظر

حتى اذكر مره رايح بيجلد ثلاثه كبري وهو بعده صف أول ..هههههههه

" تحت دعوة " ليش تأشر علي ..

فتعودت كل ما اشوف لمّه " جمعة الشباب " اعرف ان له علاقه فـيها

والحمد لله كنت ادافع عنه

الى ان مره تجاوز جميع طقوس الضرابات << ضرابات جمع .. ومفردها ضرابه .. " أنفع أكون مدرس لغة عربيه هههه

بيضرب واحد بسادس

المهم جا يصيح .. طبعاً كالعاده رايح باخذ بالثار ..

وانا ماشي .. اشوف واحد اقول : " يارب مو هو " والاّ يطلع هو .. والله ما قصر فـيني

مسح بي الارض وفكني الله منه بقدوم مدرس .. وجان تظهر قوّتي وافتلت عليه .. فكوني عليه

جينا رابع ابتدائي بدت المواهب فاختاروني لمسرح المدرسه

وكانت اول قصيده عن فلسطين .. << نسيت شو من قصيده كانت

وفي خامس ابتدائي نفس الشي وكانت اخر سنه لي بالمدرسه ،،

وطبعاً ما عدّت على خير .. مضاربه من اخوي وداعيه على طريقته الخاصه

وكالعاده لازم اكل كم بكس معاه

دخلت سادس ابتدائي بمدرسه جديده وعدت هالسنه دون اي مشاكل << باركولي خخخخ

وطبعاً طنشت المسرح وبدت موهيه ثانيه تبرز ألا وهي (( الكوره ))

..

((~ لـــي~ عــوده ~ ))

جميع الحقوق محفوظة لمدمن كرك 2009 __DEFINE_LIKE_SHARE__

مدمن كرك · 05-18-2010, 12:19 AM

" هذا مره من المراريت كنت في البيتي .. لا لي ولا علي

واذا بأحد الشيوبه يتصلوا فقمت وفزيتوا ((من الادب الزايد لو كلمني شايب أوقف .. حتى لو بالتلفون ))

مرحباً .....!

قال اجهز .. سأمر عليك بعد قليل .. قلت لهُ : من أنته يا رجل ُ .؟

وأنقطع الخطووو .. وجهزتوا ولبستوا لباساتي .. واذا بالرجل لم يأتي ولم أعلم لماذا لم يأتي ومن هو هذا الشيبه المخروف ( أي : المخرّف ) ..

((كرهتوا اللغه العربيه صح ما تنلامون ..انا كرهتها بعد ))
::

بقلــب لكم الموجه شوي .. وبنقلكم من عالم لعالم آخر .. وبنردكم لموضوع الكوره خخخخخ

ما شاء الله العوالم ( جمع عالم ) عندي مثل القنوات فالتلفزيون ..

أيلس واقلب القنوات .. واذا عجبني شي أيلـس واتمتّع .. " مع تايد الغسيل مفيش مستحيل "

::

خلوكم مع المــوجة الثانية ..؛

شريت لي ][ ثـــوبٍ ][ على شان لقيــاك ..
والثوب راحت ][ موضتـــه ][ ما لبستــــه ..!؟

8
8
8

8
يا حــراااام .. هع __DEFINE_LIKE_SHARE__

مدمن كرك · 05-18-2010, 02:23 PM

للإستمــاع أضغـط هنـا::

::

جبتها على الجرح وكنك ما دريت
وأنت قاصد ما هي عني أصدفت

والدليل انك تبسمت ومشيت
وأنا أنادي لك ولا يمي التفت

من عرفتك وأنت تجرح ما أكتفيت
دنيتي وهي دنيتي منك أكتفت

أقوى صدمات من أدينك خذيت
هذي صدمات وجديدة شرفت

هذا حظي من على الدنيا وعيت
كل ماضوي شمعة في دربي طفت

مع جميع الناس ياربي وفيت
ليه بس اللي معي دمعة وفاء

::

::

شــو رايكــــــم ..؟؟!!

طبعن الصوت ما يحتاي اقولكم صوت منو خخخخخخ .. ولا تنسون التواصل الدايم ليومياتي ..
لأنكم سوفف تجدون الجديد والجميل .. ههههههههههههههه حسستكم دعاية صابون غسيل ههههههههه __DEFINE_LIKE_SHARE__