ولد حرب وابو سفيان.....وحرق الكرك(الرهو) على الاصول

محروم.كوم · #1 05-05-2010, 05:40 PM

بسم الله الرحمن الرحيم

السلام عليكم ورحمة الله وبركاته

اهداء الي هذا الصرح الشامخ منتديات مكشات كما اهدى هذا الموضوع للاخ عون الخوي....والاخ عاشق الاكحل.......والاخ خالد الوهبي

اسعد الله اوقاتكم بكل خير رواد منتديات :f مشرفين واعضاء وزوار

اسأل الله ان يكون الجميع بأتم صحه وعافيه

كان لنا في موسم الكرك(الرهو) في هذه السنه 2010 صولات وجولات والحمد لله والشكر على مارزقنا الله منه

وكانت بحق سنة خير وبركه عسى فالنا وفالكم الصيد والفيد

كنت اتمنى انزال الموضوع قبل هذا الوقت لكن لقلت الدرايه بتنزيل الصور والمقاطع وايضا اكتمالها لدي السبب في التأخير

والحمد لله

نترككم مع حصيل الموسم

ولمشاهدة المقاطع

وايضا هذه في اخر الموسم طرحها ابو سفيان بيض الله وجهه وعسى يمناك يابو سفيان ماتشل بس ياليت يابو سفيان تعلمني بالفرق بين البلجيكيه والاكستريما؟؟ ايمها ترفس اكثر؟؟؟؟؟؟؟؟؟؟؟

وهذى اللي بردت كبدي ولا ما ابات ذاك اليوم ولها قصه

وقصة اخر مقطع كنا متوزعين على مخارج الطير المهم كان عندنا جول وعند ابو سفيان والعيال جول المهم الجول اللي انا كنت معاه استلمه واحد برشاش الله يهديه ورجعه للبحر هذا الكلام قبل المغرب شفت زحمة العالم عليه وكثرة الغشم بعدها توجهت لمنطقه احتمال يمر عليها الجول اللي عند ابو سفيان واللي زاد النهمه ان الجول اللي عندهم كبييييييييير صليت المغرب في المكان اللي انا ابغاه كان معاي اكثر من سبع سيارات في المنطقه وهم عندهم خبر عن الجول ويحترون على النهمه المهم بعدها بشوي بدو ينسحبون يدورونه ولا بقيت غير انا لوحدي وبعدها بقليل جاني جيب شافني واقف ووقف معاي شوى الا صوت الطيور جايه جهتنا وانا القم بندقي شيهانه(عطية الرحمن الاكستريما) واقول للرجال اللي جاني يزهب حاله واترقب قرب الصوت منا وبدا يخف الين قطع عرفت ان الطيور واقعه قدامنا قلت للرجال شدينا حيلنا جري عليها لين نقرب وبعدها نزحق وسرينا للطيور لين قربنا وبدينا نزحف والله ياريجيل انا قربناها لين سمعنا نغطها وهي موقعه واللي قد زحف يعرف نغط الطيور لا كانت واقعه تسمعها غط..........غط غط..........................غط المهم محنا بعيدين عنها لكن مهي مرمى وشوي الا واحد من القناصين نسمع قبست بندقه مهو حولنا لكن صوت الرمي طير الطيور علينا الله يهديه ويسامحه مع العلم ان خوي الرجال اللي زحف معي حذره وعلمه اننا ممسين جول وشكله سمعله صوت رهوه ولا ثنتين و ولع جهت الصوت المهم رميناها طيار ولا ربي كتب شي لكن كنت متأكد ان فيها صواب دقيت على العيال وجوني حمنا فالمكان شوي والحمد لله لقينا جول وذبحنا منه ثلاث تخيلو يالربع ذبحنا برقم 6 كاكا وهذا اللي برد كبدي والحمد لله على مارزقنا
اما من ناحينة القناصين هذي السنه في الساحل الغربي والله شي مؤسف صراحه يا اخوان احد يرمي طيور مع المغرب وهي نازله تبي توقع؟؟؟؟ شي غريب والادهى والامر
اصحاب الرشاشات انا سميتهم (ولع ولع) كأنهم داخلين حرب كلاشات وشواخيف وقناصات والله حرب مهي صيد ومقناص لو كان استخدام هذي الاسلحه الحربيه في الصباح قلنا من حقه طير مرتفع وشاد الرحال لكن قبل مغيب الشمس والطير هلكان يبغى يوقع؟؟؟؟ لا واللي يقهر انه يشوف الناس مهاديه الطير تبغى تمسي ويقوم يشتغلها بالرشاش كانه الوحيد اللي يبغى يطرح منها والبقيه جمهور؟؟؟؟والبعض والله نفهمه وان كان مامعه سوجن نقوله استريح معنا واللي نطرحه نوزعه على عدد السيارات ووزعتك مثل وزعتي ويرتكب راسه؟؟

احمدو ربكم ياجماعة الخير ان مامعهم مضاد طيران ولا كان فيها علوم
الشئ الثاني اصحاب الكبوس ما ادري كيف يفكرون الرهو من تجربه شخصيه ما يداني الكبس ويفر منه والله ياما خربو علينا انا حاس انها بتجي جريمة قتل بسببها من كثر مايخربون على العالم
وايضا بعضهم القناصين الله يهدينا ويهديهم يرمي بالليل على وجهت الصوت اذا كان جول كبير وصوته قريب منك وفي مرمى لا توفره لكن وحده وثنتين ولا شي بعيد عنك هذا هو الغلط
يجب على القناص التركد والصبر والموضوع في الاول والاخير ارزاق

ملاحظه(ابو سفيان انسى الرهو بعد هذا الموسم وزعو صورتك مكتوب عليها احذر هذا الارهابي)

وفي الختام اسأل الله الكريم لنا ولكم الجنه
سبحانك اللهم وبحمدك اشهد الا اله الا انت استغفرك واتوب اليك

اخوكم ولد حرب
__DEFINE_LIKE_SHARE__