|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
في البداية احب اقدم اهداء لاخي واستاذي القصيمي والصورة كانت العام الماضي في توافق توقيتنا هالايام تقريبا وهي لمطية القصيمي احاول اني ما اطول عليكم بس بما اني ذكرت القصيمي لازم اذكر اخوي ومعلمي ساري 15 وهذا اهداء لشخصه الغالي بدت الرحلة من البكيرية بتجاه دخنه وكانت الساعه السابعه من صباح الاحد الماطر وراح اعلق على كل صوورة بس الترتيب مفقود لاني الحقيقه اول مره انزل تقرير واتمنى يحوز على اعجاب الجميع مع العلم ان الرحله استمرت الى شعيب الخويش الشمالي مرورا بالغيدانية الي العمار مرورا بالمذنب وكانت الامطار مصاحبه لي ولله الحمد في البدايه ديمه على شعيب دخنه حوالي الساعه 10:30 الصباح وبعدها قبل مفرق الغيدانيه الساعه 11:30 تقريبا بتجاه نفي ضربت سحابه قويه وكان الماطر واحد الين العمار وجان اتصال من اخوي ابوحمد راااعي طمران يقول ان الشعبان والشغايا البين الغيدانيه والعمار كله تمشي وكان اتصاله حوالي الساعه 1:15الظهر بعد المذنب اصحت شوي وبعدها التم المزن وتوجه جنوب شرق وكانت الوجه لام حزم وبعدها لشقراء او للغاط لاكن بعد كبري ام حزم شقراء الغاط كانت المفاجاه في الانتظار ضربت سحابه قويه مشت كل الشعبان الي بطريق ام حزم اشيقر والحمد لله على امتنانه شدي المنظر بعد الروضتين بتجاه الشبكيه واخذي هالصوره لهالشلال دورت عن كلمة تصغير شلال مالقيت طبعا الفضل بعد الله لوصولي لها المكان لاخي ابوحمد وسط الرس وكانت الرس كلها شغايا تمشي اول كبري بعد الرس وكان ممشى الشعيب في اوله يعني بعدها شد حيله بعد كبري ام حزم بحوالي 15 كيلو بتجاه اشيقر ومبين قوة الهماليل وهذا مكان الجلسه والغداء بشعيب الخويش الشمالي وكان يمشي ممشى قوي وكنت انتظر ساري 15 وادي النساء وكان ممشاه طيب صورة ثانيه للشلالات بع الروضتين والجو خيالي شعيب دخنه وكان في قمة الجمال واليم مستمر حوالي ساعه الاربع الخويش الشمالي ويوم عن الف يوم في هالخويش اناظر الموتر وطحن غبن واقول بنفسي متى بس يخلص الدوام عشان الحق على الخير والحمد لله على مايسر لي صورة اخرى لشعيب الخويش وهذي اول ما مشى وسبحان الله مشى الشعيب بعد ربع ساعه سيل سيل الارض بشكل سريع وصارت الارض قزازه على قولت القصيمي يازين طعم الماء لا تحليه ولا فلتر ربي لك الحمد ايضا شعيب الخويش اجمل مارات عيني واهديها لاخوي القصيمي شعيب الخويش الشمالي يوم الاحد والله الفله ا اخر المشوار واتمنى اني ماطولت عليكم واعذروني على التصوير لانه جوالي العتيق الملاح الي يسميه ساري 15 العليم نسبة لموقف طريف حصل لنا حول جبل العليم تقبلو خالص احترامي وتقدير واحتاج تعليقاتكم على الموضوع عشان اتحمس واشتري كاميرا احترافيه وانتظرو مقاطع الفديو لنفس الرحلة في تقريري القادم __DEFINE_LIKE_SHARE__ |
مواقع النشر (المفضلة) |
| |