تجربتي في تشغيل البوصله + مقياس الحراره على الباترول { ترهيم }

محروم.كوم · #1 05-04-2010, 02:10 AM

السلام عليكم ورحمة الله وبركاته

أخواني وأحبائي ملاك الباترول حبيت أفيدكم بشغله مهمه عند الكثير فينا

موضوعي عـن البوصله اللي تـجـي في السوبر سفاري فقط لاغير !!

صراحه شي يقهر المفروض تجي في كل الأنواع كـونـه مـوتـر بـر

المهم أنا كان في خاطري أركب البوصله من يوم ماشريت الموتر

لاكـن الكهربائيين يقولوووون لازم وايـر الوكاله عشان تشتغل

واير الوكاله مو الكل يبيعه بعضهم يقول لازم ظفيره كامله

لاكني مايئست وشريت بوصلة عشان أجرب عليها

ورحت لكربائي فـنـان قـطـع لي الفيش الأبيض

الفيش يـجـي فـوق الـوايـرت حـق البوصله

وجلس يجرب عليها لين أشتغلت معاه

الوايرات 6 يبي له وقت لين يعرفهم

ماقصر أفادني وعلمني الشغله

وقلت أفيدكم بالتجربه حقيتي

تم تصغير هذه الصورة ... نقره على هذا الشريط لعرض الصورة بمقاسها الحقيقي علما بأن مقاسات الصورة قبل التصغير هو 800 في 614 وحجم الصورة 91 كيلو بايت

يوم جا وقت التركيب ,, في واير في السقف من فوق للفتحه

مشبووك و جاهز مـع السلف شبك لـي البوصله معاه

الواير لونه أبيض يجي يم واير اللمبات اللي فـوق

وأن شاء الله باخذ لي وحده جديده من الوكاله

يكون وياها حساس الحراره + أزرار الفتحه

لأني اللي عندي حقت 2002 مستعمله

لمباتها لونهم أخضر ماتصلح يعني

وأن شاء الله بووريكم الصور

السموحه طولت عليكم

__DEFINE_LIKE_SHARE__