شفت الحبارى ومريت الطير ولكن ....؟؟

محروم.كوم · #1 04-28-2010, 11:10 AM

صبحكم الله بالخير أخواني المكشاتيه

وعساكم سالمين وغانمين

الصراحة حبيت يكون أول موضوع لي بهذا المنتدى موثق بالصور والعلوم الطيبة
لكني كل ما احصل فرصة ادخل فيها المنتدى وأشارك تواجهني مشكلة تحميل الصور
ولكن أبشركم حصلنالها حل
وانشالله انزلها في المشاركة التالية

أما موضوعي اليوم فهو سالفة واضحة من العنوان
اتصل علي أمس واحد من أخوايي
وقالي ألحق ما تلحق
قلتله : عونك ، قالي قصيت حبارى أثرها من أسبوع
قلتله حبارى !؟ واليوم !؟ والطيور مراصيغ ( مرابيط )؟؟ وش هالعلوم !!؟
قاللي لي سمعت ، قلت له أبشر وفزعتله
وريس كامل لين عنده ، قلتله وين ، قال أنزل هاه أثرها ومالكم بالطويلة مشيت على اثرها
ومشيت ومشيت ومشيت
وأثرها من أسبوع ومن ثلاث أيام ومن يومين
وشوي.... وأنه أثرها أحمر جدامي
وقلبي يقول يالله يالله وعقلي يقول وش الطريقة وش الحل لو طارت جدامي ؟؟ ووين الطير لي بيصيدها ؟؟؟
أسئلة كثيرة دارت في بالي وما قطعها إلا يوم شليت عيني وشوي
ياحي ذا الشوفه ، خامر تحت مرخه وعينها تقول : جاك الموت ياتارك الصلاة !!

ومالكم بالطويلة ... رجعت لخوي وقلتله أبشر وقال وش الحل
قلتله ماشي إلا نصبر للمساء ، ومالها إلى المغروم نهده
قالي : بس المغروم مرصوغ من شهرين !!!
قلتله بس بعدها في قلبه كنه صايدنها من يومين !! قال ونعم
ومالكم بالطويلة ، استوا المساء وشلينا الطير وأيدي ترتجف وقلبي يقول يالله
والربع متجمعين ، وكلن واقف على حدبه واحد مجهز الكيمرا والثاني يصور بالموبايل وشوي ...
طارت الحبارى ...هد هد ..دونك دونك ....كشفت الطير وما اسمع إلا صوت يقول ...؟؟؟
.
.
.
..
.
.
.
.
.
.
.

.
.
.
.

.
باباه باباه ، قوم وراك دوام
قلتلها ماماه ، لوصبرتي شوي لين أهد الطير ويصيد ...!!!
عساني أفدى عيونك ..

وسرحت الدوام وقلبي يقول لو سرحت المكان اللي حالمنه ، يمكن تلقى صدق حبارى !!!

واسمحولنا على الإطالة
تحياااااتي
__DEFINE_LIKE_SHARE__