Help me

خيماوية كاشخة · #1 08-12-2008, 11:13 AM

الســــــــــلام عليكم ورحمة الله وبركاته

في البداية أتمنى إنكم تتفهمون موقفي...
إحم... إحم...

أنا ابصراحة أبي أكون غير في شهر الخير (رمضـــــان)
كل شيئ نويت أسويه لصالحي و عندي نية ف هالشئ

بس رمضان هذا غير لأني .......................
أحب واحد و أرمسه و ما أقدر أبتعد عنه ...
حاولوا تفهموني ...
إذا ما كلمته يوم واحد أموت من القهر و الحزن..

عطونـــــي حل أقدر أسويه عشان ما أرمسه ف رمضان أبي صيامي يكون صالح ما فيه أي شوائب و عيوب..
ساعدوني ... أنا مب ن النوع اللي أقتنع بسرعة ... فحاولوا تقنعوني..
و إن شاء الله بيكون اللي بتسوونه في ميزان حسناتكم.. __DEFINE_LIKE_SHARE__

مغازلجي مسجون · 08-12-2008, 12:02 PM

أختيه تحبين واحد أكيد بعدج في فتره المراهقه والكل مره فيها وتجاوزها

وهل أهلج يعرفون هاي العلاقه وإلا بالخش والدس

قلتي رمضان وليش الإشهر الثانيه نحن مب محاسبين عليها

رمضان طاعة وعبادة والأشهر الثانيه بعد كل الأشهر محاسبين عليها

في ملائكه تسجل أعمالج والمستور بجي يوم وبنفضح

وإلي تحبينه هو بعد يحبج وإلا يبغي يلعب وإلا يتسلى

وإلا شو السالفه بضبط يحبج يخطبج وإلا شو يتريا بضبط

البنت وأنا أبوج مالها غير سمعتها

حاولي تحافظين عليها ولا تكونين رخصيه في نظر الغير

ولا تستمرين بالغلط وبيج يوم وتندمين ندم والله أعلم

نصيحه واحتفظي فيها طال الزمن أو قصر

مثل هاعلاقات تكون نهايتها وخيمه

ضياع سمعتج وتقطعين نصيب خواتج هم شو ذنبهم

حاولي تقطعين علاقتج فيه هذا يسمونه باللغه العربيه فراغ عاطفي

الله يستر عليج أختيه ويحفظج ويبعدج عن الحرام

كلامج أحزني كثير أنتي أختي في الأسلام وما أرضى لج بسوء

الله يهديج يارب ويردج للصواب
__DEFINE_LIKE_SHARE__

خيماوية كاشخة · 08-13-2008, 10:32 AM

البنت وأنا أبوج مالها غير سمعتها

الله يستر عليج أختيه ويحفظج ويبعدج عن الحرام

كلامج أحزني كثير أنتي أختي في الأسلام وما أرضى لج بسوء

ثانكس أخوي مغازلجي مسجووووووون...
والله هالكلام حسسني أني أكبر من جي .. وأستاهل الأحسن __DEFINE_LIKE_SHARE__

هوازنـ · 08-12-2008, 12:12 PM

وعليكم السلام والرحمه

شوفي اختي

بصراحه هذي علاقه مارح تطول يعني رح تنتهي .. انتبهي

لانها غيرشرعيه

وحكمها بالشرع لا يجوز

سواء كان في رمضان ولا غيره

بالاول اقتنعي بانك مجرد انك تكلمين هالشخص اكبر غلط

ومثل ما تعلقتي فيه مثل ما تقولين تقدرين تتخلين عنه ..

وتاكدي ان ان فوقك ربك يحاسبك على كل شيء برمضان وغير رمضان..

واللي مستغربه منك جرئتك بطرح الموضوع ..

قبل ما تطلبين المساعده من احد انتي ساعدي نفسك بالتخلي عن هالشخص نهائيا .

والله رح يعوضك خير منه شرعا ..

هذا مجرد نصيحه من اخت لاختها لا اكثر __DEFINE_LIKE_SHARE__

خيماوية كاشخة · 08-13-2008, 10:36 AM

واللي مستغربه منك جرئتك بطرح الموضوع ..

قبل ما تطلبين المساعده من احد انتي ساعدي نفسك بالتخلي عن هالشخص نهائيا .

والله رح يعوضك خير منه شرعا ..

هذا مجرد نصيحه من اخت لاختها لا اكثر[/quote]

أنا إذا كنت ما أبي أنهي هالعلاقة ما كنت طرحت هالموضوع ..
أدري أنه في ناس أو (أخواني و خواتي ) يخافون علي و يبون مصلحتي و بيوقفون وياي
و مشكورة أختي هوازنـ..
دعواتج.. __DEFINE_LIKE_SHARE__