|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
اهداء الى اخوي عادل مدمن المرقوق مع التحيه ما فيه حامي حامي كنت في سوق السمك المهم وشفت ذيك الربيانه الله اما ياكافي كبر البعير شف شف المهم قلت للعامل بكم البعير قصدي الربيان قام يطالع فيني من فوق لتحت مدري وش قصده بس حسيت انه متكاثر اني اشتريه قال رقم ما سمعته بس حسيت انه حول 100 ريال كبرت براسي السالفه قلت له عطني يالله عجل بسرعه يسمع صوتي الى في اخر السوق رد علي قال كم كيلو يبغا 5 او 6 كيلو اوالله البلشه وش السوات الحين بقول كيلو ؟ما تسوى هالنفخه كله قلت سوي 3 كيلو المهم بدا يازن الربيان بسرعه خاف اهون او ارجع بكلامي وحطني قدام الامر الوقع وانا اتلفت ودي اهج بس خفت احد يعرفني المشكله مدري كم السعر بس اكيد ما يقل عن300 ريال الحين لازم اتصرف بسرعه التفت على العامل قلت له ياصديق هذا مبرد او مجمد قال هذا مبرد وانا القا حجه ! قلت له لالالالالالالالا انا ابي مجمد وين المجمد وفكني الله منه كان ناوي يقبرني الله يقطع شيطانه هههههههههههههه اخذت ربيان معقول الحجم والسعر وانا اجيكم بذيك الطبخه الى تجيب الغادي من عنيزه ريوس ربيان على الطريقه المكسيكيه لا تصدقون شرح الطريقه بيكون باللغه المكسيكيه بعد اذنكم ربيانو على الصاج يانو تقطيعانو فلفلانو صغير يانو مع البصل يانو خلاص بترك اللغه المكسيكيه شوي اخاف البعض ما يكون عنده اللغه المكسيكيه ونبلش نترجم له بالردود نقول بسم الله ونبداء نحمس الربيان حمستين مع الثوم الفلفل الرومي الملون مع البصل البهارات حسب الرغبه بس انا حطيت الملح والثوم المطحون والبهار حق العجوز خبركم وشوي ليمون اسود مطحون مع رشت قرفه جينا للزبده هالحين نحط ملعقة خميره مع ملعقة صلصه ونحطهم في كاس مويه ونخلطيهم مع بعض ونصب الكاس على الصاجه قبل لا نطفي بدقيقتين وراح تشوف العجب بيتماسك الربيان وشوف النهايه بعد هذي الصوره بنشوف كيف تنسرق الصوره بعد كل التوقيعات وبالعافيه علا قلوبكم ان شاءالله
__DEFINE_LIKE_SHARE__
طبخه سهله جدا جدا استودعكم الله |
مواقع النشر (المفضلة) |
| |