شفت شر يتقادح من عيون الشقاوي=يوم طاحت عليهم بالقوافي مرام
صفقو ثم ردت بابتسامة هواوي=واغضت ابطرف عين(ن) ضارية للهيام
قالت (اللي تكلم بربري(ن)عماوي))=والعماوي هو اللي حصته فالزحام
ماحفظها وسترها عن طمع كل غاوي=((حيث رقط النوايا لاويه بالهمام))
كنها يوم قالت قولها بالهقاوي=تستلذ المولع وكل صاحب غرام
صاحت ابصوت ناعق عانه الدرب ضاوي=والسياسة سياسة ماعلينا ملام
واختمتها ونادت ياحمد كم تساوي=القوافي جزيلة والمعاني تمام
واتبعوها بنظرت غانيات وغناوي=يوم قامت تهزهز من جنوب(ن)وشام
عنز قوم(ن)وطاحت بين شاوي وشاوي=كل منهم عيونه تشتعل بالظلام
ليتها يوم غطت وجهها بالغطاوي=استكنت بدار(ن)ماعليها عسام
دار عز وكرامة ترعب الذيب عاوي=الشريعة نهجها في حلال وحرام
ماعليها من اللي عيشهم بالرشاوي=الخيانة كستهم من عفون الكلام
والبستهم وشاح الزيف وخبث الحكاوي=ضد نهج الشريعة و ضد ناس (ن) كرام
ياعرب كيف صرنا مطلب لكل ثاوي=عاش فترة حياته بين ذل و سقام
يابلادي عزيزة غصب عن كل صاوي=رايتك بالشهادة تفتخر والحسام