مممممممممم


ماعرف من وين أبــدآآ !!


انا وللآســف أدخـن ماقولها وأنــا أفـتخـر بس والله كل ماقول بس خلاص اوودر والاراده والعزيمه ارد ع نفس الخط الي بديت منه ،،


وبدايتها من اخوويه الكبير

هو الي معلمني كل شي وبديت وياه بس خقه يعني بس جي ابا اتباها اني ادوخ وانا من صغري

وحزتها كنت فالأول الإعــدادي { وكان دومه يقولي ( إلي يدوخ ريال ) ها المثل الجديم ^^ }

المهم

تعـودت عليها ومنها قمت ادوخ صـدر مب مثل اول اسحب ونفخ فالهوى لاء خلاص صارت مني وفيني وحسها تفر مخي وفي نفس الوقت تخف عني الهم واهـدى كل مادوخ !!!

بتقولون ها كلام ناس مايدش العقل؟ بس اقولكم لاء ها الصح

ومنها كانوا المشرفين الي فالمدرسه ايوون لين الصف او فالبريك وادووخ وياهم تقولون ربيعهم او استاذ او شي مهم بالنسبه لهم وصدق كنت شي مهم بالنسبه لهم كنت ايبلهم ( السيجار- ها غير عن الجقاره ) اخذه من المحل الي ع شارع هور العنز وانا ع حزتها كنت ادوخ ( مالبورو احمر ^^ ) يعني اسكتهم بشي واراضيهم بشي ثاني..

وبعدها الوالــد الله يحفظه بدت شكوكه من الريحه وكنت دوومي اتعطر بس بعدها ريحة الجقاره، وانا ماكنت اباه ياخذ فكره عني بشي .. وبديت فالشيشه وكنت دومي فالشيشه ..و بعدها رمسني برمست كباريه وانا وعدته اني مابي صوب الجقاره نهائياً !!

وصدق ها الي استوا ولين يومكم ها ما اي صوووب الجقاره وخذيت طريقي للمدواخ لا ريحه مثل الشيشه والجقاره وتروم تخشه في اي مكان ودووخ وتفر راسك فثواني،،


وصــدق رمست الوالد ياخووي ~ استراحات زايد ~

إلــي يدوخ تحـت 15 يموت فالثلاثيين ( احس بها الشي / ودوومي اقول لربعي هاي الرمسه )


وعن اني اودرها

والله عيزت وكل مره اقول بودر والاراده والعزيمه وكل شي بس ماقدرت ، لاني احس صدق بصداااع وبضييق لو تمييت بعييد عن المدواخ ...

وفي شباب نصحوني بلبان قالولي ها يلهييك عن المدواخ وبتعوفه بعد ماتاكل هاي اللبانه >> بس مامنها فايده ..

والحــيــنـه شي مراكز طبيه للإقلاع عن التدخين جلست ويا الطبيب جلستين وماقدرت اكمل


والله الواحد يقفط من يقول ان منه العيب


وشكلي طولت عليكم بقصتي ^^



ولو في اي استفسار او اي شي تراني حاضر لكم


وتــســلم ع ها الموضــــوع الصـــريــح


ولاتــحــرمــنــا مــن يـديـدك



تقــبــل مــروووري






أخـــوك :- نــســيــت أنــســاك