خمسة زحولن تناطوا بالنهار=يصعدون ابان الاسمر ما عسر
فيهم عزوم الذيابه والوقار=ما ثناهم عزلتن فيها الخطر
في ضلوعن ما بها رسم العمار=ما وطا في سفحها سبت البشر
حزتن خطوبها عقد القرار=ليلة الخرمس طفا فيها القمر
ابتدوا بالسير من سفح السمار=حاملين الزاد خبزن والتمر
عدّوا شهوق الطبيعه باقتدار=بالعوالي طبعهم طبع النمر
ناقلين اغراضهم نسل الحرار=بالعواتق مثل نجّاع السفر
شوشليه والسنع فيهم شعار=والسلوم اللي يقافيها الصبر
من شعيب اليا شعيب اليا عسار=والغدا كبسة خلا حدر الشجر
حول قلته ما ذرا فيها الغبار=غير نسناس الهوا عقب الظهر
والرقود الليل داخل جوف غار=ما ضواهم بالحصى طول السهر
ما عليهم من دلاليج الزبار=شافهم ذيب المطاويل وجحر
رحلة استكشاف لاسرار الديار=في مشاجير الطبيعه والصخر
ما بها عيبن ولا فيها انتحار=دامهم خلف التوكل والحذر
تسلم الرحّاله سباع القفار=قاطعين القاصي بالكيلو متر

وتفصايل الرحلة تجدونها على الرابط التالي

http://www.mekshat.com/vb/showthread.php?p=4036337 #post4036337