خبيصة السميد بالصور - .·:*'*:·.استراحات زايــد.·:*'*:·.

**قطوة بوظبي** · 07-14-2008, 01:09 PM

المقادير :

1- كاسين سميد
2- كاسين ماء
3- كاس ونص سكر
4- لوز ( الكمية اللي ترغبوا فيها )
5- نص كاس دهنة
6- ملعقة شاي هيل مطحون
7- شوية زعفران
8- نص كاس ماء ورد

طريقة :

• نحط كاسين السميد في جدر ونحطه على النار ، نحرك فيه لين يتحمص

( يعني يصير بني شوي وتطلع منه ريحة حلوه )

واذا تحمص نضيف نصف كاس الدهنة للسميد ونحرك شوي بعدين نشيل الجدر عن النار .

• نحط كاسين الماي ونص كاس السكر في الجدر على النار لين يغلي ونحركه شوي عشان يذوب السكر

، بعدين نشل الجدر عن النار لين يصير ساخن بعدها نعصر ( شريحة ليمون في الماء والسكر )

• نحط الوز على النار في مقلى ونضيف ملعقتين زيت ونحركه لين يتحمص ( يصير بني شوي )

• الحين نضيف الماء الى السميد ونحطه عالنار ، نحرك لين ينشف الماء .

• نجيب صينية بايركس نحط السميد فيها ونضيف عليه الهيل المطحون والزعفران نحركه شوي بالملعقة

وبعدها نضيف الوز المحمص و نحط شوية ماء ورد (نص كاس ) نحرك المقادير .

• بعدين نغلف صينية البايركس بالقصدير ونحطها في الفرن بدرجة 250 لمدة 20 او 25 دقيقة .

وهذا الشكل النهائي