بسم الله ورحمة الله وبركاته ...
اشحالكم ربكم الا بخير ...
بدون مقدمات ... انا عمريه 18 سنة يعني توني شباب وبعدنيه على الهم .. لكن حالنا يقول حتى انت يالصغير ياللي عمرك الا شهور تحمل ترااك في زمن عوذ بالله منه .. يا خوان القيامه بعدها ما قامت والكل اللهم نفسي نفسي ... بس في بداية كلاميه بذكركم بحديث اعظم انسان ..
((كلكم راع وكلكم مسئول عن رعيته، الإمام راع ومسئول عن رعيته، والرجل فى أهل بيته راع ومسئول عن رعيته، والمرأة راعية فى بيت زوجها ومسئولة عن رعيتها، والخادم راع فى مال سيده ومسئول عن رعيته، وكلكم راع ومسئول عن رعيته))
نعم كلكم راع ... حطووو تحت والامام مليون خط .. الامام هب امام المسيد ولا امام الخطبة .. الامام هو من يتولى امور رعيته .. ولازم يهتم بأمورهم وينظر للي ينفعهم وللي يضرهم وترااه محاسب على اللي يضرهم
اااااااه اقولها من اليووووف وانا اشوف حال بلادي والله والله والله ملينا من كثر ما نرمس فالموضوع هذااا ... قلت عمريه 18 لكن والله يصير عمريه 80 سنة وانا شوف هليه .. ختيه كانت بصحة والحمدالله جدمت واتخرجت من الكليه بمتياز مع مرتبة شرف واخر شي الحكومة ترفض وماشي غير الخاص اللي بيعيشك ع 5000 درهم والله وانا صادقة ف رمستيه ختيه ياها اظطراب ف القولون والحديد 1 والحاله حاله تكرف 8 واحيانا 10 ساعات ف الدوام واخر شي يالله الحمدالله ... ولا الثانيه ملت وياها القلب وهي تتريا بيت ايضمها هي وعيالها اتخيل نفسك عايش فبيت فيه مجاري وصراصير وفيران وعندك عيال ..هذا وين ؟؟ هذا فالامارات ..
بس جانكم بغيتوا الحق افصخي العباة وغبري ويهج وبتحصلين نائب مدير جان تبين ... ولا ادخلي جانج تبين البيت بتحصلين فيلا ...
يابلادي الذهب غالي وعرفنا ... العيشه شله امغلينها فيها مرجان ولا ياقوت
واقسم بالله انهم شافوا محد يردهم قاموا يزيدون ... اقوووول جان الكل راااتبه فون الثلاثين الف ترااا في فقرااا وفيهم عزة نفس ... قمنا نشحت من الوافدين ونحن عيال الدااار
اليوم رحنا السوق والله طاحت دمعتيه .. كنت اشووف انا وختيه اشيااا عيبتناا وااايد بس ما قدرنا على سعرهن .. وواافده حذالي ماخذه كل اللي فخاطرها .. سيارتنا كل واحد يالس فوق الثاني ... والوافد اودي .. اكس فايف ... رنج ... بورش ...
ليش هاللعب صار وما حد حااس فينا .. معقول محد سمع محد قراا
ولا ماشين على طنش تعش ... ترااا الناس يتحسبون ودعوة المظلوم لها رب ايجبها ... امي اتصيح خايفه ربي ايحاسبها وهي تشتري يونية العيش ب 400 اتخاف اتكون مبذرة ... بعدها هب امصدقه اللي صاير ...
قتلوا شدوا حيلكم وشدينا واخر شي يلسنا ف بيوتنا ... والله خايفه ادش الجامعه واضيع سنين عمريه واخر شي ع الفاضي مثليه مثل غيري
فااض همي وما قدرت ... ياليت (( كلمة ياليت ما تعمر بيت )) بس دخيلكم حسواااااا ينا حسواااا فيناااااااااااااااااااا
والسكات عن الحق شيطان اخرس
وترا حالي مثل حال اماراتي غيور ... وغيره من اللي رمسواا
ماهزكم كلام ام احمد وهي اتصيح ع الهوا
دخيلكم ساعدونيه ف نشره
ماقول غير حسبيه ونعم الوكيل
منقوووووووول >>>>> اتأثرت وااايد وحبيت انشره يمكن يوصل
&& هـــمـــوم الــمواطنين &&
