تحذير مهم اللى يحتاج (تركيب) توليف طرمبة Vxr او تركيب طرمبة شد بلد

محروم.كوم · #1 02-17-2010, 09:10 PM

اعزائى المحترمين
اعضاء مكشات

السلام عليكم ورحمة الله وبركاته

اذا اردت تركيب طرمبة الفكس ار على جمس مثلا او فورد

انتبه لهذه النقاط

اولا :
الطرمبه ما تحتاج توليف وليس فيها اى خطورة بأذن الله
كل الشغله تغيير الفيش فقط وسعر تركيبها 150 ريال فقط لا غير
200 ريال نخليها ولا يهمك ،،، اما اذاتجاوز هذا المبلغ فأعلم ان الكهربائى نصاب واستغلالى
بأمكانك ان تقرأ موضوع اخونا الغالى براق الحجاز
توليف طرمبة الجمس (vxr) صـــور

ثانيا :

الافضل تركيب طرمبة فكس ار الاصليه سعرها من وكيل لتويوتا معتمد 560 ريال
ممكن ارتفع سعرها . وصفايه (شبك) ب 10 ريال وفيش ب 5 ريال فقط فقط لا غير

لا انصح بنوع دينسو لانه مقلد
ثالثا :

يوجد نوع اسمه دلفى ممتاز جدااااا افضل من اى سي ديلكو
وانا مجربه على جمس والى الان لها سنتين ما شاء الله شغاله
وكان سعرها فى ذاك الوقت 260 ريال وصناعتها امريكي

وهذى صورتها :

وهذا رد لاخونا الغالى ماجلان

اقتباس:
المشاركة الأصلية كتبت بواسطة Magellan (المشاركة 3879618)
أخوي أبوعبدالرحمن من مكة

اقتباس:
المشاركة الأصلية كتبت بواسطة Magellan (المشاركة 3879618)

أسعد الله أوقاتك بكل خير

حبيت أعلق على نقطة عن طرمبات دلفي

طبعا هي شركة تابعه لجنرال موتورز وتصنع لها القطع حالها من حال اي سي ديلكو

طبعا واجهت في السنوات القليلة الماضية مصاعب مالية وكثير من أنشطتها توقفت
هي بالحقيقة شركة تصنع قطع افضل من قطع الوكالة ومشهود لها بها الشيء
والحين تأتي بالمرتبة الثانية بعد قطع GM وفوق قطع ACDelco اللي صارت تصنع بالصين
وكثيرين جربوها ومدحوها ...
بالنسبة لقطع دينسو وهذي معلومة شبه متأكد منها إن طرمبات بعض الجموس من 2005 وطالع صناعتها من دينسو كذلك البواجي...

تأكد يابوعبدالرحمن سبب خراب طرمبة البنزين بالجمس ليس من الفلتر او الاسلاك بالدرجة الأولى ولكن بسبب الإجهاد اللي يحصل للطرمبة وقوة الدفع ،مكينة كبيرة بالإضافة إلى المسافة الطويلة للوصول البخاخات جميعها اسباب تجهد الطرمبة فتحتر وعادة حطها في بالك لن تدوم الطرمبة مهما كانت صناعتها في الجمس اكثر من 5 سنين حتى لو كانت يابانية بسبب العوامل التي ذكرتها فوق...
كذلك لاتنسى الملاحظات التي ذكرها اخونا سوبر vtc في مواضيعه عن طرمبة البنزين فهي خير مرجع..
بالتوفيق
أخوك ابوعلي

رابعا :

اذا نزلت التانكى افحص الليات (الهوز) اذا كانت تالفه غيرها .

خامسا :

غير صفاية البنزيم على طريقك

هذه بعض النصائح للمحافظة على الطرمبة :-

1- اذا وصل انمبير البنزيم الربع الاخير عبئ التانكي ( لان الطرمبه تعتمد على تبريدها بالبنزيم

واذا منت مصدق اقرأ موضوعى هذا صدقنى راح تستفيد

تعرف علي اجزاء طرمبة الوقود الكهربائية وطريقة عملها واسباب تلفها Gmc-vx-r- Ford

2- اذا وصلت المحطه طف المحرك ،،، تدرى ليه ( لان الطرمبه تكون شغاله وفى نفس الوقت حاره

وقت التعبئه يكون البنزين الجديد بارد وهذا يأثر على الطرمبه فأذا كانت طافيه يكون افضل .

3- لا تترك السوتش شغال والمحرك طافى لان الطرمبة تكون شغاله (تعمل مع فتح السوتش استعدادا للتشغيل ،،، لكن احب اطمنك يوجد كتاوت

يفصل الطرمبه اذا طولت (راح اتأكد من هذى النقطه ) .

4- اذا تذكرت شيئ بأضيفه بعدين

هذه بعض النصائح السريعه

واللى خلانى اكتب الموضوع لانى اسمع كثير ان توليف الطرمبه يكلف 1000 ريال او 600

صدقونى الشغله ابسط مما تتخيلو ما تحتاج ترهيم ولا يحزنون ،،، مجرد استغلال .

فيه نقطه مهمه جدااااااااااا يا ليت تنشروها

الوكيل مستحيل يبيع الطرمبه لحالها ،،، يبيعها بالكامل مع العوامه

طبعا العوامه ما تحتاج تغيرها الا اذا كان عداد (انمبير) الوقود سليم

شف الصوره :

الوكيل يستغل الوضوع ويقول لك نبيعها بالكامل

واعتقد سعرها كامل يتعدى 1500 ريال او اكثر

اترك الوكيل واتجه الى كهربائى ووفر طرمبه دلفى او اي سي ديلكو او اذا تبي تغير فكس ار

انت بكيفك .

وصلى الله على محمد

لا تحرمونا من دعائكم

اخوكم

بدوى جنوبي

اتمنى من مشرف القسم تثبيت الموضوع لاهميته

بالتوفيق للجميع :good2:
__DEFINE_LIKE_SHARE__