استنار البرق بالليل المطير=كنه عروق الشجر يقدح شرار
ينفلت من عالي المزن ويطير=لين يضرب بالوطا ما له قرار
يلسب خشوم الضلاعين وينير=من غنيجان اعتلا لين الغمار

اليا عقرب قام يسبره النظير=يقلب الليل بخوافيه لنهار
يفزع النجاع بالعاجه يحير=يتقي باشطابتن والا بغار
هذا صنع الله والله الخبير=منشي ركوم السحايب بالبحار
جل شانه فالق الحب البذير=سايق النود لمداهير القفار
مسقي العالم من الموج الهدير=مظهر المرماث بادعوب السمار
ظاهر وباطن ولا غيره بصير=خالق الانسان من طين الفخار
مستوي بالعرش سبحان الكبير=العظيم المعتلي فوق المدار
يا حبيبي يا مجير المستجير=يا معيد اليسر من بعد العسار
ما لنا غيرك يدل المستخير=حتى لو دار الخلايق واستشار
نطلبك يالله جنات العبير=هي لنا عقب المنيه خير دار