المشاركة الأصلية كتبت بواسطة شيطونة الـ ع ـين

هيه والله وايد نشوف هالشي ... انا خالتيه دوووم تكرف الخدامه تقول ماباها ترتاح والسبب لأنه قبل خدامتها تواعد هندي وين في غرفتها ومره زخوها وياه وصار ألي صار ... ومن بعدها خذت في بالها أنه ما تخلي الخدامه ترتاح شو ما كان الشغل ... والله اقوللها حرام عليج الواحد يبا يرتاح .. وهي خبر خيـــر ... يعني كواي وطبخ وتنظيف والله وايد عليهن نحن يا دوب نسوي شغله وهن يكرفن ليل ونهار ... الله يرحم زمان سندريلا هع هع ...ياما كرفت ...
بس احب اقول ... رحمت الله واسعه علينا ... ارحموا من في الارض يرحمكم من في السماء ..

المشاركة الأصلية كتبت بواسطة سِـيد الـعذاره

الخدم عباره عن انسان مجرد انه ينجرح يحن قلبه لهله مثل الطفل الصغير

الرحمه موجوده في قلب اي انسان بس غرورهم انهم اعلى مستوى من الخدم خلاهم يتعاملون معاهم بهالطريقه .
او ان من السحر الي يسمعونه عن الخدم وخوفهم عالعايلتهم يخليهم يتعاملون بهالطريقه

ان الخدم لازمن ما ينعطون ويه واااايد عشان ما ياخذون الحريه

السموحه عالقصور

المشاركة الأصلية كتبت بواسطة مع تحيات الزعيم العيناوي

الخدم مثلنا واحسن منا وياليت اناس ايعاملوهم معامله زين بس شي شريحه من الناس يعتبرونهم مب بشر بل الين وهذا الشي حرام

وتسلمين اختي علي الموضوع

المشاركة الأصلية كتبت بواسطة ابكي زمان بكاني

المشاركة الأصلية كتبت بواسطة :*'*:·.بدg يه كشيخه :*'*:

عليج السلام ورحمه الله وبركاته


لو نحن بنتكلم عن هالموضوع مابنسكت لان كل منا عندهم هالشي ويشوفونه وان ما كان في البيت نفسه بيكون في بيت آخر

انا وبصرآحه خدامتنا صدمت امي تخيلي لو تبا تاكل تقول حق امي ماما انا يوعان ابا آكل امي تقول لها كلي نامي سوي لي تبينه انتي شرات بنتي لان الناس لي ساكنه عندهم قبل يمنعونها تاكل شرات اكلهم يعني لو كانو ياكلون لحم يعقونه ويخلونها تاكل عيش بلا شي وان تبا تنام اتم سهرانه لين يرقدون وتنش قبلهم بس امي قالت لها لو ياج الرقاد ماعليج من حد الشغل مابيخصل لو تبين تخلصينه وتمت تصيح تقول انا اتحرى كل الناس شراتهم وكنت خايفه وانا يايه عندكم عقب قالت اطمنت احس انيه عند هلي ولو شو اقولج عن الخدم لي يدام بيتنا دوم عندنا بليز ودي مكتب مايريد هذا بيت ماما يظرب ... يعني نحن عندنا دين عندنا الاسلام نور دربنا علمنا فهمنا فن التعامل مع الناس شوفو الرسول شو كان يسوي حق خادمه عمره ماسمع الرسول يقول اووووووف وشوفو نحن كم مره في الساعه نقول هالكلمه
تراهم ناس عندهم قلوب يحبون يكرهون يحسون ويقهروني يوم يقولون خدامتنا ماتشتغل عدل خدامتنا مادري شو

الله عليم بكل بيت وشو داخله وسمحيليه طولت ترانيه ان رمست في موضوع مهم احب اظهر لي في خاطريه

المشاركة الأصلية كتبت بواسطة 0oبركان الغلاo0

طبعا هم بشر مثلنا ويحسون ويشعرون ..
لكن في ناس تكرفهم مساكين وتعاملهم باسلوب ما اعرف كيف ويقولون يشتغلون بفلوس يعني عادي ..

الحمدلله انا معاملتي زينه ويا خداماتنا .. بس ما انكر اني اذا ضيعت شي والا كنت بطلع ومستعيلها ومالقيت عباتي جاهزه (ها اللي دوم يصير ) اني اواجع بس يوم ارجع او عقب يوم اكلمها واقولها ليش صارخت عشان ما تعيد اللي سوته مره ثانيه يعني تقريبا تقريبا اعتذر ..
واذا زودتها بالأماره وكثر الطلبات امي تعصب .. تقول هاذيل شراتكن بنات ليش ما انتن بروحكن تقومن تسون اللي انتن تبنه وهن بيساعدن مب كله عليهن ..
وطبعا ما نقول انهن ملااك ومره ما يسون شي .. بس الصراحه انا استرب من معاملات امي وياهن .. حتى لو غلطن في شلهن تطوف .. تقول هن لو مب محتاجات ما ين يشتغلن عند الناس ..
اول 6 وحده من خداماتنا سافرت .. وتمت ساعه حاضنه امايه وتصيح (هي عندنا من 4 سنوات) والحين بترجع قريب قبل ما تبدا الدوامات ..
اما عاد طباخنا هاا سالفه ثانيه .. هو يسبني ويواجعني يوم اسير المطبخ عنده وانا ما اقوله شي واصلا محد يرضى فيه لا امي ولا ابويه ( عندنا من قبل لا انولد انا يعني اكثر من 18 سنه .. بس اللحين بيسافر )
وعندنا طباخ ثاني بس من زمان ودرنا واشتغل في شركه .. لكن والله لين اليوم يزورنا في الاجازات والاعياد ومسمي بنته على اسم امايه بعد ..
وعاد الدريول حليله .. ها شيبه وانا الصراحه احشم منه ..
ما اخليه يشل الاكياس ولا شي .. واستحي اخليه يترياني وايد >> حليله ريال كبير
ها دريول العايله عاد .. من زماااااااااااااااااااااااااان عندنا ..

>>>>> وايد سولفت .. عبرت عدل .. آآه تعبت

يلا سي يوو مره ثانيه ..
والسموحه ع الهذربه الزايده ..