ردي على الأخ كنترول النعيم ... (خذها على صدرك معك ماريه )

بن حمرور · #1 06-27-2008, 04:34 AM

السلام عليكم

عندي رد بسيط على اخوي كنترول النعيم على القصيده
اللي رد ابها على قصيدتيه .. السابجه ...
لاكن حاب اوظح له .. اني ما ادور اللي فهمه .. ومغزاي بعيد وايد
صحيح قصدة اردور بعض الأعضاء .. لاكن اقصد الذائقه الشعريه
اللي قله ويمكت تكون شبه مهدوم لولا بعض الأعضاء
والذين ينعدون على اصابع الكف الواحده ...

على العموووم
كنترووول ايقووووول ::

بغيت ارد على اخويه بن حمرووور

وأقول:

انا جيت ارد والنوايا صفويه
انته رجل وانا من نعم الرجال
............................
لعلمك حنا ردودنا عفويه
تجي كذا من دون اي لال
...........................
حبنا لمحروم ماهو شويه
حبه في قلبنا صال وجال
..........................
قلتها وبكل حرف معنيه
مقيوله من افواه ناس عقّال
.........................
ما جيت ابعجب ببنت نشمية
انا هدفي يقولون ونعم الرجّال
........................

وسوالم الجميع

اخوكم كنترول النعيم
................

صح لسانه وعلا شنه ...
وبيض الله ويهه ، لاكن احب اقووول يا اخوي كنترول ,, الرد على القصيده لازم ان يكون
على نفس وزن قصيدتيه الأوليه .. وانته هني طلعت عن الوزن ويبت وزن يديد ..
وانا قلت في آخر ذيج القصيده ..:

وانا لك الله صغت نظمي على اييييييد
وابغي اشعراهم ينضدونه ع آحـــــــي

واللي يجاري مزملي له مصاليــــــــد
بطميه ثم برميه تحت الدلاحـــــــــي

وقفت انا والقول يبغيه ياسعيـــــــــــد
وابغي الذي يقدر يسوم الغواحــــــي

والشاعر اللي صاغ نظمه على ايد
حمرور يدعونه ويالله السماحــــــــي

&&&&&&&&&&&&

على كل حال هذا ردي على وزنك انته ...
والسموحه

خص الخوي اللي لفا ياحيــــه
بردود تعني دون فهم امثــــال

وضح على نهج الشعر عفويه
قصيدة" ما طالة اللي طــــــال

وانا لك الله مزملي شاليــــــه
وانته قطعت الفن قطع احــبال

لاكن بشيرك بدرس الشاميـــه
والفن عندي راســــــخ ولا زال

ردك يباري بمعنى الشرقيـــــه
يوم الينوبي عاكست الأشمـال

خذها على صدرك معك ماريـه
كايد تلاقي ان حصل المنــــــال

يوم اهيعت كـــــل العرب ليليـه
جريت من وسط الصدر مــــوال

يزقر عطاشى والموارد حيــــــه
من بحر شاعر من قروم ارجــال

وابغي اليماله واليماله ابغيـــــه
منوة عريبين النسب والخــــــال

وانته طميت الموج بالحمقيـــــــه
ماخذتني بالروف روف الحـــــــال

ياشاعرن عاكس مدار الغيـــــــه
قرب لي الدله مع الفنجــــــــال

اتفوح ريح الزعفران احميــــــــه
صادر يماني قاطع الأميـــــــــــال

قند بها راسي على عشويــــــه
كايد الاقي بينهن لـــــــــــي دال

وبندب على منهو يدوس الحيـــه
للي يدور في ردود امقـــــــــــال

ينهم بيوتي والبيوت اغليـــــــــــه
هل كيف بسكت والشعر نـــــزال

بعطيه بعض الشعر بالطرقيـــــــه
معناه طنب وقافيته اجـــــــــــزال

(ياكنترول) اوزن كم الكميــــــــــه
وزني ثقل ماهو وزن يهــــــــــــال

ماجيت ادور واحده نشميــــــــــه
جيت اظرب المعنى على ماجـال

كانك عرفت السوم م الشريـــــه
انا اشتري وضح النقا بأمــــــــوال

ما نتبع الداني على شفقيـــــــه
نتبع وفيين العقل الرجـــــــــــــال

(لا تاخذك فكرة عطش ف الييــــــه)
افهم ترا بعض العرب صمـــــــــال

وردودكم ياللي لنا عفويــــــــــــــه
مالي بها وصبري عليها طــــــــــال

ما ننتظر تاخذ دروب الديــــــــــــــه

نعرف شعرنا فوق روس اجــــــــبال

مانكتب ابيات الشعر هزليـــــــــــه
وانخط باير والــــــــــــــــوزون ادلال

والشوف ياللي نظربه بعديــــــــــه
وانشوف شوفك يوم شفت الـــلال

لاكنني ماسك زمام الحيـــــــــــــه
وبنهي لك الباقي من المـــــــــوال

رح وادرس افنون الغطو درسيـــــــه
كانك بغيت اتردلي الأمثــــــــــــــال

لأني ظربت الشعر في شخصيــــه
وانته فهمته مثل ما قد ســــــــــال

رح ثم تعلم مزمل الشاليـــــــــــــه
وان كنت فاهم لك برد امثـــــــــــال

حاول تعلم لو غدت حوليـــــــــــــــه
ماتنقصر مدة هل المكــــــــــــــــيال

ارجو السموحه والعذر البغيــــــــــه
خطي ظرب ثم انقط الأرســـــــــــال

والسموووووووووووووووووحه
__DEFINE_LIKE_SHARE__

Blingee · 06-27-2008, 04:38 AM

لاهنت اخووي ع القصيييييييييييييييييدة الرووعه

ونتريا اليديد اخوووي ّّّّّّّّّّ>>>>

ومسموووح بالحل ^^ __DEFINE_LIKE_SHARE__

أم عفراء · 06-27-2008, 02:09 PM

أسعد الله أوقاتكـ أخي الكريم..

للكلاممنكـ نبراس من جنان..

نعتلي به ولا نسقط الا ونحن واقفون..

وهذا اندل دل على شموخ كل حرف..

ونحنو مازلنا مع الاحرف في رقي وشموخ..

ومازالت الاماني لكـ مرفوعه..

أسعدكـ الله ياعزيزي.. __DEFINE_LIKE_SHARE__

كنترول النعيم · 06-27-2008, 02:26 PM

السلام عليكم الغالي

والله ردك حلو

والصراحه انت فهمتني غلط ولك مني رد بإذن الله

اليوم ولكن بوزن ثاني>>> بقولك بيت انا كتبته

لو كل واحد رد عالآخر بنفس الوزن
لما طترقنا لباقي الأوزان
.........................
كل ما غيرنا الوزن ابدعنا في الشجن
ولو كملنا قلنا يا سبحان

والسموحه منك الغالي

اخوك كنترول النعيم __DEFINE_LIKE_SHARE__

ємαяαтya Kαsн5a · 06-27-2008, 02:51 PM

قصييييييده روووعه

يسلموونيييشن خيوو __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
{}{}{}{ مسافر معاك خاص من كنترول النعيم }{}{}{}	كنترول النعيم	نغمــات للهــواتف	19	06-24-2008 01:15 AM
كنترول النعيم يطلب ترحيب	كنترول النعيم	تراحيب وتهاني	38	03-19-2008 03:00 PM