❀{ وِدِّيْ أّكُوْنْ }❀
كلمات / العالية - الحان / سهم




ودي اكون اي شخص ثاني اي شخص عابر والتقاك
وبسالك وش منك جاني وبالمقابل شاللي جاك
انت ما تذكر حناني وكيف كنت اشري رضاك
كنت اشوف العمر فاني واللي يبقالي هواك

كنت احسب الله عطاني ما دريت انه عطاك
الله بشرك بلاني وانت بالخير ابتلاك
كنت عايش بالاماني وكنت اعدي لك خطاك
لي متى بمسك لساني واكتم العبره معاك

كنت اعاند بك زماني واتحداه بوفاك
انت رحت وهو بكاني قال انا بوقف معاك
اكتشفت انك اناني واني اكبر من خطاك
حظك اللي ما قواني جابك و رد و خذاك


❀{ مِلْيُوْنْ خَاْطِرْ }❀

كلمات / فيصل بن خالد - الحان / محمد بو دله
بس قول أبغى وأنا أقول حاضر
إنت الوحيد اللي كلامك أوامر
خاطـرك عنّدي تـرى مو مثل غيرك
خاطرك يسوى ترى مليون خاطر
القوي الله وحبي لك قوي
شوف إيش أعمل اذا تطلبني شي
ينشغل بالي وأدور لك عليه
وعيني ما تغمض ولا حتى شوي
تهمني طبعا حبيبي تهمني
انت بس اللي بعمري هزني
انت من حقك إذا تامر علي
وآنا من حقي أبيك تحبني


❀{ مِرْتَاْحْ }❀

كلمات / سعود البابطين - الحان / سهم

مرتاح ولا يتصنع قلبك الراحه
شايل في خاطرك ولا البال متهني
مجروح ولا شفى قلبك من جراحه
زعلان للحين والا راضيٍ عني
شخبار قلبك عسى ما فارق افراحه
ادري جرحتك وشلت بخاطرك مني
خسران بعدك وقلبي ضاعت ارباحه
غلطان ادري وابي منك تسامحني
تدري عيوني بغيابك ما هي مرتاحه
تبكي على فراق طيفك وانت ذابحني
ياللي ذبحني غلا شكرا على رماحه
اللي طعني بها وما يوم ريحني
جيتك من الشوق والاشواق ذباحه
اسال عيونك عسى للحين تذكرني
راضي بجرحك وانا ما اتصنع الراحه
تكفى عشاني ابي ترجع وتسمعني


❀{ يَاْمَاْ حَاْوَلِتِ }❀


كلمات / العاليه الحان / سهم

ياما حاولت الفراق وما قويت
كـنت ابي أنـساه لكن ما نسيت
ما عـصاني قلبي بعمره ولـكن
إلأكـيد إنـّي أنا الـلي ما اشـتهيت

التقينا بليله من ليل البعاد
والهوى والحب في القلبين عاد
قلتله ما غيرك بعدي حبيبي
قال حبك ما تغير الا زاد
صرنا نسترجع هوانا واللي فات
وابتدت ترجع لبسمتنا الحياة
قلتله وشلون فرطنا بهوانا
قالي انسى ترى اللي فات مات
مر طعم البعد واحساس الغياب
الدقيقه طول شهر من العذاب
طالبك مابي نكررها حبيبي
ليه نفتح للحزن والهم باب

❀{ تَالي تَقْديركْ }❀
كلمات / عبدالله بو دله - الحان / سهم

هـــذا تــالـي تــقــديــــــرك
تـجـرحـنــي بـتـقـصـــيـرك
لــيـت الـجــــرح مـومــنّـك
لـيـت الـجــرح مــن غـيرك

من غـيـرك يـكـون أهـــون
يــمـكــن يـــــوم ويـهـــوّن
لـكـــن مـانــي مـتـخـيــــّـل
إنــّـك بـالـظـــهـر تطـعــــن

حـبـّيـتــك وذي غـلــــطـــه
حسافة حبـّي واحـسـاســي
وعــمــري مـاتـخــيّـلـتـــك
تكون أقسى من الـقـاســي

❀{ يِحْلِمُوْنْ }❀
كلمات / علي الفضلي- الحان / سهم

يحلمون اللي فيك يفكرون
ياخذونك انت مني والله لو يتجننون
ياخذوا بقلبك مكاني او ينسونك حناني
قلهم هذي اماني ولا هم مايقدرون
لو يغيرونك عليا او تجاملهم شويه
خلي بالك انت ليه غيرك انت يدورن
ما احد يقدر يحبك ولا ياخذ مني حبك
لو يشوفوا شوي قلبك فيه اسمي يلمحون
يكتبونك يرسمونك ولا هم يتخيلونك
لا حشا ما يلمسونك فيك لالا يحاولون
لو يمدوا لك ايديهم ضحكتك راحتك عليهم
وحتى لو انت تبيهم انت معهم تحلمون


❀{ سَلاَمِتِكْ }❀

كلمات / تركي - الحان / طارق محمد

سلامتك حبيت
توي سمعت بهالخبر ما كنت تستاهل
قبلك أنا عانيت
قبلك علي الهم باسم الفرح متحايل
كل شي تركت وجيت
ما ردني الرداد عنك جيت بالعاجل
بالحق عليك أبطيت
كان الهوى سباق وانت كنت متساهل
ما تنفعك ياليت
قدها وزت والفاس شق الراس يا جاهل
لو شلت ولو حطيت
ما عاد امرك لك وشاللي يعدل المايل

❀{ مَعْقُوْلَهْ }❀
كلمات / فيصل البراك الحان / سهم

معقوله كلمه
تغير حالي معاك تشكك بي وبغلاك
وانت الروح في قللبي ووريده
تقول انسى خلاص الكل منا له طريق
معقوله هذي النهايه
ما عادك انت معايا
ماني حبيبك حبيبي
او هذا انا من البدايه
تقول انسى خلاص الكل منا له طريق
هذا جزاء اللي يصونك
وان خان نفسه يخونك
بسالك حاول تجاوب
وانت عيوني بعيونك
تقول انسى خلاص الكل منا له طريق

❀{ أَمُوْتْ بْحُبَّكْ }❀
كلمات / فيصل بن خالد بن سلطان - الحان / وليد شامي
قـرّرت امـوت بحـبـّـك وامشي معـاك فـدربك
إنـتـا يا سـاكـن قـلـبي إسمحلي اعيش بقلبك
قـربـك تــرا يحــيينــي وصـوتك أنـا يهـدّينـي
وبُعــدك تـرا يبـكـّينـي لاتغــيـب عنـّي وربـّـك
بنسى معاك هـمـومـي واسهـر واخلّي نومـي
واعيش وقتي ويومي كـــلـّه وانــا بـجـنـبـّـك
مثـلـك أنـا مـاالاقـــــي يصعـب علـيـك فراقـي
صــادق أنـا بشـواقــي ولوتكذب أعشق كذبك

❀{ جِيْتْ }❀
كلمات / تركي- الحان / سهم
جيت مع قلبي يبي قلبك بشي
بينهم ميعاد ما هانوا علي
صد عنهم خلهم
لا تراقب نبضهم
الزعل بيني وبينك ولا هم وش ذنبهم
جيتي اياك تحسبها علي
غصب عني جيت لك ما هو بيدي
لا تفسرها خضوع
وخطه مني للرجوع
الزعل بيني وبينك ولا هم وش ذنبهم
هم حبايب والخصوم انت وانا
ليه نجعلهم ضحيه بيننا
ليه نظلمهم حرام
ليه نحرمهم سلام
الزعل بيني وبينك ولا هم وش ذنبهم


❀{ لاَزَاْدْ }❀

كلمات / العاليه الحان / سهم
لا زاد فيني الحزن اكتم دموعي واون
واقول ابد ما ابيك واذكر هوانا واحن
وين انت عني انا وكلتني للعنا
ماكني اللي هويت ولا كننا نفسنا
عيشتني بالوهم قتلتني بالم
عودتني ع الدموع عرفتني ع الندم
قلبي معك رجعه كلامك بيسمعه
قله يشوف الحياه وان انت ماتنفعه


❀{ أَلْفْ مَرَّهْ }❀

كلمات / تركي - ألحان / طارق محمد

لا خلص كل الكلام اللي ما نخجل نقوله
ما بقى الا اللي ما بين السطور
الف مره قلتلك
بعيوني لا من قلت بسري عيّ
امنعني ترى ودي اقضي العمر يا عمري معاك
الف مره قلتلك لا قلت مقدر قصدي مقدر احيا يا جاهل بلاك
الف مره خنتني ودعتني
خاب ظن الشوق بك صابه قهر
الف مره ارجع الدرب اللي جيته
والمسافه بين الخطوه و الخطوه سفر
لي متى والوقت ضايع
بين امس وبين باكر
لي متى واحنا مثل ما احنا
من اول يوم فاكر



❀{ حَدِّكْ هِنَاْ }❀

كلمات / الامير نواف بن فيصل - الحان / سهم

حدّك هـنا
لا تقربي مـنّي أنا الله خلقني حـر
مهما ظروفي تمر ومهـما لقيت صـدود
أبقى أنا الموعـود ما بين يأسي والمنى
وحدك هنا
يا مشغله نفسك معي هدي
ردي خطاك وارجعي ردي
اللي انكسر ما ينجبر وما في داعي ننتظر
حنا خسرنا حبنا والمنتصر هو جرحنا
وحدك هنا
دمعتك ما غيرت في القلب شي
وشمعتك ما زودت في الضي ضي
يا اجمل احبابي خلاص
قفلت انا بابي خلاص
خلي حبيبك للعنا
وحدك هنا

❀{ الخَاْيِنْ الْكَذَّاْبْ }❀
كلمات / تركي - الحان / طارق محمد
ابي يوصل خبر عني
لحدوه قصدي متعني
نسيت وجرح قلبي طاب واصبح لي سواه احباب
ويوم انهم طرولي اسمه
ضحكت وقلت من منهو
هذاك الخاين الكذاب
حمدت الله هلا لو غاب
ابيه يدري اني صرت اقوى
وعلى نفسي قدرت اقوى
تعديته سطر في كتاب هذاك الخاين الكذاب
طردته خارج ضلوعي
حشا ما هلت دموعي
ولا حرك بي الاهداب هذاك الخاين الكذاب


❀{ مَاَ ظَنِّتِيْ }❀

كلمات / واحد- الحان / ياسر بو علي

الله كـتب لــي في الماضــي وداعـك
كن ضياعي إنكـتب لي من ضـياعك
ضـيـّعــتـنـي حـســبــي الله عـلـيـــك
وتقـول إنّ الـوفـا هـو من طـبـاعـك
ماظنتي
مـاضـنّـتـي هالعـمـر بنعيشه سـوى
مانـلـتـقـي ولاعـاد يجـمعنا الهــوى
كـنـت اظنـّك إنت لـجـروحـــــي دوا
ماظنتي
دامـك انت الـلــي بعــذابـي إبتـديـت
وانا بجـروحـي وفـي هـمّي رضيت
ومثل ماتقوى على الـفـرقـا قــويت
ماظنتي

❀{ حَظْ عِيْنَكْ }❀
كلمات / خالد يزيد - الحان / صالح الشهري
يا حظ عينك تنام الليل مرتاحه
ما كنها اللي خذت ممساي من عيني
ما كنها اللي خذت من قلبي الراحة
من يوم شفتك نوت بالحيل تشقيني
علقت الآمال في نظرات مزاحه
طويلة الرمش تبعدني وتدنيني
مرة تسلهم و مرة حيل ذباحه
ومرة تواعد ومرات تجافيني
وشلون تسلب شجي النفس وافراحه
وتعلقه بالأمل حين ورى حيني
عذر المودة ومن نظرات لمّاحه
شفت أسود الرمش رغم الخوف يغريني

والسموحه ارجوا التثبيت