وداعية ابو تركي الخيالية .. في شعبان الارطاوية ،،، محبكم (شديدالباس)

محروم.كوم · #1 01-03-2010, 01:40 AM

السلام عليكم ورحمة الله وبركاته

اكتب لكم اليوم بلون الربيع لأني عشت اللون قلباً وقالباً

مع مكشاتية يسوون الذهب شروى من يقرا

ثلاث فرق تنادت بالكشتة عقب موضوعي عن شعيب بقر الاسبوع الماضي

فطلعت الفرقة الاولى من الرياض

والثانية من المجمعة

والثالثة من الغاط

وكل نيتنا توديع الصديق الغالي ابو تركي

والذي سيغادرنا الى امريكا خلال الاسبوع الحالي لبعثته الدراسية .. اسأل الله له التوفيق والنجاح فلا تبخلوا على صديقي الوفي بدعوة مماثلة فانتم الكرماء كما عودتمونا

فكان الطلب اللي لابد منه : تكفى يالشديد نبي ربيعك اللي انت خابر

وانا اللي تطقني النخوة وترزح بي الشهامة

ابشروا به يالربع الوعد صلاة الفجر لعيون ابو تركي حبيب قلبي (اها بس لايكثر )

قالوا لا نبي نمرح عندك (والله اللزقات ) يالله ما يخالف

المهم مالكم بالطويلة ...

كزيناها عقب صلاة فجر الخميس 14 /1/1431 هـ .. ناوين الخير باذن الله

وهذولا الربع فرقة الرياض يدفوني دف اسرع يالديزل يتطنزون حسبي الله عليهم

وحنا في الطريق كان السحاب زين وبدت تهل رشاشه علينا (يالله لك الحمد )

التقينا بالفرقة الثالثة في مشاش عوض

سلمنا وحبيناهم وصياح ونياح تقل عزى

ثم صملنا على الفرح والسرور/// ورمي الاحزان خلف الظهور

توجهنا لشعيب بقر وصفطنا في اول ملف ربيعي .. عشان نكتم الجوعي .. بشوية فريك وفولي

بعد الفطور كالعادة تهاوشنا بوووم طااااع

احد يقول نتمشى واحد يقول معصي منيب متعدي هالمكان

لكن بما اني شديد الباس فالكل الحمد لله تحت امري احم احم

مشينا الهوينا

نتمشى بين الخضار والحزوم المربعة ومير اكسر يمين لم اشعيب اعويج

وشفت اللي يطرب الخاطر ويسهر الساهر

ومير اتخقق عند الربع وش رايكم يا جماعة منيب كفو اصير امييييير دايم هههه

اعلمكم ليييييييش :

ويرزقنا ربي الكريم هالمحيل اللي ماهنا اطيب منووووه .. انزل يابو تركي هالمحل لعيونك ياشيخ... بس الله لا يهينك باتسر اذا صرت دختور لا تنسانا تكفى

واتفقنا ان الصلاة والغدا هنيا .. يامال العافية (ربع نشاما جعلهم للجنة ومن يقرا )

ومير نبسط العزبة ونفل الفلة وخذ ياكورة وحركات بيليه وريفالينو (ياقدمنا )

وخلال هالوقت خلينا النشمي يتشتش

وفيه ناس ما تسقم عن هالجوال .. تصدقون هذا اللي غلب حريمنا اللي ما ينغلبن وخلانا نرقى الجبال

صبرا آل مكشات بقي القليل
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطوية فضائل شهر شعبان شهر شعبان	محروم.كوم	منتدى أخبار المواقع والمنتديات العربية والأجنبية	0	07-23-2010 10:00 PM
هديتي لشهر شعبان>>شعبان بين السنة و البدعة ..	dary-dubai	الإسلام والشريعة	5	07-13-2010 08:30 PM
هل يوجد طريق مسفلت بين الارطاوية أو المجمعة والقرية العليا	محروم.كوم	منتدى أخبار المواقع والمنتديات العربية والأجنبية	0	10-16-2009 05:10 PM
أمطار بني سعد وثمالة ، جنوب الطائف ، الاثنين 26 شعبان 1430هـ من محبكم ( محب الغيم )	محروم.كوم	منتدى أخبار المواقع والمنتديات العربية والأجنبية	0	08-18-2009 07:50 AM