|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناقصص و روايات تهتم بالقصص المنقوله وقصص الاعضاء الطويلة والقصيرة |
| LinkBack | أدوات الموضوع | انواع عرض الموضوع |
#1
|
السلام عليكم .. حبيت أنقل لكم هذي القصه للكاتبه سود الليالي .. اقروووووها مابتخسورن ،، تراها طيرت عقلي .. وانتظر ردوووووووودكم .. *** الجزء الأول *** منابع دموع المحبين عيني .. تبكي على نفسي وتبكي على الغير وعن الغلا يا ساريه خبريني .. هل عاد له في قلوب الاحباب تأثير قلب الفراق اللي غدى له حنيني .. ظميان والقصه ما هي جمة البير لكنها شوق يدفه ضنيني .. يا الله عساها ما تطول المشاوير نوارتي .. تجمعي واجمعيني .. وتغطرسي على جميع النواوير مالي عذر حتى أقول اعذريني .. بس احفظي تركيبة البيت الاخير أشرف مثل مقاصده تحتويني .. قل العطا .. ولا كبار المعاذير خلي علامات الشقا في جبيني .. عطر وبساتين وورود وعصافير أبي أشوف العيد في مقلتيني .. وآركب لقلبي جناحين واطير وابي أعيش العمر ما عاد فيني .. أصادم الأيام والا المقادير يا مشغلة خط الغرام اشغليني .. تراي جوال بليا فواتير تمردي على النظر في وسط عيني .. وتعددي على وجيه الجماهير لأن المنام اللي بغيه يجيني .. عيا يجيني لين مسيت بالخير عهود // ياااااااااااااااااااربي ترى هاي مب حاله مليت من البيت والسكرة بموت ترااااااااااني ..أف أم راشد // حطي الرحمن في صدرج وصكي التراب غثيتيبي تراج عهود // هي أمي أنت ها اللي فالحه فيه بس تبغين أسكت وأحبس عمري في ها البيت أم راشد // عيل شوه تبغيني أسويبج عهود // بصراحة أمي بقولج شي .. أنتوا حاكميني حكم قراقوش أم راشد // منوه هذا بوغراش بعد عهود // الله يهديج يا أمي مب بوغراش قراقوش هذا حاكم دكتاتوري متسلط مثل رشود ولدج راشد // شوه فيه رشود عهود // عليك السلام العرب تسلم عقب ترمس متلحج الخراريف ما بيفوتك شي راشد // خاطري افهم شي واحد بس أم راشد // شوه تبغي تعرف غناتي راشد // بنتج ليش تكرهني ؟ عهود بحزن // علشان حطمت حياتي ومستقبلي وحطمت بعد نفسيتي وشعوري بها الحبس ... حشى سجن مب بيت راشد // أنتي شوه تبغين بالظبط عهود // أبغي ادرس حالي حال البنت راشد // قلت لج جامعة ماشي أنتي ما تفهمين عهود // عطني سبب راشد // على كيفي عهود // نذاله غير شكل فيك راشد // على فكره أنا ما أتنيذل إلا وياج عهود // بصراحة راشد أنا مليت منك ومن أسلوبك ربيعك ما ترسيه على بحر يتوه وياك .. زين أقول قوم أبغي أسير حق ربيعتي اليازيه.. قوم وصلني صوبها راشد // ما شي سيره عهود // لـــــــــــيش ؟؟؟ والله مليت ماحد يونسني ما عندي خاوات والخاوان مراغد والتلفزيون عفته وتيلفون ماشي البشاكير عندهن تيلفونات وأنا بنت محمد ال...... استخدم تيلفون البيت .. حشى يابوك راشد // خانج الدنيا يا بنت محمد عهود // لا والله مب الدنيا أهلي أم راشد // شوه تبغين الناس تقول عنا أرغدو بنتهم عهود // جيه ثرني شوه بسوي ..العرب كلها قبضت بناتها تيلفونات وطرشتهن الجامعة ومحد رمس عليهن .. والله أنا عشان بنت سمو الأمير محمد ال......... وأخت صاحب الجلالة سمو الأمير راشد بن محمد ال........ أم راشد // حشى مب بنت يا ثوم راشد // أسكتي أميه البنت فيه كبت نفسي عهود // عشتوا ويعرفون بعد الكبت النفسي راشد // ما تدرين أني مخلص الثانوية العامة عهود // وبعدين استويت شرات العظم في الحلج __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
زيارة لوادي ثراد وسد وادي ثراد-العقيق-الباحة- الخميس 20/6/1431هـ (alsat3) | محروم.كوم | منتدى أخبار المواقع والمنتديات العربية والأجنبية | 0 | 06-07-2010 01:30 AM |
وش حاكمٍ حكمه بليا مروفه ؟ ( جديد ) | محروم.كوم | منتدى أخبار المواقع والمنتديات العربية والأجنبية | 0 | 10-01-2009 09:40 PM |
لغز 9 : سجنن بليا قفل ولا له مداخيل ؟؟؟؟؟ | محروم.كوم | منتدى أخبار المواقع والمنتديات العربية والأجنبية | 0 | 07-12-2009 01:40 AM |
ارفام فواتير 600100x | محروم.كوم | منتدى أخبار المواقع والمنتديات العربية والأجنبية | 0 | 06-08-2009 12:40 PM |
مجروح بليا جرووح 2 ^_^... | غانم الكتبي | أغاني, كلمات الاغاني , صور فنانين, فيديو كليبات | 5 | 05-07-2008 07:49 PM |