مقناص حبر خمس نجوم مع المزروعي وقنيص غبر وقاصد

محروم.كوم · #1 12-06-2009, 10:30 AM

السلام عليكم ..

ومباركن عيدكم وجعل ايامكم كلها اعياد وافراح ..

اخواني الاعضاء السموحه على القصور في المشاركات .. بعد العيد وكما هو الحال دائما .. اخونا المزروعي يتحفنا بالاتصالات المفاجئه وبدون انذار مسبق .. يجيك اتصال بالليل ويقولك بكره الصبح سارحين المقناص .. طبعا ما اقدر ارفضله طلب .. مجرد اني ركبت انا والزير في الموتر وبدون ما اسال اسالتي الطويله .. قلتله صبحك الله بالخير المزروعي .. وين العزم . قالي تريد مقناص حبر واللا ارانب .. قلتله وفيه ابتسامة خبث .. اريد والله الحبر والارانب بعدين .. خاصة وكان وقت قمرا .. قالي صبلي شاهي كرك وخلك معي .. شوي اللا ومرينا لخوينا قاصد وكان جاهز .. ركبنا وتوكلنا على الله لمكان مااا .......

وكان في صحبتنا ثلاث طيور جيره ثنين و وحش للمزروعي ..

والله رزقنا ب ثمان حبر وكروان وحيييييييد

اتركم مع الصور .. والسموحه على التصوير ..

قاع المقناص والجو اللي يطرب الخاطر

يا حي والله السيره اللي معاك فيه الطلع اللي ابوه جير ابيور .. بالمناسبة .. الطير هنيه يتركز والمزروعي يقول علوم الطير .. اقوله الطير مطلع وياكد طلعه .. قلتله عط الطير سبوقه ان طلب شي .. قال المزروعي ماهنا قصص واللا شي .. قلتله .. امورك طيبه لا تحاتي واللي بجنبك ابوه جير بيور

بعد ما خلصت كلامي اللا والطير طاير من السياره حاظ زوره فالارض ونمشي وراه ثمانين ما ندري ويش السالفه .. طبعا اللي يسوق هو العضو قاصد ويا حبه حق السرعه هههههه

بعد ما سقنا ورا الطير بنحو كيلو اللا وذاك الخرب اللي من بعيد

وين بطير بعدنا ما عيدنا عليك

افا يا ذالعلم .. اسميك ماتعرف السنع

جريت عليه زووم الكامير من بعيد

لكن يأبى الزير بان يترك ا لخرب بدون عيديه ..

لقطه تذكاريه مع الخرب وطلعناه حي نعلم عليه

بعد ما صدنا الخرب قلنا بنريح وبنسوي فصل قهوه وشاهي .. وكان الوقت الظهر فدورنا مكان نرتاح فيه .. لكن الحظ يكسر الحصا ..

اللي نظره 6 على 6 يشوف شو في الصوره

نكمل معاكم انشالله التقرير انتظرووووونا __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مفاجأة كحيلان ++ نجوم البرشــــا في الديربي ++ خمسة نجوم بخط يدهم يطلبونكم## صور	محروم.كوم	منتدى أخبار المواقع والمنتديات العربية والأجنبية	0	04-19-2010 04:30 AM
غدار وقاسى .. نغمة حزينة جدا .. لاتفوتك ..mp3	محروم.كوم	منتدى أخبار المواقع والمنتديات العربية والأجنبية	0	06-07-2009 02:40 PM
غدار وقاسى .. نغمة حزينة جدا .. لاتفوتك ..mp3	محروم.كوم	منتدى أخبار المواقع والمنتديات العربية والأجنبية	0	06-07-2009 08:20 AM
هذا ماحصل لي مع الشعب السعودي.!؟ وايضا في دولة سوريا..موضوع نقاشي	محروم.كوم	منتدى أخبار المواقع والمنتديات العربية والأجنبية	0	05-20-2009 06:30 AM
{{ موضوع نقاشي ردهـ يسلمو ليش؟",.	ŁɱśaŤ Ĕɱяațɨȃ™	المواضيع المكرره	2	03-29-2008 02:47 PM