ودي اموت اليوم واعيش باكر..واشوف منهو حملني لذيك المقابر..

شيطونة الـ ع ـين · #1 01-05-2008, 06:59 PM

ودي اموت اليوم واعيش باكر..واشوف منهو حملني لذيك المقابر
واشكر كل منهو كرمني ودفني..وشخصن تعنا لي مع انه مسافر
وشخصن قريب للأسف ماذكرني..منهو يرتب غرفتي والدفاتر

وان شاف لي صورة.. !!
صـــــــــــا ح وحضـــني..

امس مصدوم وابكي واشكي
واعاني من جرحي وحياتي

واليوم..ألعب وامزح وفرحان
واضحك والبسمة ماتفارق شفاتي

اهتم يوم..واطنش ايام..
اتكلم شهر..واسمع اعوام..

اضحك مع ناس وابكي على ناس
اشوفهم وفجاة افقدهم بدون احساس..

افارقهم ولا اقوى
والعيشة بموتهم بلوى..

ءءءء لأن الموت......مـــايــرحــم ءءءء

اقابل ناس تفرحني
اساعدها وتساعدني..
اعاتبها وتعاتبني
واسايرها وتسايرني..

ءءءء هذي حياتـــي مع الدنـــيــا ءءءء

صدف بيوم وعرفتك..
وفهمتني وفهمتك..

ضحكنا مع بعض كثيـــر
مثل براءة طفلـ(ن) صغير
بكيت شوي..شكيت هموم
وعدتك..هالبكى مايدوم

اعترفت بقلـبـ(ن) لك ارتاح
قلبـ(ن) ودع طعن الجراح

ناديتك....مسكت يدك..قربت منك..وبست خدك..
وهمست بإذنك... ((((أنا أحــــبــــكــ)))

شوقي لك جننيــ
ومن على الارض طيرنيـ

وفــــــــــــجــــــــأة.. !!

حصل يوم وفقدتني..
سألت عني تدورني..
تلفت مالقيتني..
رجعت البيت طلبتني..
ورن الجوال..محد يسمع..
الكــل منشغل يدعــي..
ويقول: يــارب لها أشفع..

ترد عــليك هالمرة أمي..

تقولك: خلاص ماعاد ينفع..

تركتنا ورحلت بعـــيد..
والكفن توه حضنها جديد..

سامحها وبالخير أذكرها..
اطلب لها الجنه واذكرها..
ولو...إنها غلطت بيوم عليك....أعذرها..

واذكرها..
واذكرها..

ولو مرة قست عليك..أو قصرت معك ..لاتلومها..
تذكر دايم انها احتاجتك..ومالقتك..
تذكر انك انت بعد محتاج لها..

(فلاااااانــة) خلااااااااااااااااااااص ماتـت..!!
::::

تقفل أمي جوالي..
وتحضنه وتبكي وهي ماتدري عن حالي..

ءءءء مابقى غير ذكرياتي..وصوري وثيابي وعطري واوراقي ءءءء

بس.....

إلى متى بأبقى في بال كل غالي..؟؟

شهر !!
شهرين !!
سنة !!
سنتين !!

والا طول العمر ؟؟

الناس بتبكي يومين وبتعيش حياتها..
وانت..ماودعتني قبل أرحل..

سامح قلبـ(ن) يحبك
وادع لقلبـ(ن) خذاه الموت قبلك..

امي..وابوي.. بينسوني ولا بيذكروني بعد موتي ؟
واخواني بيفقدوني والا راح يخبون عنهم موتي ؟؟

حــياتــي...انتهت خلااااااااااااااااااااااااص

وانا..ماطلبت من اللي غلطت عليه الا انهم..

يسااامحوني..

والوقت فااات وانا ماكتبت وصاتي..

دخلوني على امي جسد بدون روح..
بدون احساس
بدون نووح..

ثابتة ما اتحرك..
قربت مني..رفعتني وبكت تودعني

شالني أبوي لقبري
دفنوني قبل لا اقولك..

ءءءء* أمنتك الله لاتنساني ءءءء*

واذكر معك ايامي..

تكفى لاتنساني..

اذكر القلب اللي حبك
اذكر همسة أحــبـك..

مايطلبك قلبي الا دعوة..
انك تدعي له بالرحمة..

مسكني ابوي وودعني..
(لحظة حزن)
نزلت دمعته تطهرني..
شاف وجهي لآخر مره
حضني بقلب به حسره

يقول:مسكيــنه ماتهنـــت..

ءءءء* بس الـــموت مايرحـــم ءءءء*

دخلني لقبري وشاف التراب غطاني..

سمعت خطاه وهو يمشي..بس الموت مايرحم !!

رجع لأمي يقوووول:بنتي , راحت عن عيني

////
\\\\

انا ماقلت..ولا تخيلت
بس انت..

انت توقع موتي !!!

توقع انه يصير..
وكل اللي قلته يتحقق..
بأي لحظة وبأي وقت
توقعني اني اتأخر..
وتمر ايام ما أسال..
ولا همسي يوصل لك..
وحتى ضحكتي تذبل..
وعن هالدنيا انا ارحل..
اخباري تنقطع عنك..
نبض قلبي خلاص يوقف
واحاسيسي تتباعد
وشعوري ينساني..

ويبكون ناس على فرقاي
وتختفي ضحكتني من هالكون..
ويفقدني من حبني بجنون..
ويسامحني من غلط قلبي عليه..
وقلبك امانه امانه مني لايزعل

ءءءء لأن الموت مــايرحــم ءءءء

كـــلـــنا راح نـــمـــوتــ..

بس قبل مايتحقق هذا في يوم !!

كلام بخاطري بأقوله لك دوم !!

قبل اموت ابي اعرف !!

ياترى... انت اللي انا قلت عنهم :

ءءءء وان شــــاف لــــي صــــورة..
صـــــاح وحـــضنـي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إن عنيت اليوم باكر ما عنيت	مدمن كرك	الشعر المنقول	3	05-06-2010 01:42 AM
ودي اموت اليوم واعيش باكر	Дјறàl Диsǎήһ	الشعر المنقول	10	01-25-2010 09:18 AM
ودي آموت اليؤم و آعيش بـآكر ... ؤ آشوف منهؤ بعد موتي فقدني ..]~	عيوز مخصره	المواضيع المكرره	2	12-28-2008 03:35 PM
صمت المقابر	عشق ابدوي	شعر و خواطر	15	09-25-2008 12:32 AM
ودي أموت اليوم و أعيش باكر .. و أشوف منهو بعد موتي فقدني ..}	♕ وليد الجسمي ♕	شعر و خواطر	9	08-21-2008 03:49 AM