" آنت [ مع /* ضد ] علـآقــآت مــآ بعد آلزوآج .. "

Ŋαнάb έŁġļờ0b · #1 11-01-2009, 01:41 AM

آلْسلْآم علْيگم ورحمـہ آلْلْھٌ و برگآتـ

مســِـِآگم */ صبحگِـِم " آلْلْـہ بآلْخير و آلْبرگه

شحآلْگم گلْن بحآلْـہ عسآگم بخير

.
.

حبيت اطرح موضوع جداً مهم ~»

*والموضوع من انشائي واتمنى يعجبكم ~»

والموضوع بيكون تحت عنوآن " آنت [ مع /* ضد ] علـآقــآت مــآ بعد آلزوآج .. "

اخليكم ويا الموضوع ونبدأ ..~»

•

•

•

فالبدايـہ

طرحي لـ هذآ آلموضوع كآن دآفعه [ نية آلإصلآح ] .. و آلرغبة بـ إيصآل آلنآس للحيآة آلتي تضمن للجميع آلسعآدة و آلآستقرآر ..

فالفتره الاخيره مرينا فأمور كثيره محزنه ومضره لمجتمعنا المحافظ ولازم اتكون لنا ردة فعل على إللي يحصل ..
اتعددت الامور وبدينا نجاوز الخطوط الحمرا وما شفنا أي ردة فعل
من ناحية الناس قمنا انشوف الغلط ونسكت عنه ولا نعيره أي اهتمام ونقول الله يهدي فلان
اذا شفناه سوآ غلط وما نروح نقدم له نصيحه بسيطه من صديق لصديقه او اخ لاخوه بل فقط نكتفي بالسكوت ..!

وفي بعض المرات محد يتقبل النصيحه وهاذي بعد مشكله كبيره ..

اعذروني على المقدمه الطويله بس حبيت اوضح عدة نقاط ..
موضوعي يتكلم عن [ المتزوجين حديثاً ]* والموضوع جداً مهم ويستاهل انه ينطرح ..

فالفتره الاخيره قمنا انشوف اشياء كثيره تقهر الواحد والي يقهر اكثر اتكون
من الزوج والزوجه ..
انلاحظ امور كثيره بدت تتغير في الزواج ومشاكل كثيره اتصير
بين الزوج والزوجه ..

وكل إلي يحصل له عددة اسباب والاسباب متعدده ..

منها الزواج السريع او الزواج من بنت العم او الاختيار الخاطئ لشريك الحياه ..

..

وكل هذا طبعاً بيترتب عليه اشياء كثيره منها عدم الاستقرار وازدياد المشاكل الاسريه
والامور بين فتره وفتره بدت تزداد من السيء للأسوأ .. لم نتكفي بالمشاكل الاسريه وطلاق
بل قمنا نشاهد امور ما كنا نتوقع انها تحدث ...
فالفتره الاخيره شفت اشياء ماتدخل الراس ..!

قمت اشوف الحرمه إللي متزوجه حديثاً بعدها اتكلم الشباب إللي كانت تربطهآ فيهم علآقة قديمه والريال بعد نفس الشي يكلم البنات إللي كان على علاقه معهم سابقاً ..

وهني وصلت للنقطه المهمه للموضوع .. *

.

.

يا فلانه ليش اتكلمين الاشخاص إلي كنتي اتكلمينهم قبل ؟
اذا انتي ماتبين تتركينهم ليش اتعرسين ؟!
لو ماعرستي احسن لج ..!
انتي فالمستقبل بتصيرين ام وقدوه لابنائج ** واذا هاذي بدايتها شو بتكون نهايتها ؟؟
اكيد بيكون الندم او الضياع ..!
ونفس ما انتي سويتي عيالج بيسوون ..!
ومن هني بتم السيئات جاريه وحتى
و انتي ميته بتكون السيئات جاريه مابتتوقف لين الاخره ..

كتبت عن المرأه بما فيه الكفايه ..

،،

والحينه بني حق الريايل الي معرسين طبعاً ...

في بعض الامور متشابهه فاللي يصير
ويا المرأه .. يعني نفس الشي الريال يكلم البنات حتى وهو معرس وتم علاقته مستمره
ويا البنات السابقين ومايكتفي بس بالمحادثات او العلاقات السطحيه بالعكس يزيد
كل يوم تلاقيه فمكان ومع وحده وحرمته المسكينه فالبيت تترياه .. "متى بي ريلي "

وهي ماتدري انه ويا وحدة وانه مستانس ....!

والله شي غريب إللي يصير صح ..؟
.

.

.
يا فلان ليش اتسوي كل هذا ؟؟

ليش ماتخلي حياتك تستقر وتترك الامور التافهه ؟؟
قريب بيصير عندك عيال وبتكون مسؤول عن عيالك وبيكونون كلهم في ذمتك ..
واكيد مابترضى على انهم يمشون فالدرب إللي انت مشيته ..
خلاص انهي هالشي
وافتح صفحه يديده فحياتك ..*

سابقاً كنا نسمع انه الزواج استقرار وتكملة نص الدين وامور كثيره ..

بس كل هذا تلاشى في زمنا الحالي ..!
.

.

يا جماعة الخير ليش ما انرد كل هذا ونرضي ربنا ونترك عنا هالاشياء ؟؟
والله الواحد مايقدر يعرس وحنا كل يوم انشوف تجارب غيرنا الفاشلة ..!
خلاص لين متى يعني بنشوف هالامور ونسكت ؟؟

إللي أباه منكم انه كل شخص ينصح القريب منه مايكتفي بالله يهديك ..*

.

.

.

وفي النهاية وقبل لا نختم الموضوع أبا رايكم فالموضوع وعطونا اقترحاتكم لحل هاذي
المشكله ولو عندكم حد مر بهاي التجربه خل يذكرها ويفيدنا فيهآ ..

•

•

•

وفي نهايـہ موضوعي حبيت أشكر كل من دخل آلموضوع ..
و كل من شآرك فيـہ ..

•

•

•

__DEFINE_LIKE_SHARE__

ولد_زعبيل_VTC · 11-01-2009, 02:40 AM

يشرفني اول واحد يرد عليك يا نهاب القلوب ...

موضوعك فنان ويسلمن صبوعك على هالمناقشه الحلوه والتوعيه ...

عندي ملاحظه في رايي طبعا كل الي يستوي من صوب الريال ولا الحرمه ضعف في الدين والايمان لو الانسان ايمانه بالله قوي جان ما استوا ها كله بينهم ...

وما في انسان ما يغلط والله غفور رحيم ...

والسموحه منك ...

تستاهل تقيم على هالموضوع الروعه ...

تقبل مروري ولد زعبيل ... __DEFINE_LIKE_SHARE__

شيطــونة بــٍس مزيــون ـــه · 11-01-2009, 03:16 AM

السلام عليكم ورحمة الله وبركاته

بداية أشكرك على طرح الموضوع

أنا أعتقد أنه هالشيء يصير بسبب زواج الاقارب واختيار شريك الحياه غير المناسب

هو اللي يدفع الواحد وراء هالشي

مثل بعض الرجال يتزوجون بنات عمهم ويحيرونهن ويلعبون من وراهم على كيف كيفهم
، ما يراعون شعور زوجاتهم ... ويعيشونهن في جو متعب ..

والباقي كثيــر

والسموحه من الجميع

ويسلمو على الطرح الرائع __DEFINE_LIKE_SHARE__

ايمـــا · 11-01-2009, 03:16 AM

السلام عليكم ورحمة الله وبركاته

مووووضـوع جيد ورائـع اخوي نهاب ....... وفقت في الطرح

وانا من وجهة نظري انـهـ اساس الظاهرهـ
هي ضعف الوازع الدينــي..... ولا هي وهو من البدايهـ ليش يكلمون حــــد ( قبل الزواج)

ودفـــــــــــن الامـــــــــــر بـالمعروف والنهـــــــــــي عن المـــــنكر

لو احيينا هذا الواجــــب لصـلح الكـــــــثير من شباب وشابــــات هذه الامـــــهـ

وطبـــــــعـــا انا ضـــــــــد هالشي .... لانــــهـ حرااااااااااام

******

واذا كان الزواج بالغــــصب من احــــد الطرفييين ..........

كبعض القبائــــل .. يحجزون البنت للولد من يوم هم صغار ....

****
بــــــــــس يبقى الحـــــــــــــــــرااااااااااام حراااااااااااااااام

دمـــــــــــــت بــــــــــود

__DEFINE_LIKE_SHARE__

"حورية العين" · 11-01-2009, 04:06 AM

تسلم اخوي ع الموضوع الغاوي .. وهاي الحياه الواحد يرضى بنصيبه مهما كان هذا شي مكتوب "قسمه ونصيب" __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
مــآ همنيــــ ليــ كثروآ حسـآدك يـآ "فزآع " .. آنـآ لك عون "ن" دآمنيــ عــآيش " ن " وآفتخـــر فيكــ	نبض روحي	الشيوخ و رؤساء الدول	9	11-19-2009 12:44 AM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM