بسم الله الرحمن الرحيم

السلام عليكم ورحمة الله وبركاته:


الحمد لله أننا حنا كل يوم بالغدا يا دجاج ولا لحم والرز لازم في كل الظروف

يعني الواحد يغير يطلع السوق مره يشري زغاليل ومره بط ومره دجاج حبش ومره ديك رومي ألخ....

وعاد يمخخ يقعد يذبح وينتف وينظف (إيه هين يمخخ) *والمفروض ان كل واحد يجب من ها الاناوع والخيرات والحمد لله الخير واجد.
عاد نبي كل واحد يقولنا وش جرب؟ووش رئيه فيها ؟وكيف لحمها؟وطريقة طبخها؟(إن امكن)

الحمد لله انا جربت الزغاليل والسمان والبط والارنب والنعام.
الزغاليل:لحمها ممتاز ويقولون انه مفيد وتراه حول القميري .
السمان:لحمه ابيض بس صغير يعني الواحد تكفيه ثلاث.
النعام:ممتاز ولحمه احمر وهوب بعيد عن الحاشي.

واللي ما جربته وودي اجربه دجاج الحبش والديك الرومي والوز.وش رايكم فيها.

وشكرا