.:[ عطسة فار المسكين ]:.

عطسة فار · #1 09-25-2009, 06:22 AM

السلام عليكم ورحمة الله وبركاتة

.:[ القصة المؤلمة التي حصلت لعطسة فار ]:.

مضمون القصة كالتالي .......

كنت انا وأحد الاصدقاء .

انا = المجني علية

أحد الاصدقاء = الجاني والمجرم

---

المهم

كنا تونا متلاقين . فـ قلت له شو رايك نشغل هالسيارة لانة صار لها اكثر من اسبوعين واقفة ومحد شغلها ..!!

قال اوكي .. بس المشكلة إن السيارة مفضية بطاريتها ..

والمشكلة الثانية إن البترول مخلص عنها !!!

فـ خلينا البطارية تجرج . ورحنا نييب بترول من الشيشة .

سرنا وترسنا دبة ورجعنا .

المهم المشكلة كانت .!! كيف نصب البترول فالسيارة .!!

والحل كان . إنة نييب دبة مسافي ونقصها من النص عشان نقدر نصب البترول فالسيارة

المهم سرت البيت يبت دبة ويبت سجين .

والمجرم كان ميود السجين وانا ميود الدبة .

وفجأة وبدون سابق انذار . ماحسيت إلا بضربة على إيدي ..

والدم بدأ ينطشش على كندورتي .

واربع ادش السيارة واطلع كلينكس واحطة على إيدي .

المشكلة الجرح كان ينزف بصورة غير طبيعية

المجرم يقول لي روح صب عليه ماي بارد . وانا اشوف الجرح كان وايد عميق وينزف وايد

قلت له لازم اروح المستشفى . قال هات ماي بارد .

المهم رحت البيت وترست كوب ماي بارد جداً .. وحطيت صبعي فيه .

بعد اقل من دقيقة صار الماي فيمتووووو . احمرررررررررر

ورجعت احط كلينكس .. حطيت خمس او ست طبقات كلينكس على صبعي .

والدم بدأ ينتشر في الكلينكسسسسسس

وركبت السيارة وصورت لكم المرحلة الاولى .. << متفيق ههه

الصورة

من كثر مانزفت الدم بدأت إيدي تعورني . واحس بخمول فيها ونقص الدم منها .

المهم وصلت المستشفى والكلينكس في إيدي

على طول الدكتور دخلني الغرفة .

قالي يبالة خياطة !!!!

قلت له اذا بتعطيني بنج بخليك تخيط واذا مابتعطيني بنج مابخليك تخييط ..

حليلة قال اوكي بعطيك بنج .

على صقعني ابرتين فالصبع المجروح .

وعلى طول بدأ مفعول البنج وماقمت احس بصبعي نهائياً .

وبدأ الخياطة . والمجرم وياي فالغرفة ويطالع هههه

على طول من خلص الخياطة صورت لكم المرحلة الثانية .

[COLOR="Red"]الصورة[/COLOR]

وعقب خلصصصصصصصصصصنا .

بدأت السستر تطهر الجرح وتنظفة من الدم .. وحطت لي شاش . ولفت الصبع .

وعقبها إبرة ثانية في الكتف عشان التسمم ..

والحين بدأ يخوز مفعول البنج من إيدي وبدأ الالم مفعولة ههه ..

وتوتة توتة خلصت الحتوتة __DEFINE_LIKE_SHARE__

Ŋαнάb έŁġļờ0b · 09-25-2009, 06:27 AM

سلامات عطسة فار / ..

ماتشوف شر اخويه يعله فيني ولا فيك يالغاالي / .. __DEFINE_LIKE_SHARE__

ماخليــ اسم تــولي · 09-25-2009, 06:33 AM

~{ سلامات ماتشووف شرر .. يعله في العدو ولا فييك وربي يعاافيك انشالله

يسلمو ع الطرح و ربي يعطييك الف الف عآآفية ~* __DEFINE_LIKE_SHARE__

عطسة فار · 09-25-2009, 06:41 AM

المشاركة الأصلية كتبت بواسطة Ŋαнάb έŁġļờ0b

سلامات عطسة فار / ..

ماتشوف شر اخويه يعله فيني ولا فيك يالغاالي / ..

الله يسلمك فديتك .

لا تدعي على عمرك ماتهون علي :$

عساه فالعدوان ان شاء الله __DEFINE_LIKE_SHARE__

عطسة فار · 09-25-2009, 06:41 AM

المشاركة الأصلية كتبت بواسطة ماخليــ اسم تــولي

~{ سلامات ماتشووف شرر .. يعله في العدو ولا فييك وربي يعاافيك انشالله

يسلمو ع الطرح و ربي يعطييك الف الف عآآفية ~*

الله يسلمج .. اميين عساه في العدوان . __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعذيببب اللضبان المسكين	محروم.كوم	منتدى أخبار المواقع والمنتديات العربية والأجنبية	0	04-12-2010 01:10 AM
لغز عجل ،، يا شيخنا المسكين صابنا ملل	محروم.كوم	منتدى أخبار المواقع والمنتديات العربية والأجنبية	0	02-18-2010 01:00 PM
من يسمح دمعة هذا المسكين ؟	محروم.كوم	منتدى أخبار المواقع والمنتديات العربية والأجنبية	0	08-12-2009 05:50 AM
من يسمح دمعة هذا المسكين ؟	محروم.كوم	منتدى أخبار المواقع والمنتديات العربية والأجنبية	0	08-12-2009 05:40 AM
السلوقي المسكين	محروم.كوم	منتدى أخبار المواقع والمنتديات العربية والأجنبية	0	04-27-2009 12:30 PM