ياهيه لوبررتلي كل الاعذار =يبقى لي الواقع يقول الحقيقه
والصيت يبقى والفنا حظ الاعمار =والوقت يغرينا ويجذب بريقه
اصغي وانا باقولك والخطا صار= والعذر مادواى الجروح العميقه
ماهي سوالف ينقله شخص ثرثار =الادمانا كل يومن يريقه
طعنت قريب جاوز حدود الاسرار =وحطم تماثيل العهود الوثيقه
ولاهي توافق راي في حكم الافكار =الاعلى ماقيل نار وحريقه
وانا على الطاروق في وجه الاعصار =لحظه يغيبنا ولحظه نفيقه
ابحتريه ان حرك الريح الاشجار =واعاتبه مثل الصديق لصديقه
واليا انتصف ليل العنا عفت الاشوار =وحملت نفسي فوق مالاتطيقه
قلت احملو نص الخبر ضمن الاخبار =للشاعر اللي مايبور برفيقه
على الذي اسرع من الطير لاطار =وارق من حلم القلوب الرقيقه
بي ام وان قالو هلاالصنف مشوار =ترجح موازينه ويربح فريقه
الياسرت هانت مسافات الاسفار =ماكن يوجد بالسفر مايعيقه
واستغفرالله لامشت كن الاقدار =تمشي على كيفه وتتبع طريقه
جوانبه تعطي على ضو الانوار =بحرٍ غدت فيه البواخر غريقه
اليااقبلت غيمه تبشربالامطار =والياادبرت ليلٍ سرته الخليقه
من حائل المسرى عن عيون الانظار =النفس حره والنوايا طليقه
ياسايقه يامسندي يابن الاحرار =انت الشقيق اللي يهمه شقيقه
وصل وصايا صاحبك وانت مغوار= واحسب مشاوير السفربالدقيقه
وان جيت راع الجود في وصف الاذكار =عطه العلوم اللي روت بالسليقه
هذاك ابوصالح الياضاق محتار= ياقف مواقيف السباع المويقه
اخوي وان دق الجرس صوت الاخطار =يجلي عن قلوب المشقين ضيقه
قله وصلنا لعبة القط والفار =واهل الجدايد يجلبون العتيقه
الريح جابتهم من حدود الامصار =وصار النحل يدفع ضريبه رحيقه

سوالفن ماهي عن صغار وكبار=الاضياع اهل الاصول العريقه
وكان الكلام اللي بدى يجلب العار=البريابس والحديقه حديقه

عندي لهم علمٍ عن الحرب والثار= وحقايقٍ في محتواها دقيقه
واليوم ندمحها على شان الاخيار =وان عوّدت دم المخوه نريقه
واقبل حروفن نصها نزف الاشعار =مضمونها وصف وخيال وحقيقه

خابت ظنون اللي وثق في ظنونـه=انشهدان بعض الاوادم ماهو شـي
ارسلت له بالخاص من باب مونـه=واليوم ماحصلت لي حـي بالحـي
ياليتنـي جبـت الميانـات دونـه=ماكنت احمل ضيقتي صاحبٍ لـي
ماجيـت ادور للمعـزب مهونـه=وشلون دامي وارثٍ حاتـم الطـي
اعطي رفيقي لين تقضـي ديونـه=واشرهه على راع المواجيب والعي
والا الردي خلـه يقلـب عيونـه=في ظلمةٍ ماجاله النـور والضـي
ننساه واهـل المرجلـه ينكرونـه=مادام ماهو عن لظا شمسنـا فـي
احدٍ على الطولات فسـر ردونـه=واحدٍ خذاه الكبر والجهـل والغـي
وانا مع الطيـب لحونـي لحونـه=اقدره وانبذ هـلا العيـب والسـي
طالـع وتلقـا بـالاوادم نمـونـه=تقصر منافيعه عن البـي والخـي
يمـوت بيـن النـاس مايعرفونـه=ماضاف في سيرت حياته ولاشـي