قلي : ما سمعت كلامي

محروم.كوم · #1 12-29-2018, 04:51 PM

السلام عليكم ورحمة الله وبركاته
مساكم الله بالخير الجميع

اذكر انه في شهر شباط من عام 1993 من القرن الماضي جا منخفض جوي محمل بالامطار استمر حوالي 5 ايام ما شاء الله مطر غزير قال خبير الارصاد الجويه نها كمية المطر اللي نزلت على بعض المناطق بلغت 70 ملم في 5 ايام بعد هالمنخفض بحوالي 5 ايام اخذت اجازه من العسكريه ورحت للديره حبيت اطلع جوله حول الديره على صهوة حصاني اليحموم والد حصاني الاغر
فقالي خالي : يبه لا تبعد عن الديره ترى هاذ شهر شباط ما عليه رباط .
قلت له : توكل على الله ركبت اليحموم وطلعت ابعدت مسافه قدرتها حوالي 7 كلم .
عن الديره كان ذاك اليوم خالي من الغيوم ومشمس ارتديت فوق الثوب بلوزه شتويه خفيفه وعلى هاذ البعد عن الديره في احد الوديان ما لاحظت الغيوم السودا البعيده المحمله بالامطار تجمعت الغيوم وبدا لمع البرق ودوى صوت الرعد ونزل المطر وبدا الهوا البارد يصكني لكزت حصاني واخذت طرف الوادي وطلعت من مجرى السيل قبل يبدى ويوصلني
التصمت بشماغي وطردت بالحصان لاجل ارجع بسرعه للديره لكن هيهات ارجع بسرعه الطريق فيه مناطق وعره وضيقه ما اقدر اطرد بالحصان فيها واضطريت امشي بالحصان على مهل اخذ
وقت معي وقت حوالي 10 دقايق المطر يتساقط علي وعلى الحصان والهوا البارد يصكني من جميع الجهات وتبللت هدومي لكن ما في مجال إلا ارجع للبيت .

طلعت من المنطقه الوعره لمنطقه سهليه لكن ما في مجال اطرد بالحصان الخوف يتزحلق الحصان لانها الارض طينيه واحتمال انه الحصان يتزحلق وارده 100% لين طلعت من الارض الطينيه
اخذت وقت قدرته حوالي 10 دقايق كنت اسابق الوقت لاجل اوصل البيت بسرعه وصلت طريق زراعي مرصوف بالحصى طوله حوالي 3500 متر حينها دفعت حصاني اليحموم

انه ينطلق باقصى سرعته خلال طرد الحصان كان المطر يزيد نزوله وقطراته كبيره ناهيكم عن الهوا البارد اللي يصكني واحس انه يضرب العظم وصلت نهاية الطريق الزراعي شديت لجام اليحموم توقف لحظات وتركته يمشي بعجله شوي لانها الطريق مسفلته وصلت بيت خالي ودخلت بالحصان حوش البيت كان خالي يستعد انه يشب نار كان يكسر فروع الحطب الجافه ويحطها في المنقل

داخل تنكه كبيره مفتوحه من الطرفين طرحت السلام عليه رد السلام وجاني بسرعه نزلت عن الحصان كانت هدومي مبلله وصل البلل لهدومي الداخليه وحصاني غرقان بموية المطر سحب الحصان وربطه داخل حظيره مسقوفه فيها فرس خالي
قالي : يبه الله يرضى عليك قلت لك لا تبعد عن الديره هاذ شهر شباط ما سمعت كلامي روح بدل هدومك .
توجهت للبيت طلعت بنت خالي وشافتني مبلول رجعت بالحال للبيت سمعت صوت حريم ناظرت باب البيت اذا شايبتي الله يرحمها واموات المسلمين وكان جنبها وزوجة خالي و( خالتي )
امي بالرضاعه واقفات يناظروني
قالت لي زوجة خالي : تعال بسرعه يمه ادخل البيت وبدل هدومك المبلوله من المطر .
دخلت وطرحت عليهم السلام ردو السلام جتني بنت خالي .
وقالت لي : روح الغرفه هناك تلاقي منشفه وهدوم نظيفه وجافه بدل هدومك وعطني هدومك المبلوله
دخلت الغرفه تنشفت وبدلت هدومي عطيتهم الهدوم المبلوله ورحت لخالي كان ينشف حصاني من موية المطر
قلت له : يبه انا اشب النار وانشف الحصان معاك من موية المطر .
رد علي : يبه البرد ما هو بزيين للحصان كنت تطرد فيه سخن جسمه وبنفس الوقت كان المطر ينزل عليه المطر
بديت اشب النار واحط قطع حطب كبيره واحرك التنكه لاجل الجمر يتساقط في المنقل والحطب اللي ما اشتعل زيين يشتعل ويصير جمر تركت النار ورحت لخالي وصرت اساعده بتنشيف الحصان
الحصان وارد ارجع للنار اشبها من جديد واحط قطع الفحم الكبيره والجفت مخلفات ثمار الزيتون بعد عصرالزيت منها ظليت اروح للحصان وارجع للنار لين تنشف الحصان وصارت النار جاهزه وكلها جمر احمر
الله يكافينا شرها اللهم آمييين **** اللهم آمييين
قالي خالي : الله يرضى عليك يبه علف الحصان ولا تسقيه الحين وخلنا ندخل المنقل للديوان .
رديت عليه : لا توصي حريص يبه
علفت الحصان وحملت المنقل مع خالي وادخلناه للديوان وحطينا دلال القهوه حوله غلقت باب الديوان بعد حوالي ساعه كان جو الديوان عبق بالحراره .
ذاك اليوم كل فتره اروح اشوف واتطمن على حصاني وجا الليل ظليت طول ذيك الليله افكر بالحصان وما عرفت طعم النوم من قلقي عليه وما أن طلع النهار قمت بسرعه رحت اتفقده حين قربت
من الحظيره صفرت لحصاني صهل لي رحت بسرعه للباب وفتحته كان حصاني طليق في الحظيره ارتحت فتحت الحظيره ودخلت عنده وصرت امسحها بيدي كان يقرب فمه من راسي ويشد شماغي عن راسي
قلت له : خشمك لقدام خشمك لقدام مد راسه حطيت قبله على جبينه .
وقلت له : العذر والسموحه على ما بدر مني امس بحقك خليتك تمشي تحت الطل والمطر في الجو البارد امس
جبت العلف وحطيته له وجبت المويه في ماعون كبير وحطيتها قدامه صار يشرب لاني ما سقيته حين وصلت البيت لسبب انه داخل جسمه تكون الحراره مرتفعه بسبب الطراد حين يشرب تدخل
المويه البارده داخل جسمه فتتقلص اعضاءه الداخليه بعد ما تكون تمددت فتصيبه صدمه واحتمال تكون قاتله والحمدلله ما صارله شيء
اذا صوت خالي يقولي : صباح الخير يبه
ناظرته وقلت : صباح النور يبه رحت عنده ومسكت يده لاجل احب عليها سحبها .
وقالي : الله يرضى عليك يبه حصانك ما عليه إلا العافيه والحمدلله مرت ( ن ) ثانيه لزوم تسمع كلامي لاجل ما يصير اللي صارلك امس
رديت عليه : حاضر يبه ما عدت اسويها مرت (ن ) ثانيه
بعد ذيك الحادثه ما طلعت مشوار وابعدت عن الديره على ظهر حصاني بجو بارد وماطر
ملاحظه : خالي اناديه يبه لانه رباني بعد وفاة شايبي رحمه الله واموات المسلمين
وسلامتكم يالربع .
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للبيع كشافات نيبو nebo الاصليه بقوة 250 شمعة و 310 شمعة (يوجد شحن فيديكس)	محروم.كوم	منتدى أخبار المواقع والمنتديات العربية والأجنبية	0	08-20-2014 06:11 PM
قلي يا فتى الجود قلي	محروم.كوم	منتدى أخبار المواقع والمنتديات العربية والأجنبية	0	05-22-2013 01:50 AM
راع الحزم قلي قلي ...والله يرد الهلالي	محروم.كوم	منتدى أخبار المواقع والمنتديات العربية والأجنبية	0	10-18-2011 12:40 PM
سمعت انك تزوجت سمعت البارحه عرسك sms mms	محروم.كوم	منتدى أخبار المواقع والمنتديات العربية والأجنبية	0	12-25-2009 01:30 PM
أشعل شمعة .. واطفئ شمعة	اميرة بكلمتها	الإستراحه العامة	8	09-26-2009 01:13 AM