السلام عليكم ورحمة الله وبركاته
كل عام وانتم بخير
اخباركم جميع وصيا مقبول باذن الله
بادخل في الموضوع على طول

يالربع طلعت رحلة قنص ليليه في ديار غامد ادور للارانب
والله ماخليت مكان قد لقيت فيه ارنب اللا ودورت عليه مالكم بالطويله
قاعد افر انا وواحد من الشباب معانا سلاحنا اللي مو مرخص وموترنا المجهز بشموس ماشاء الله مو كبسات ولا كشافات

المهم طلعنا بجبل خبري فيه مابه احد من الناس
والله فجأه اللا ويطب علينا هذاك الكبسوله
الجو لليل والموتر من بعيد كأنه جيب حكومه
خبركم السلاح اللي معانا مو مرخص بس المنطقه مو محميه
مالكم بالطويله
قلت يارجال خلنا نشوف وش عنده واللي كاتبه الله بيصير
والله قرب الموتر قلنا ذا قاصدنا كانها حكومه رحنا فيها
قرب الموتر اكثر واكثر الا ويحجر لنا ويوقفنا
مانزلنا من موترنا وهو مانزل طبعا طفينا كشافاتنا م اول ماشفناه
بس يومه طول بسيارته وحنا مو شايفين شي قلت له شغل كشافاتك
تتوقعون وش المفاجأه؟؟؟
تخيل نفسك محاصر بجبل وقدامك جيب كبسوله طافيه انواره ومنور كشافك على خشم رشاش؟؟
والله ما اهتمينا عاد قلت انا شكلنا رحنا فيها لكن اذا معه رشاش معانا سلاحنا هوواحد وحنا خمسه
انتظرنا وزهبنا امورنا للاسوء
انتظرنا يمكن خمس دقايق وحنا على قولتهم نتنفس الصعداء
نبي نعرف وش في خاطره
قت انا بيني وبين نفسي هذي حزتي يابها يابقص رقابها بس نعرف وش يبي
قلت للرجال طف كشافاتك وخلني انزل
والله نزلت انا وخويي وسلمت من بعيد ونزل بسلاحه معاه
دار بيننا اللي دار من كلام
انا احاول قد ما اقدر اهدي الموضوع والرجال طايح فيني سب وشتم
في الاخير عرف وش سبب زعله
يقول انكم نورتو علي خيمتي وعلى عيالي بكشافاتكم وحنا مانتبها
عرفت وقتها انا غلطانين بس حاولت اني ابرر تصرفه مالقيت له اي مبرر
وسألت اللي كانو معاي قالو ماشفنا ولا خيمه
انا اصدق مين واللامين الرجال يسب ويشتم وانا ماسك نفسي
ماترك لي مجال للاعتذار
قلت بيني وبين نفسي باعتذر عن كشف بيته وبعدها نتصافا على السب والشتم وتهديد السلاح
والحمد لله عدت سلامات
ابغى تعليقاتكم
وهل تصرفي صح ؟؟ واللا ؟؟؟
وهل تصرفه صح ؟؟؟ والا ؟؟؟
يا اخون لي ثلاثه ايام وانا حارق دمي