حين تغرت تعابير المعزبين

محروم.كوم · #1 06-26-2017, 03:51 PM

مسيكم بالخير الجميع .
كل عام وانتم بخير وعساكم من عواده .
ذات يوم طلعت القنيص ورافقني صديق طفولتي حميدي وبنفس الوقت يكون
زوج اختي من الرضاعه ( بنت خالتي ).
3 ايام وحنا بالقنيص ونتنقل من مكان لمكان .
اخر يوم كنا في مكان بعيد عن ديرتنا تقريبا حوالي 25 كليو متر
مرينا من جنب ناس قريب وقت المغرب كانو معزبين بشياههم كانو جالسين في بيوت شعر
عدد بيوت الشعر 5 بيوت .
وجاني وجع الضروس التصمت بشماغي من الوجع .
قالي زوج اختي : خلنا نروح للربع يجوز نلاقي عندهم شيء يخفف وجع ضروسك
هزيت راسي موافق .
اقرب بيت شعر علينا وهو اكبرها رحنا لهم .
حين شافونا الربع وقفوا وقالوا : هلا بضيوف الرحمن حياكم الله .
ربطنا خيولنا ودخلنا بيت الشعر طرحنا السلام عليهم و صافحنا الموجودين .
اكبر رجال فيهم بالسن اجلسنا جنبه كنت اتوجع من ضرسي
فقالي : عين خير يا ابن آخي عندنا شيء يخفف وجعك ان شاء الله القهوه يبه
نادى على شخص وهمس شيء باذنه وجلس جنبي .
حين صب لي الرجال الفنجال نزلت شماغي عن وجهي وشربت الفنجال
اذا الربع تغيرت تعابير وجوههم وصاروا يناظرون بعض بغضب
قلت لزوج اختي : خلنا نكمل طريقنا الربع ما ودهم نظل عندهم
وقفنا لاجل نطلع من بيت الشعر .
مد الرجال الكبير في السن يده قدامنا وقال : اجلسوا يالربع الكلام ما خلص .
وحلف يمين بالله ما نطلع من بيت الشعر إلا بعد ما ناخذ واجب الضيافه
اجلسونا الربع وتعذروا على اللي حصل .
قال الرجال الكبير في السن .
يا ابن آخي لا تواخذنا على اللي حصل لزوم تعرف سبب اللي حصل
قبل حوالي 5 سنوات في شخص يشبهك قتل ابن اخوي عقدنا صلح مع اهله
لكن هاذ الشخص مهدور دمه وللحين ما احد يعرف وين هو .
شخص جاب زجاجة عطر وقطعة قطن وحط العطر عليها
وقالي : حط القطن على ضرسك واضغط عليها بركاده انشاء الله يخف وجعك
حطيت قطعة القطن على ضرسي وضغطت عليها بعد لحظات بدا الوجع يخف
قلت للربع : يا معزبين الرحمن اسمي حمود حسن وهاذ بطاقتي الشخصيه
عطيتها للرجال اللي جنبي ناظرها ورجعها لي .
قالي : يا ضيوف الرحمن توكلوا على الله .
ناظرت ساعة يدي وقلت لهم يالربع ودي اتوضا لصلاة المغرب
عطونا مويه توضيت وزوج اختي وصلينا مع الربع صلاة المغرب جماعه
بعد الصلاه الربع جابو العشا كان منسف باللحم البلدي .
تعشينا عندهم وقضينا ليلتنا عندهم وبعد الفطور
قلت لهم : بيض الله وجهيكم ما قصرتو وفيتم وكفيتم يالربع اي شخص منكم
يلفي ديرتنا يسأل عني وعن زوج اختي الجميع يدلكم علينا
ودعناهم ورجعنا لديرتنا سولفت لخوالي اللي حصل عند الربع

بعد حوالي سنه التقينا بالربع ذول في فرح
سولفنا مع بعض وطلبنا منهم يضيفونا وهاذ اللي حصل
وحنا نسولف ذكرو سالفة اللي قتل ولدهم
تبين مكانه انه مختبي في قريه نائيه حين حين راحت الشرطه تقبض عليه
انحاش بسياره وكان ينطلق بسرعه جنونيه فضربت اطارات السياره بتبة رمل
ولشدة السرعه طارت بالجو وضربت بالارض وقلبت عدة مرات
وحين وصلوه وطلعوه من السياره كان دمه يغرق جسمه .
توفاه الله الله يرحمه واموات المسلمين .
الربع ذول صار بينهم وبين اخوالي تجارة اغنام وزيت الزيتون .
والحمدلله دووم الربح طيب وصار بينا وبينهم مصاهره ونسب
وسلامتكم يالربع .
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ مشكله ] : تغرة Bypass ثغرة خطرة .. ارجو الحل	محروم.كوم	منتدى أخبار المواقع والمنتديات العربية والأجنبية	0	08-28-2011 08:50 AM
موسيقى " سهارى الليل " : إيقاع حزين و تعابير موسيقية موفقة و أصيلة ( لا تفوتك ) !	محروم.كوم	منتدى أخبار المواقع والمنتديات العربية والأجنبية	0	12-09-2009 08:10 AM
موسيقى " سهارى الليل " : إيقاع حزين و تعابير موسيقية موفقة و أصيلة ( لا تفوتك ) !	محروم.كوم	منتدى أخبار المواقع والمنتديات العربية والأجنبية	0	12-09-2009 08:00 AM
ثغرة ثغرة الدخول كمشرف هل من حل	محروم.كوم	منتدى أخبار المواقع والمنتديات العربية والأجنبية	0	10-30-2009 06:30 PM
ثغرة ثغرة الدخول كمشرف هل من حل	محروم.كوم	منتدى أخبار المواقع والمنتديات العربية والأجنبية	0	10-30-2009 06:20 PM