الثور الاحمر العنيف

محروم.كوم · #1 06-09-2017, 02:22 AM

مسيكم بالخير الجميع .
شخص في ديرتنا كان يربي بقره حلوب وعجلها وكبر هالعجل وصار ثور ولكنه مشاكس وعنيف ان طلع من مربطه يسوي حظر تجول في الحي .
ذات يوم كنت انظف حصاني بفرشاه كبيره تحت شجره جنب البيت سمعت اصوات وصراخ ناظرت صوب الاصوات .
اذا الثور في الشارع والجميع ينحاشون من قدامه كنت بعيد عنه حوالي 300 متر تقريبا ما ظل احد في الشارع وقفت مكاني اناظره .
ناظرني وصار يحفر الارض برجله وانطلق صوبي ركبت حصاني بدون سرج ولا رسن ولكزته برجولي وانطلقت صوب حوطه كان يستعمها خالي .
للشياه كان الثور منطلق خلفي دخلت من الباب الاول وطلعت من الباب الثاني نزلت عن ظهر حصاني وغلقت الباب ورجعت للباب الاول وغلقته .

حصرت الثور داخل الحوطه ناظرت حولي كانت الناس على شرفات بيوتها يناظروني وقفت على جدار الحوطه اندفع الثور ونطح الباب بقوه .
ارسلت شخص على مزرعة خالي وهي قريبه من الحوطه جاب حبل سويته على شكل انشوطه ربطت الطرف الثاني بشجرة بلوط قديمه وكبيره .
صرت اطوح الحبل بالهوا وارميه على الثور بعد محاولات عديده شبك الحبل بقرون الثور صار الثور يشد الحبل قطعه بقوته الجسديه الهائله.
رديت ارسلت نفس الشخص جاب حبلين جدلتهم على بعض وربطت طرفهم في الشجره وصرت الوح بالطرف الثاني وارميه على الثور .
لين شبك بقرونه صار الثور يشد الحبال لكنه ما قدر يقطعه نزلت عند الثور وظليت على مسافة حوالي 3 امتار ونزل معي صديق لي اسمه خالد .
صار خالد يشاغل الثور وقربت من الثور وبالحبل الاول لفيته على ارجوله الخلفيه بسرعه وشديت الحبل وساعدني صديقي خالد وبعض الشباب .
ظلينا نشد الحبل لين جلس الثور على الارض قمنا ربطنا ارجوله الاماميه في باقي الحبل والناس تصارخ واللي يعطينا نصايح .
ناظرت ارجول الثور كانت ضخمه حيييل كانها اعمدة الرخام .
جبنا محفه خشبيه كبيره كل لوح خشب يقابله لوح خشب وكل الاخشاب مثبته ببعضها بمسامير حديديه كبيره بدينا نحرك الثور بألواح خشبيه
لين اطلعناه على المحفه وجبت سائق الجرار الزراعي ورفعنا المحفه بالجرار الزراعي ورحنا لبيت راعي الثور لحقنا ناس كثيير لين سلمنا الثور لراعيه .
قلت له : تحرص عليه لا يطلع مره ثانيه وننبلش فيه .
مضى يومين كنت جالس جنب بيت خالتي (امي بالرضاعه ) سمعنا صوت ضجيج والناس تتراكض بالشارع مر عني شخص من اهل الديره .
قالي : يا ابو ضاري ادخل البيت ترى الثورالاحمر منطلق في الشارع ما احد عارف يسيطر عليه .
اذا الثور يطارد بالشارع مثل الدبابه غلقت باب بيت خالتي ورحت على بيتي بسرعه احضرت حبال طويله ومتينه طلعت من حوش بيتي وتسلقت .
جدار بيت قديم ما احد يسكنه ناظرت بيت صديقي خالد ومشيت من سطح لسطح لين وصلت بيته ناديت عليه طلع .
قالي : الثور مره ثانيه وبعدين معاه ما في فكاك منه ؟
جا معي وناظرنا الثور كان في الشارع ما في احد يقدر يوقف قدامه .
قلت لصديقي خالد : اسمع امشي على الجدار وافتح باب البيت خله يدخل الحوش حينها نقدر نسيطر عليه .
راح صديقي وفتح الباب بركاده وطلع على الدرج دخل الثور حوش البيت قفز صديقي خالد على الشارع وغلق الباب وتسلق الجدار مره ثانيه .
جدلت الحبال ببعضها وصرت اطوح الحبال وارميها عليه لين شبكت بقرونه صرت اسحبه بركاده لين ادخلته مكان وغلقنا عليه الباب .
اذا راعي الثور وصل عندنا طرح السلام علينا ردينا السلام
قال : بيض الله وجيهكم غلبتكم معي مدري شلون انطلق الثور من حظيرته .
سحب الثور واخذه معه لبيته ثاني يوم كنت في بيت خالي ابو حاتم وقت العصر شبيت النار لاجل حريمنا يخبزون العجين .
كنت جالس مع خالي وبعض شيبان العشيره نسولف اذا نسمع صراخ حريمنا فزعنا اذا الثور داخل حوش بيت خالي قرب الثور صوب حظيرة .
فرس خالي وداخلها الفرس وشاه شاميه وصخولها وبضع نعجات والخراف الصغيره بدا الثور ينطح باب الحظيره بقوه .
وحينها طلع صهيل الفرس مختلط بثغا الشاه ومأمأة النعاج كان بينا وبين الثور جدار ارتفاعه 150 سنتمتر قام خالي سحب مسدسه وبدا يطلق الرصاص في الهوا
انحاش الثور اثناء اطلاق الرصاص صابت رصاصه جدار وارتدت صابت الثور في راسه فطلع من حوش البيت وهو يتخابط ووقع على الارض .
كان في سكين كبيره جنب مكان الحريم يقطعون فيها بعض قطع اللحم حملت السكين ولحقت الثور كان الثور واقع على الارض ويتحرك قرب منه خالي بركاده .
وقام بحزه من رقبته فرشق الدم الحار منه على ثوبي وعلى ثوب خالي وصل راعي الثور وشافه وهو مذبوح على الارض .
فقال : قدر الله وما شاء فعل الله يعوضني خير .
قاله خالي : اسمع كم ثمن هالثور ما ارضى لك الخساره .
قال راعي الثور : عليها وجوه الربع ابو سعيد الجزار من الديره اللي جنبنا دفع لي ثمنه 1000 الف دينار .

قاله خالي : الليله بعد صلاة المغرب تاخذ ثمنه الف دينار جا جزار من ديرتنا وقام بسلخ الثور وتقطيعه وبيعه لاهل الديره وصل وزن الثور 700 كيلو جرام .
وزن جلد الثور وصل 40 كيلو جرام .
مسا ذاك اليوم بعد صلاة المغرب تجمع بعض شيبان العشيره والديره وحضر راعي الثور واستلم من خالي بحضور الربع مبلغ الف دينار .
بقرة الريال هاذ انجبت ثور ثاني وكان لونه ابيض واسود وكان اشرس واعنف من اخوه صاحب اللون الاحمر وكان اهل الديره يسمونه الصخره الحمرا .
لضخامته وشراسته وعنفه سالفته اسردها عليكم المره القادمه ان شاء الله .
وسلامتكم يالربع .

صوره تعبيريه .

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برج الثور وتوقعات برج الثور فى الحب والعاطفة	محروم.كوم	منتدى أخبار المواقع والمنتديات العربية والأجنبية	0	08-29-2016 03:30 AM
برج الثور وتوقعات برج الثور فى الحب والعاطفة	راحل باشا	رياضة محلية و عالمية	0	08-29-2016 02:35 AM
برج الثور توقعات برج الثور شهر اغسطس	راحل باشا	رياضة محلية و عالمية	0	08-27-2016 10:41 PM
[طلب] تصغير حجم البنر مع المحافظة على جودخ البنر	محروم.كوم	منتدى أخبار المواقع والمنتديات العربية والأجنبية	0	09-15-2011 08:40 PM
اللون الاحمر ومااللون الاحمر	حمامـ الوادي ـة	الأناقة والجمال والموضه والطفل	13	01-11-2008 11:18 PM