|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته .
__DEFINE_LIKE_SHARE__
صبحكم الله بالخير الجميع . في احد السنين حدث في ديرتنا ابتدا اهل ديرتي يفتقدون بعض حلالهم ينام الشخص حين يصحى الصبح . يلاقي جدي او خروف مقتول وعليه اثار هجوم دموي ووحشي من حيوان مفترس . الجميع اكدوا انها هاذ اثار ذيب ضخم وما يسوي هالشيء الا ذيب . صديقي ابو مرزوق قال : هاذ ما هي اثار ذيب / هاذ اثار كلب من فصيله معروفه بضخامتها . لكن ما احد شاف هالكلب او عرفه او من راعيه . ذات يوم كنت بطرف الديره لاحظت كلب غريب عن الديره كان بلون اسود راسه ضخم . وذيله مقطوع حسب معرفتي كان من فصلية ( روت وايلر ) . وهاذ الفصيله معروفه بشراستها وضخامتها . تكررت حوادث هجوم هالكلب على اهل الديره حتى الدجاج ما سلم من شره واضطر . اهل الديره يطلبوا المساعده من دائرة البيطره حطوا له سموم وافخاخ وما نفع معه . تفادى الافخاخ والسموم وكأنه يعرف انه هاذ سم يقتله . مضى هالوضع حوالي 60 يوم كنت اترك حصاني في الليل في حظيرة خالي يحط فيها . فرسه وبضع نعجات وعنزه شاميه وصخولها . في ذات يوم هميت اطلع من البيت شعرت بشيء يقولي لزوم اتفقد مربط حصاني عند مذوده . توجهت للمذود شفت اثار دقيت على صديقي ابو مرزوق جا عندي وشاف الاثار . فقالي : هاذ اثار الكلب العقور . قلت له : لو صحيت عليه ما وفرته . توجهنا لبيت خالي ابو حاتم وسولفنا بامر هالكلب ويش السواه معاه ؟ ما عرفنا سبيل نقضي عليه والمشكله انه في النهار ما يظهر ولا احد يشوفه وهاذ معضله . في تلك الليله كان باقي لي من اجازتي من الوظيفه 3 اياااام بعد نص الليل صحيت . على صوت التلفون رفعت السماعه ورديت : وقلت : الوووو توقعت انهم يطلبوني للوظيفه . المتصل : الووو ابو ظاري نصيتك يا خووي . كانت اختي الاكبر مني قلت : ابشري يا خيتي عسى ما شر ؟ قالت : سمعت شيء بحوش البيت وصياح الدجاج . قلت : مسافة الطريق واكون عندك لا تفتحي الباب الا حين ادق باب البيت واقولك انا حمود . سكرت الخط وحملت سلاحي وطلعت من البيت ناظرت مربط الحصان . صفرت له جاني ركبته بدون سرج ولا لجام كان عليه الرسن ضربته على رقبته وتوجهت . صوب بيت اختي لين وصلت قريب من بيتها توقف الحصان وصار يرجع للخلف ويطلع . صوت من خشومه ويحرك راسه بعصبيه حاولت بكل جهدي اخليه يمشي لقدام ابد انه يتقدم . نزلت عن ظهره فجأه انطلق الحصان صوب بيتي ناظرت حولي واصغيت السمع ما في اي صوت . كان الصمت العميق صمت مريب والهدوء اللي يسبق العاصفه . توجهت لبيت اختي وكان يبعد عني حوالي 200 متر بالتقريب طلعت على الجدار . وناظرت حوش البيت ما في شيء لكن قن الدجاج كان طرفه منزوع نزلت للحوش ورحت . على طرف البيت وناظرت خلف البيت ما في شيء رجعت للحوش سمعت صوت . ما عرفت مصدره قفزت مره ثانيه على الجدار وناظرت حولي ونزلت على الشارع . قلت في نفسي : يا ترى هالصوت اللي سمعته خيال والا حقيقه ؟ توجهت لطرف الجدار وناظرت ما في شيء وحينها سمعت صوت همهمه وزمجره خفيفه . وقفت مكاني وادرت وجهي لناحية الشرق على نور الاناره في الشارع شفت ظل شيء يمشي . بركاده وصوت الزمجره متواصل وشميت ريحه خايسه وحين صار تحت الاناره اتضح لي . انه الكلب الرهيب وكان عليه دماء تلطخ ايدينه ومناطق مختلفه من جسمه اتخذت وضعية اطلاق النار كان يبعد عني 8 امتار بالضبط وهاذ هو . طول الجدار كان الكلب يزمجر بطريقه غريبه ويكشر عن انيابه ويتحفز للهجوم اندفع . الادرينالين في عروقي وتصبب العرق من جبيني وتوترت اعصابي كان اصبعي على الزناد ويرتجف من الانفعال . هاجمني الكلب وضغطت على الزناد وكانت المفاجأه ما انطلقت الرصاصه تملكني الخوف . الكلب شرس جدا وعدواني وانيابه طويله وبارزه بامكانه قتل انسان بكل سهوله . ضربت البندقيه في جبهتي وصوبت من جديد كان الكلب قطع مسافة حوالي 5 امتار . وضغطت على الزاد انطلقت الرصاصه واصابته في اخر رقبته ترنح شوي وعاد يهاجمني . اطلقت رصاصه ثانيه اصابته في كتفه واتبعتها بثالثه اصابته في رقبته فوقع مكانه . اطلقت تنهيدة ارتياح فجأه اذا الكلب وقف على ارجوله اطلقت رصاصه ثانيه اصابته فوق عينه اليسار وطلعت من الناحيه الثانيه فوقع بمكانه ميت . اضاءت الانوار في البيوت وسمعت شخص يقول . : من هاذ المزعج اللي يطلق النار في الليل . قلت : ابو ظاري يا صطوف . قال : انت لا تنام ولا تخلي حد ينام لا ترتاح ولا تخلينا نرتاح ؟ تجمع حولي بعض شباب الديره قلت لهم هاذ هو الكلب اللي سبب لنا القلق في الديره . توجهت لبيت اختي ودقيت على الباب ردت اختي من داخل البيت : من اللي يدق باب البيت قلت : لا تخافين يا خيتي انا ابو ظاري ( والعياذ بالله من كلمة انا ) . فتحت الباب طمنتها انه ما في شيء تخاف منه وسألتها عن الاولاد قالت نايمين . رجعت للربع تعذرت منهم وتعذرت على الازعاج اللي سببته لهم قضيت ليلتي في بيت اختي وفي الصباح حفرت حفره وربطت الكلب من رجله بحبل وجريته للحفره واسقطه داخلها . وردمت التراب عليه حتى غطيته بالكامل وكان هاذ الكلب من اكثر الكلاب شراسه . اللي واجهتني في حياتي مثل ما اسلفت ما نجا شيء من براثنه . وسلامتكم يالربع . صورة كلب روت وايلر ( تعبيريه ) |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ستايل لعشاق اللون الاسود استايل Egy-Hack باللون الاسود للنسخة 3.8.4 ads4arb.com | محروم.كوم | منتدى أخبار المواقع والمنتديات العربية والأجنبية | 0 | 01-26-2013 12:50 AM |
ستايل لعشاق اللون الاسود استايل Dev-Hack باللون الاسود للنسخة 3.8.4 ads4arb.com | محروم.كوم | منتدى أخبار المواقع والمنتديات العربية والأجنبية | 0 | 01-26-2013 12:50 AM |
الاسود الخبيث او الثعبان الاسود | محروم.كوم | منتدى أخبار المواقع والمنتديات العربية والأجنبية | 0 | 07-19-2012 01:20 PM |
يوم الغضب الاسود // يحيى الحديد: لا تراجع عن يوم الغضب الاسود | محروم.كوم | منتدى أخبار المواقع والمنتديات العربية والأجنبية | 0 | 11-10-2011 02:00 AM |
فخامة الاسود ( لعشاق اللون الاسود ) | {,.בرايّـر.,» | الأناقة والجمال والموضه والطفل | 33 | 11-29-2009 01:00 AM |