وعلى رزقك أفطرت (( فطور أول يوم ))

محروم.كوم · #1 08-23-2009, 08:10 AM

السلام عليكم ورحمه الله وبركاته
وكل عام وأنتم بخير والشهر عليكم مبارك وجعلنا الله وأياكم من صوامه وقيامه
اليوم صورت لكم الفطور لأول أيام الشهر الفضيل
والصراحة ماكان عندي نية أصور لين ذكرني خرفوش قبل الاذآان بخمس دقايق
عشان كذا جات الصور عالطاير .
حياكم على ضيافة الطرشي وخرفوش

نبدأ سنة المصطفى صلوات الله عليه وسلامه

وهذى (( الشعثاء )) تمر بدون عجم (نوى) وسمن بري وأقط مطحون وزود على ذلك مسويها خرفوش عشانها تبي لياقة وقوة طحن وعجن وخرفوش ماشالله عليه مستصح

وهذى السمبوسة مشوية ومقلية وفيه أنواع جبن ولحم يالله لك الحمد والشكر والثانية والله مدري وش اسمها بس حلوة محشية دجاج وخضروات

وهذى البيتزا

الفيمتو ( شربيت توت عصير أسود ) سموه اللي تسمونه وجيك لبن

منظر علوي للمائد العامرة يتضح فيها ثلاجة القهوة

وعلى فكرة ترى فيه قشطة الصافي بس مالحقت عالتصوير دربها درب السمك المشوي

وهذا خرفووووش اللي مغطي وجهه بالدائرة البيضاء عشان ماحد يعرفه

وأخيراً أستسلم خرفوش لعدسة الكاميرا

لحظات ترقب عصيبة قبيل الآذان

وهذا محدثكم الطرشي يستمتع بقرمشة مدري وش اسمها

وهذا الحلا: كنافة بالقشطة تأكل أصابعك وراها بعد صلاة المغرب ترى اليد اللي تحت لخرفوش لا أحد يشك انها لي

وبعدها خلاااااااااص دور لك أقرب زاوية وأنسدح عشان المعدة تخف قبل صلاة التراويح
وأنصحكم في بيالة شاهي خااااااااااااااااااااااادر على كيف كيفك مثل هذى

نهاية أتمنى يكون الفطور عجبكم ونوعدكم أنا وخرفوش وأبو مرضي بمواضيع جديدة وومن ضمنها فطور في البر في رأس طعس أن شالله بس ابي من الاعضاء كل واحد يشارك بأفضل صورة أعجبته في هذا الموضوع
وكل عام وأنت بخير وصحة وعافية
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حابب تزيد رزقك وتسد ديونك ؟؟؟	محروم.كوم	منتدى أخبار المواقع والمنتديات العربية والأجنبية	1	01-30-2012 05:55 PM
ودي فطور حجل	محروم.كوم	منتدى أخبار المواقع والمنتديات العربية والأجنبية	0	08-29-2009 03:40 PM
اجعل الانترنت مصدر رزقك ياعربي	محروم.كوم	منتدى أخبار المواقع والمنتديات العربية والأجنبية	0	06-24-2009 12:30 PM
اجعل الانترنت مصدر رزقك ياعربي	محروم.كوم	منتدى أخبار المواقع والمنتديات العربية والأجنبية	0	06-24-2009 12:30 PM
... فطور شهي وسهل ...	قطوة بوظبي	فن المطبخ والطبخ	11	06-01-2008 01:51 PM