بيييييق برووووبلم

قلب لم يعرف الحب · #1 08-21-2009, 03:29 PM

السلام عليكم يا اعضاء المنتدى

شحالكم .. شخباركم يا عرب زاايد

المهم انا يايه اتخبركم مشكلة ربيعتيه

المهم ربيعتي عمرها 14 ما دري 15 المهم هاي ((...)) عندها فوون طبعا ...

وفي يوووم من الاياام اتصل حقها وااحد بلغلط وهي ردت عليه

وقال لها ابي اتعرف وهي طبعا حرجت علييه وقالت له انت ما تستحي على ويهك واذا جفت رقمك مرة ثاانيه ببلغ علييك الشرطه وصكت الفوون بوويهه وبعد دقيقتين اتصل وقال لها حراااام عليج بس بتعرف وبس ما بيستوي بج شي وجاان اتقوول له اووكي بس مب كل يووم تتصل انا بس بتصل بك .. لكن الغبي ما يسمع الكلام كل يووم يتصل بها ويرمسها ويقص عليها وطبعا قال لها وين بيتكم بيي عشاان اجووفج من الدريشه قالت اووكي ودلته بيتهم واتفقوا ع يووم و اليووم يا عشاان يجووفها من الدريشه وجاافته وقالت له يالله رووح واتووكل قاال اووكي وطبعا راااح واتصل فيها وتم يرمس وياها لين الفير وكل يووم ع نفس الحاله واستوى شهر تقريبا وبعدين قال لها ابي صوورتج وهي حرجت وقالت خلاص انت جفتني قبل بعد ششو تبا بصوورتي قال لها لا ابي صورتج عشاان افكر فيج بالليل واحلم ف القمر ...
وعقب صكرت بويهه الفوون وهوو بعد ما اتصل وطرش لها مسج وقال لها لا اتكلميني الا يووم بطرشيين الصوورة .. وهي ع طوول ساارت واتكشخت واتصورت وطرشت له الصورة وعقب جافاها وحلف اونه مسحها لكن هو ما مسحها راح ونشر صورتها وشووه سمعتها والحين اولاد الفريج كله يرمسوون عنها ... فقيرة
ففي يوم جربو انهم يتصلون لها فهي قالت نعم وطبعا هم مسمينها بنت محشش قال يا بنت محشش ممكن نتعرف قالت لا طبعا قال اذا ما تعرفتي بخبر اهلج انج ترمسين هايك الولد فطبعا هي خافت قالت اوكي وتعرفت عليه وبعدين قال عطيني ايميلج وهيه عطته ويوم هو حدر هيه كانت حادره ضافه عند خمسين ولد وتمو يسبونها ويقولن كلمات غيير مفهومة وهيه طنشت وطبعا هيه امها مدرسه ففي يوم الولد ضافها ويا بنت وتم هو ويا البنت يسبونها وتمو يخوفونها انهم بيخبرون امها وبيخبرون عليها البنات و قالو لها اذا جفناج بنذبحج والمشكله ان ولد الفريج اخته في نفس المدرسه ونفس الصف وهاي اخته قالت بتخبر بناات الصف المدرسه وبعديييييين ابي حل تساعدونها شو تسسوي ؟؟؟؟؟؟

الله يخليكم ابي الحل

سااعدووها

كسرت خااطري
__DEFINE_LIKE_SHARE__

Esma7eli Yal'3ram · 08-21-2009, 04:23 PM

الله يعينها الصراحه.. بس اشووف انها هي غلطت من اول .. و لو اتخبر حد من هلها يكوون احسن بواايد .

و لا تعيش ها الايام طوول عمرها . __DEFINE_LIKE_SHARE__

~ { شرشبيلهـ } ~ · 08-21-2009, 04:38 PM

واللهي سمعي خيتي هيه سالفتها عوييصة شوي ..

بس ما علييها إلا إنها تودر هالإييميل شوي ..

وأي أحد يتصل بها ع الفون تعطييه طاف

ولا تسمع أي تهديد .. خلهم يقوولون إلي يقولونه .. ما عليها إلا تبند فويووههم

وكييف أهلها ما عرفوا دام نص الفرييج عارفيين بالسالفه ..؟

عالعمووم ..

نفس ما قالت خيتي .. لو تخبر أحد من أهلها بيكون وايد أحسن .. حد تثق فيه مثل أمها أو إختها إلي أكبر عنها .. بتكون على الأقل الصورة واضحه إذا انتشرت السالفه .، وفي حد بيدافع عنها

وأحس سنها صغيير ع هالسوالف

هيه غلطت وتتحمل غلطها ولازم قد ما تقدر تصلح هالخطأ ..

وإذا تبي تصلحه .. عليها بالدعاء .. //

وتلح ع رب العاليمن إنه يستر عليها ويبعد هالناس عنها ..

وربي مب ناسي عبييده .. ^.^

ولو تغير إيميلها ورقم موبايلها يكون أحسن وأحسن ..

وربي يستر عليينا وعلييها يا رب ..

هذا كل إلي عندي .. وذكرج خييتي وصلي لها هالرمسة ..

رمضان ياي وفرصة إنها تتوب وتتقرب لرب العالميين .، ورب العالمين دوم جريب من عباده
وأهم شيء إنها لما تدعي تكون واثقة من رب العالميين بيتقبل دعائها وتوبتها ,. وما تشك ولو للحظه إنه ربي ناسنها ..// مهما كانت وشو ما كانت .. لآزم تثق برب العالمين إنه بيتقبل دعائها يا اليوم أو باجر أو أي يوم كان بس هو بيتقبله ان شاء الله وعليها بالصبر ..

اسمحييلي حبيبتي .. هذا كل إلي عندي ..

وخلج جريبة منها ونصحييها .. هيه محتاجتج بهالوقت أكثر من أي وقت ثاني .. ^.^

سلملم " شرشبيله " .. __DEFINE_LIKE_SHARE__

آهــــــات · 08-21-2009, 04:53 PM

وعليكم السلام

انا عن نفسي بخير والحمدالله ^-*

ماحبيت اطلع من غير مارد عليج

بالنسبه لرفيجتج تصرفها كان غريب يعني اول مره زفته وثاني مره كلمته ومشت الموضوع وتسايره بكل كلمه يعي

ابي اعرف من الاساس ليش زفته @@

عالعموم انا من وجهة نظري تستغفر ربها وتدعي من قلبها عسى ربي يستر عليها قولي لها تكثر من الدعاء

وقبل ماتكبر المشكله اكثر وتساير الكل

قولي لها تاخذ الموبايل تروح عند وحده من خواتها الكبار وحده عاقله تحسن التصرف قريبه منها وتعطيها الموبايل

وتقول انها ماتبغي الموبيل ولا التبغي المسن بس تبغي الستر ورضاهم .. واذا ماعندها خوات مالها الا امها

مافي احسن من خوف الام على بنتها

ربي يستر عليها وعلى بنات المسلمين

والدنيا دواره بجيه يوم يندم على اللي سواه في بنت الناس ^_^ __DEFINE_LIKE_SHARE__

شيطونة الـ ع ـين · 08-22-2009, 01:44 AM

الي ما يخاف ما ينخاف منه ...
توكلي على ربج ..

واكبر طاااف وحياتج ..
او تفتح حساب ثاني او بطاقه مدفوعه ثانيه ...
وان لحقها ومصخها ...
بلغوووا ع الرقم وخلووا السالفه امبين البنت والشرطه لا من شاف ولا من درااا ..
الشرطه بتعرفله ... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برووووبلم....	وحشـ عيونكـ ـتني	طلبات البرامج والشروحات وحل مشاكل الحاسب الآلي	1	08-23-2009 03:15 PM